ქართული ოცნების“ აღმასრულებელი მდივანი, მამუკა მდინარაძე სოციალურ ქსელში განცხადებას ავრცელებს, რომლითაც აშშ-ის საელჩოს ტერიტორიაზე ანრი ოხანაშვილსა და ვატო წერეთელს შორის მომხდარ ინციდენტს ეხმაურება.
მდინარაძის თქმით, წერეთელმა კამერების გასაჯაროების შიშით ინციდენტის შესახებ თავდაპირველი ვერსია შეცვალა.
,,როგორც არ უნდა „დაალაგო“ “ფეიკი”, საბოლოოდ სიმართლე ყოველთვის იმარჯვებს! ალბათ გახსოვთ ორი ვერსია ამერიკის საელჩოში მომხდართან დაკავშირებით:
პირველის მიხედვით, წერეთელმა პროვოკაცია მოუწყო ანრი ოხანაშვილს, ყურში ჩაჩურჩულებით (რაც მაშინ ზოგიერთისთვის სასაცილოდაც „ჩანდა“), მუქარითა და უბინძურესი ბილწსიტყვაობით, უმძიმესი შეურაცხყოფა მიაყენა, რასაც შემდეგ ინციდენტი მოყვა.
მეორე ვერსიით, დეპუტატები ყოველგვარი წინაპირობის გარეშე, უმიზეზოდ, თავს დაესხნენ წერეთელს.
გუშინ წერეთელმა მის მიერ გახმოვანებულ ვერსიაზე უარი თქვა და პირველი ვერსია დაადასტურა. კამერების გასაჯაროების შიშით აღარ დამალა და თქვა, რომ მართლაც ჰქონდა კომუნიკაცია ინციდენტამდე (ყურში ნამდვილად ჩავჩურჩულეო) ანრისთან და მხოლოდ ნათქვამის შინაარსი შეცვალა…
გახშირებული მუქარები, მათ შორის პერსონალური შემოთვლები იმიჯური განადგურების მუქარით, პროვოკაციები, უხამსობა და სხვა სახის მდაბიო ბულინგის მცდელობები უდავოდ შეიცავს პანიკის ნიშნებს ქვეყნის წინააღმდეგ მებრძოლთა ბანაკში. სიმართლე კი ყოველთვის გაიმარჯვებს, ისევე როგორც ეს ქვეყანა და მისი ეროვნული ინტერესი!,”- წერს მამუკა მდინარაძე.
ცნობისთვის, ვატო წერეთელმა გუშინ დაასახელა ფრაზა, რომელიც აშშ-ის საელჩოში ანრი ოხანაშვილს ,,ჩასჩურჩულა”. მისი თქმით, ოხანაშვილს უთხრა, რომ “ლექსო ლაშქარავას სიკვდილი მათ კისერზე იყო”.
