დღე: აგვისტო 4, 2024

ინგლისის ქალაქ როტერჰემში მდებარე ერთ-ერთ სასტუმროსთან მიგრანტების წინააღმდეგ მიმდინარე აქცია პოლიციასთან დაპირისპირებაში გადაიზარდა. დემონსტრანტებმა სასტუმროს ალყა შემოარტყეს, მიმდებარე ტერიტორიაზე ცეცხლი გააჩინეს, ხოლო  პოლიციას ქვები დაუშინეს. დემონსტრანტები ვარაუდობენ, რომ სასტუმროში თავშესაფრის მაძიებლები არიან განთავსებულები. აქციის მონაწილეებს სურთ, სასტუმროს შიგნით შეაღწიონ, თუმცა პოლიციელები შესასვლელთან რამდენიმე რიგად დგანან და დემონსტრანტების შეკავებას ცდილობენ. აქციები საუთპორტში მომხდარ ინციდენტს უკავშირდება, სადაც 17 წლის მოზარდი დანით დაესხა თავს საბავშვო საცეკვაო სკოლის მიერ ორგანიზებული ღონისძიების მონაწილეებს. შედეგად, მოკლულია სამი მცირეწლოვანი გოგო, ხოლო კიდევ რვა ბავშვი დაშავდა. თავდაპირველად ვრცელდებოდა ცნობა, რომ თავდამსხმელი რადიკალი ისლამისტი მიგრანტი იყო. მოგვიანებით ცნობილი გახდა, რომ…

უკრაინამ „F-16“-ის ტიპის 79 თვითმფრინავიდან ათი უკვე მიიღო. გავრცელებული ინფორმაციით, 2024 წლის ბოლომდე უკრაინას კიდევ 20 ასეთი თვითმფრინავი უნდა მიეწოდოს. გამოცემა „ეკონომისტი“ წერს, რომ დანარჩენი თვითმფრინავები, რომელთა გადაცემასაც უკრაინას ე.წ. „გამანადგურებელთა კოალიცია“ დაჰპირდა, ქვეყანაში 2025 წლის განმავლობაში ჩავა. „F-16“-ის ტიპის მოიერიშე თვითმფრინავების მიღებას ადასტურებს უკრაინის პრეზიდენტი ვოლოდიმირ ზელენსკიც, რომელმაც განაცხადა, რომ თვითმფრინავების მიღება ნიშნავს „ახალ თავს“ ქვეყნის საჰაერო ძალებისთვის. „გავმართეთ ასობით შეხვედრა და მოლაპარაკება ჩვენი ავიაციისა და საჰაერო თავდაცვის შესაძლებლობების გასაძლიერებლად. ხშირად გვესმოდა პასუხი, რომ ეს შეუძლებელი იყო. ახლა ეს რეალობაა, „F-16“-ები უკრაინაშია. მე ვამაყობ ჩვენი ყველა ჯარისკაცით, რომლებიც ეუფლებიან ამ თვითმფრინავებს და…

“ამერიკის შეერთებული შტატები განაგრძობს ისრაელის დახმარებას, რათა მოემზადოს ირანის მხრიდან მოსალოდნელი პასუხისთვის, მას შემდეგ, რაც თეირანში „ჰამასის“ ლიდერი მოკლეს”-  ამის შესახებ, მედიასთან თეთრი სახლის ეროვნული უსაფრთხოების სპიკერმა, ჯონ კირბიმ ისაუბრა. კირბი ამბობს, რომ შეერთებულ შტატებს ჯერ კიდევ სჯერა, რომ „ცეცხლის შეწყვეტის შეთანხმება საუკეთესო გზაა ამ ომის დასასრულებლად“. „ჩვენ უნდა დავრწმუნდეთ, რომ მზად ვართ და გვაქვს შესაძლებლობები რეგიონში, რათა შეგვეძლოს დავეხმაროთ ისრაელს თავის დაცვაში, ასევე დავიცვათ ჩვენი ხალხი, ჩვენი საკუთარი ობიექტები, ჩვენი ეროვნული უსაფრთხოების ინტერესები“- განაცხადა კირბიმ „ფოქს ნიუსთან“ ინტერვიუში.

ვენესუელის ხელისუფლებამ განაცხადა, რომ არჩევნების შემდეგ გამართულ აქციებზე 2000 დემონსტრანტი დააკავეს. როგორც ქვეყნის პრეზიდენტმა, ნიკოლას მადურომ მხარდამჭერებთან გამოსვლისას აღნიშნა, დაკავებულებს მკაცრი რეჟიმის სასჯელაღსრულების დაწესებულებებში გააგზავნიან. „ამჯერად დანდობა არ იქნება“ – განაცხადა მადურომ. ამავე დღეს ვენესუელაში ოპოზიციის მრავალრიცხოვანი დემონსტრაციები გაიმართა.  

ბანგლადეშში აქციის მონაწილეებსა და პოლიციას შორის შეტაკების მოხდა. დაღუპულია სულ მცირე, 27 ადამიანი, ხოლო ათობით დაშავდა. დემონსტრანტები პრემიერ-მინისტრის, შეიხ ჰასინას გადადგომას ითხოვდნენ. პოლიციამ აქციის მონაწილეების დასაშლელად ცრემლსადენი გაზი გამოიყენა. როგორც მედია წერს, ათობით ადამიანი მომიტინგეების, პოლიციისა და მმართველი  პარტიის აქტივისტების სამმხრივი შეტაკების დროს დაშავდა. უფლებადამცველი ჯგუფები პრემიერ-მინისტრს და მის მთავრობას პროტესტის ჩასახშობად გადამეტებული ძალის გამოყენებაში ადანაშაულებენ, რასაც ჰასინა და მისი მინისტრები უარყოფენ. გასულ თვეში ბანდგალდეშში ანტისამთავრობო აქციაზე, სულ მცირე, 150 ადამიანი დაიღუპა, ათასობით დაშავდა, ხოლო 10 000 პირი დააკავეს. ქვეყნის დედაქალაქ დაკაში ასობით სტუდენტმა ქუჩები გადაკეტა და პოლიციას დაუპირისპირდა.

გერმანიის საგარეო საქმეთა მინისტრის, ანალენა ბაერბოკის განცხადებით, გერმანიაში აშშ-ის შორ მანძილზე მოქმედი რაკეტების დაგეგმილი განლაგება აუცილებელია. მისი განმარტებით, ეს რუსეთის პრეზიდენტ ვლადიმერ პუტინის წინააღმდეგ შემაკავებელი საშუალება იქნება. „იმედის პრინციპი არ დაგვიცავს პუტინის რუსეთისგან“ – წერს ის გამოცემა Bild am Sonntag-ში გამოქვეყნებულ კომენტარში. ანალენა ბერბოკის თქმით, გერმანია შეიძლება იყოს დაცული იმით, რომ ბერლინი ახლა ინვესტიციას ახორციელებს საკუთარ უსაფრთხოებასა და ძალაში, როგორც ევროკავშირისა და ნატო-ს ფარგლებში, ასევე ეროვნულ დონეზე და ეს ზომები მოიცავს გადაწყვეტილებას გერმანიაში ამერიკული შორ მანძილზე მოქმედი იარაღის განლაგების შესახებ. მინისტრის განმარტებით, გერმანიას სჭირდება საიმედო შეკავების პოლიტიკა რუსეთთან  

საფრანგეთი, ახლო აღმოსავლეთში სამხედრო ესკალაციის რისკის ფონზე, ლიბანში მყოფ თავის მოქალაქეებს მოუწოდებს, ქვეყანა დატოვონ. ინფორმაციას Reuters-ი ავრცელებს. საფრანგეთის საგარეო საქმეთა სამინისტრო საკუთარ მოქალაქეებს ურჩევს, ლიბანში არ გაემგზავრონ, მათ კი, ვინც უკვე იქ იმყოფება, აფრთხილებს, ქვეყანა დატოვონ. შეგახსენებთ, ახლო აღმოსავლეთში არსებული მზარდი დაძაბულობის ფონზე, თავის მოქალაქეებს ლიბანის დატოვებისკენ აშშ-მა და გაერთიანებულმა სამეფომაც მოუწოდეს.    

ბეირუთში შეერთებული შტატების საელჩო, ახლო აღმოსავლეთში მზარდი დაძაბულობის ფონზე, თავის მოქალაქეებს მოუწოდებს, ლიბანი „ნებისმიერი ხელმისაწვდომი ბილეთით“ დატოვონ. საელჩომ განაცხადა, რომ მათ, ვინც ლიბანში დარჩენას ირჩევს, უნდა მოამზადონ საგანგებო გეგმები და მოემზადონ დიდი ხნის განმავლობაში თავის შეფარებისთვის. საელჩოში ამბობენ, რომ რამდენიმე ავიაკომპანიამ შეაჩერა და გააუქმა ფრენები ლიბანის მიმართულებით, მაგრამ ქვეყნის დასატოვებლად ხელმისაწვდომია კომერციული ტრანსპორტის ვარიანტები. აშშ-ის გაფრთხილება მოჰყვა ისრაელსა და ირანს შორის დაძაბულობას, რომელიც გოლანის მაღლობებზე განხორციელებული თავდასხმის შედეგად 12 ბავშვისა და მოზარდის მკვლელობის შემდეგ გამწვავდა.    

„თაიმს ოფ ისრაელის“ ცნობით, ამერიკელი და ისრაელელი მაღალჩინოსნები ვარაუდობენ, რომ ირანი და მისი მარიონეტული ძალები ისრაელზე თავდასხმას 5 აგვისტოს გეგმავენ. როგორ წერს ახლო აღმოსავლეთში უკვე ჩავიდა აშშ-ის ცენტრალური სარდლობის მეთაური, გენერალი მაიკლ კურილა. მანამდე ცნობილი გახდა, რომ აშშ ახლო აღმოსავლეთში სამხედრო თვითმფრინავების ესკადრილიას აგზავნის. ვაშინგტონსა და თელ ავივში ფიქრობენ, რომ ირანის შეტევა 13-14 აპრილს თეირანის მიერ ისრაელზე განხორციელბული თავდასხმის მსგავსი იქნება, რა დროსაც ისრაელის მიმართულებით ასობით რაკეტა და დრონი გაუშვეს.