,,ირაყლი კობახიძეს და მამუკა მდინარაძეს აგინებს საქართველოს მოქალაქეების 90%, ამიტომაც საქართველოს მოქალაქეების 90%-ის ეს გინება ირაყლი კობახიძეს და მამუკა მდინარაძეს აქვს შეწერილი და თან შეწერილი აქვთ სამუდამოდ,”- ასე ეხმიანება ოპოზიციონერი დეპუტატი ანი წითლიძე მ პარლამენტის სასესიო დარბაზში დღეს მომხდარ ინციდენტს.
მისი თქმით, იყო მცდელობა, პროვოკაციაზე წამოეგოთ ოპოზიცია.
,,ირაყლი კობახიძეს და მამუკა მდინარაძეს აგინებს საქართველოს მოქალაქეების 90%, რომელსაც ირაყლი კობახიძე და მამუკა მდინარაძე აკარგვინებენ ამ ქვეყნის ევროპულ პერსპექტივას, ამიტომაც საქართველოს მოქალაქეების 90%-ის ეს გინება ირაყლი კობახიძეს და მამუკა მდინარაძეს აქვს შეწერილი და თან შეწერილი აქვთ სამუდამოდ, ისიც შეწერილი აქვთ, რომ არიან რუსები და შიგნით რაც მოხდა ამის ამსახველი ვიდეო მე დავდე, იყო მცდელობა, რომ პროვოკაციაზე წამოეგოთ ოპოზიცია და ფიზიკური დაპირისპირება ყოფილიყო, ამას ცდილობდა მამუკა მდინარაძე, თუმცა მამუკა მდინარაძეს შემდეგ მოუწია დარბაზის დატოვება და განმარტოება მოსაწევ ოთახში მანამ, სანამ არ დაიწყო ისევ სესია.
ეს იყო საქართველოს მოქალაქე, რომელმაც გამოხატა თავისი პროტესტი ისე, როგორც გამოხატა, რაც მათ გულზე მოხვდათ და მესმის, რომ მოხვდათ კიდეც. ისინი უნდა შეეგუონ, რომ არიან რუსები, არიან მოღალატეები და თავიანთი ქმედებებით სწორედ ამას შვრებიან, რუსულ ძალებს აძლიერებენ ამ ქვეყანაში და უნდა შეეჩვიონ იმასაც, რომ საქართველოს მოქალაქეების 90 პროცენტი ესე აგინებს და ამის შეწერა მოუწევთ მაშინაც, როდესაც ხელისუფლებაში არიან და მაშინაც, როცა ხელისუფლებაში არ იქნებიან,”- აცხადებს წითლიძე.
