მიკროჩიპებს ადამიანის ტვინზეც გამოცდიან. ილონ მასკის კომპანია Neuralink-მა შესაბამისი უფლება აშშ-ის ეთიკის დამოუკიდებელი კომიტეტისგან მიიღო.
კომპანიამ მოხალისეების ძებნა უკვე დაიწო. Neuralink-ი განიხილავს ყველა პაციენტს, რომელსაც ამიოტროფული გვერდითი სკლეროზის, ან ზურგის ტვინის დაზიანების გამო მოძრაობის უნარი აქვს შეზღუდული.
სპეციალისტები მიკროჩიპებს პარალიზებული ადამიანების ტვინის იმ მონაკვეთში ჩასვამენ, რომელიც მოძრაობაზეა პასუხისმგებელი. მათი მტკიცებით, ჩიპის დახმარებით ადამიანს მოძრაობის უნარი აღუდგება.
