თვე: სექტემბერი 2024

“ისრაელმა ლიბანის საზღვართან მცირე მასშტაბის ოპერაციების შესახებ გვაცნობა” – ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა ბრიფინგზე განაცხადა. მილერმა აღნიშნა, რომ  ისრაელს „ჰეზბოლას“ წინააღმდეგ საკუთარი თავის დაცვის უფლება აქვს. „მათ რამდენიმე ოპერაციის შესახებ გვაცნობეს. ამ დროისთვის, მათ გვითხრეს, რომ ესენი მცირე მასშტაბის ოპერაციებია, რომლებიც საზღვართან ახლოს მდებარე „ჰეზბოლას“ ინფრასტრუქტურის წინააღმდეგაა მიმართული, მაგრამ ამ საკითხზე მუდმივ მოლაპარაკებებს ვაწარმოებთ“ – განაცხადა მეთიუ მილერმა.      

„ტაივანი ჩინეთის წმინდა ტერიტორიაა და ხალხი ტაივანის სრუტის ორივე მხარეს სისხლით არის დაკავშირებული, რომელიც წყალზე სქელია“ – ამის შესახებ ჩინეთის პრეზიდენტმა, სი ძინპინმა განაცხადა. სი ძინპინმა აღნიშნა, რომ მიღწეული უნდა იქნას სამშობლოს სრული გაერთიანება. „ჩინელი ერის დიდი გაახალგაზრდავების განხორციელება არის ყველა ჩინელის, მათ შორის ჰონგ კონგის, მაკაოს და ტაივანის თანამემამულეების საერთო მისწრაფება. ჩვენ სრულად, ზუსტად და ურყევად განვახორციელებთ ერთი ქვეყანა-ორი სისტემის პრინციპს, ჰონგ კონგის ხალხის მმართველობა ჰონგ კონგში და მაკაოს ხალხის მმართველობა მაკაოში, ავტონომიის მაღალი ხარისხით და ურყევად დავიცავთ და ხელს შევუწყობთ ჰონგ კონგისა და მაკაოს გრძელვადიან კეთილდღეობასა და სტაბილურობას“…

„უკრაინაზე შეთანხმება სამართლიანი იქნება“ – ამის შესახებ აშშ-ის პრეზიდენტობის კანდიდატმა, დონალდ ტრამპმა, „ვაშინგტონ პოსტთან“ ინტერვიუში განაცხადა. აშშ-ის ყოფილი პრეზიდენტის ამბობს, რომ მას უკრაინის პრეზიდენტი ვოლოდიმირ ზელენსკი მოსწონს და მასთან კარგი ურთიერთობა აქვს. „იმპიჩმენტის ტყუილის დროს მას შეეძლო ეთქვა, რომ არ იცოდა, რომ საუბარი იწერებოდა, მაგრამ იმის ნაცვლად, რომ დაემტკიცებინა თავისი უპირატესობა და ეთქვა: „დიახ, მე ვგრძნობდი საფრთხეს“, მან თქვა: „მას აბსოლუტურად არაფერი დაუშავებია“. ჩვენ ორივეს გვინდა, დავინახოთ ამ ომის დასასრული და ორივეს გვინდა დავინახოთ სამართლიანი გარიგება და ის იქნება სამართლიანი“, – განაცხადა დონალდ ტრამპმა.  

„ისრაელის დამარცხებას ჩვენ მსოფლიოს ვაჩვენებთ“ – ამის შესახებ ირანის მთავრობის წარმომადგენელმა, ალიას ჰაზრატიმ განაცხადა. ირანის მთავრობის საინფორმაციო საბჭოს თავმჯდომარე ამბობს, რომ თეირანი ყველაფერს გააკეთებს, რათა დაეხმაროს „ჰეზბოლას“ და ლიბანელ ხალხს. „ისრაელის რეჟიმი და მისი ლიდერი ბენიამინ ნეთანიაჰუ ამ დღეებში გაგიჟდნენ. „ჰეზბოლას“ არ გამოუყენებია თავისი იარაღი და ის ახლავე უნდა დაიწყოს. ირანის ისლამური რესპუბლიკა დგას „ჰეზბოლას“ და ლიბანის ხალხის გვერდით. ჩვენ ვიყენებთ მთელ ჩვენს პოტენციალს და შესაძლებლობებს „ჰეზბოლას“ და ლიბანის ხალხის დასახმარებლად. ჩვენ ვაჩვენებთ ისრაელის დამარცხებას მსოფლიოს. ეს სისასტიკე და სისასტიკე მტრის დამარცხებაზე მიუთითებს“ – განაცხადა ირანის მთავრობის წარმომადგენელმა.

„ჰეზბოლას“ წინააღმდეგ ომის შემდეგი ეტაპი მალე დაიწყება.  ამის შესახებ ისრაელის თავდაცვის მინისტრმა, იოავ გალანტმა ქვეყნის ჩრდილოეთის ქალაქების მერებთან შეხვედრის დროს განაცხადა. ისრაელის მედიის შეფასებით, იოავ გალანტის განცხადება მიუთითებს, რომ ისრაელი ლიბანში სახმელეთო ოპერაციას დაიწყებს. „ეს იქნება მნიშვნელოვანი ფაქტორი უსაფრთხოების სიტუაციის შეცვლაში და მოგვცემს საშუალებას, დავასრულოთ მოსახლეობის სახლებში დაბრუნების მნიშვნელოვანი მისია. ჩვენ ამას გავაკეთებთ. და როგორც ვთქვი აქ ერთი თვის წინ, ჩვენ გადავიტანთ სიმძიმის ცენტრს ჩრდილოეთზე, აი, რას ვამბობ ახლა: ჩვენ შევცვლით სიტუაციას და დავბრუნდებით სახლებში” – განაცხადა იოავ გალანტმა.

საქართველოს პრეზიდენტი სალომე ზურაბიშვილი გერმანიის ფედერაციული რესპუბლიკის პრეზიდენტს, ფრანკ-ვალტერ შტაინმაიერს შეხვდა. ინფორმაციას პრეზიდენტის ადმინისტრაცია ავრცელებს და წერს, რომ ,,გერმანიის პრეზიდენტმა იმედი გამოთქვა, რომ საქართველოში პროევროპული ძალები გაიმარჯვებენ”. მათივე ცნობით, შეხვედრისას ზურაბიშვილმა შტაინმაიერთან ისაუბრა ქვეყანაში შექმნილ წინასაარჩევნო გარემოზე. ასევე, ქართულ დიასპორაზე, რომელსაც არჩევნებში მონაწილეობისთვის ხელოვნური ბარიერები ექმნება. ,,პრეზიდენტმა ისაუბრა ასევე, ქვეყანაში მოქმედ არასამთავრობო ორგანიზაციებისათვის პრობლემების შექმნის საკითხზე, რომელიც გულისხმობს მათთვის სადამკვირვებლო მისიების განხორციელებაში ხელის შეშლას. საქართველოს პრეზიდენტმა გერმანიის პრეზიდენტს კიდევ ერთხელ დაუდასტურა საქართველოს მოსახლეობის მტკიცე განწყობა და განაცხადა, რომ საქართველოს მოსახლეობა სრულად პროევროპულია და ქართველი ხალხის საგარეო ორიენტაცია იყო, არის და…

,,ქართული კოშმარი” ხელისუფლებაში დარჩენისთვის ყველაფერს აკეთებს”, – ასე გამოეხმაურა გერმანიის ბუნდესტაგის საგარეო საქმეთა კომიტეტის თავმჯდომარე, მიხაილ როთი ,,საერთაშორისო გამჭვირვალობა-საქართველოს” განცხადებას, სადაც აღნიშნულია, რომ არასამთავრობო ორგანიზაცია ,,საერთაშორისო გამჭვირვალობა-საქართველო” 26 ოქტომბრის არჩევნებს თავად ორგანიზაციის სახელით ვეღარ დააკვირდება. ,,ქართული კოშმარი” ხელისუფლებაში დარჩენისთვის ყველაფერს აკეთებს. თავისუფალი და სამართლიანი არჩევნებისთვის დამოუკიდებელი დაკვირვება აუცილებელი წინაპირობაა”, – წერს მიხაილ როთი X-ზე.

პუტინის ბრძანებით, რუსეთში საშემოდგომო გაწვევა დაიწყო. რუსეთის პრეზიდენტმა გაწვევის განკარგულებას ხელი მოაწერა. საშემოდგომო გაწვევის ფარგლებში 133 ათას ადამიანს გამოიძახებენ. საშემოდგომო გაწვევა 18-30 წლამდე მოქალაქეებს შეეხებათ, ხოლო ჯარისკაცები, მეზღვაურები, სერჟანტები და ოცმეთაურები, რომლებსაც ვადა ამოეწურათ, რეზერვში გადავლენ. საშემოდგომო გაწვევა 1 ოქტომბერს დაიწყება და მიმდინარე წლის 31 დეკემბერს დასრულდება. ცნობისთვის, სამხედრო გაწვევა რუსეთში წელიწადში ორჯერ ცხადდება, გაზაფხულსა და შემოდგომაზე.

ოფიციალური კიევი უკრაინის ,,გამარჯვების გეგმას” გაასაჯაროებს. უკრაინის პრეზიდენტის ოფისის ხელმძღვანელის, ანდრეი ერმაკის თქმით, უკრაინელები ,,გამარჯვების გეგმის” შეზღუდულ ვარიანტს გაეცნობიან, რადგან ის საიდუმლო დეტალებს შეიცავს. ოფიციალური კიევი მიიჩნევს, რომ გეგმის გარკვეული ნაწილზე ოკუპანტს ინფორმაცია არ უნდა ჰქონდეს. „რასაკვირველია, გეგმაში არის ძალიან მგრძნობიარე ნაწილები. ისინი დახურულებია. და არა მხოლოდ იმიტომ, რომ საიდუმლოები არის, უბრალოდ ყველაფერი, რაც საჯარო ხდება, ესმით არა მარტო ჩვენთან, უკრაინაში, არამედ ეს ჩვენს მტერსაც ესმის“, – აღნიშნა ერმაკმა.

ბერლინში, ამ წუთებში, საქართველოს პრეზიდენტისა და გერმანიის ფედერაციული რესპუბლიკის პრეზიდენტის, ფრანკ-ვალტერ შტაინმაიერის შეხვედრა მიმდინარეობს. ვიდეოკადრები სალომე ზურაბიშვილის ინსტაგრამ გვერდზე ვრცელდება.

ისრაელის თავდაცვის ძალებმა ბეირუთში მრავალსართულიან საცხოვრებელ შენობაზე ავიაიერიში მიიტანა. BBC-ის ცნობით, ეს ისრაელის პირველი შეტევაა ლიბანის დედაქალაქზე, თუ არ ჩავთვლით დარტყმებს „ჰეზბოლას“ ბაზებზე. თავდაცვის ძალებში იერიშზე კომენტარი არ გაუკეთებიათ, თუმცა დაჯგუფება „პალესტინის გათავისუფლების სახალხო ფრონტში“ აღნიშნეს, რომ დარტყმას მათი სამი ლიდერი ემსხვერპლა. თავის მხრივ „ჰამასშიც“ დაადასტურეს, რომ სამხრეთ ლიბანზე ავიაიერიშის შედეგად ლიბანში დაჯგუფების ლიდერი დაიღუპა. ლიბანის მთავრობის წარმომადგენლები აცხადებენ, რომ კვირას, ისრაელის ავიაიერიშების შედეგად 105 ადამიანი დაიღუპა, მილიონამდე ადამიანს კი საკუთარი სახლების დატოვება მოუწია.