დღე: მაისი 29, 2024

,,ქართული ოცნების” გადაწყვეტილებით იმედგაცრუებული ვარ, მაგრამ არა გაკვირვებული”, – ამის შესახებ სენატორი ჯინ შაჰინი X-ზე წერს და ვეტოს დაძლევას ეხმაურება. ,,ქართული ოცნების” გადაწყვეტილებით, დაძლიოს პრეზიდენტის ვეტო უცხოური აგენტების კანონზე, იმედგაცრუებული ვარ, მაგრამ არა გაკვირვებული. ჩემი ,,ქართველი ხალხის აქტი” უზრუნველყოფს ანგარიშვალდებულებას მათთვის, ვინც საფრთხეს უქმნის საქართველოს დემოკრატიას და უგულებელყოფს ქართველი ხალხის აბსოლუტურ სურვილებს,” – წერს შაჰინი.

ისლანდიის საგარეო საქმეთა მინისტრი “ქართული ოცნების” მიერ პრეზიდენტის ვეტოს დაძლევას და გამჭვირვალობის შესახებ კანონის მიღებას ეხმაურება. მისი თქმით, მთავრობამ, ფაქტობრივად, ქვეყნის ევროატლანტიკური ინტეგრაციის შეჩერება აირჩია. ,,ქართველ ხალხს თვალები ევროპული მომავლისკენ ჰქონდა მიპყრობილი, რომელიც ახლა მთავრობამ საფრთხის ქვეშ დააყენა ,,უცხოური აგენტების” კანონის მიღებით. ვწუხვარ, რომ მთავრობამ ფაქტობრივად აირჩია საქართველოს ევროატლანტიკური ინტეგრაცია შეაჩეროს”, – წერს თორდის კოლბრუნ რეიკფიორდ გილფადოტირი.

„ვწუხვარ, რომ მთავრობამ ფაქტობრივად გადაწყვიტა საქართველოს ევროატლანტიკური ინტეგრაცია შეაჩეროს“ – აცხადებს ისლანდიის საგარეო საქმეთა მინისტრი. მისი შეფასებით, ქართველი ხალხი ევროპული მომავლის მოლოდინში იყო. „ქართველ ხალხს თვალები ევროპული მომავლისკენ ჰქონდა მიპყრობილი, რომელიც ახლა მთავრობამ „უცხოური აგენტების შესახებ“ კანონის მიღებით საფრთხის ქვეშ დააყენა. ვწუხვარ, რომ მთავრობამ ფაქტობრივად გადაწყვიტა საქართველოს ევროატლანტიკური ინტეგრაცია შეაჩეროს“, – აცხადებს თორდის კოლბრუნ რეიკფიორდ გილფადოტირი.

,,ქართველო მეგობრებო, თქვენ მხოლოდ საქართველოსთვის არ იბრძვით, თქვენ იბრძვით ევროპისთვის”, – წერს X-ზე გერმანიის ბუნდესტაგის საგარეო საქმეთა კომიტეტის თავმჯდომარე, მიხაილ როთი. ,,ძვირფასო ქართველო მეგობრებო, თქვენთვის მხოლოდ ერთი მესიჯი მაქვს: თქვენ მხოლოდ საქართველოსთვის არ იბრძვით. თქვენ იბრძვით ევროპისთვის, თქვენ იბრძვით თავისუფლებისთვის და დემოკრატიისთვის”, – წერს როთი.

,,სევდიანი დღეა… ქართველი ხალხის გვერდით ვდგავართ”, – ამის შესახებ აშშ-ის სენატის საგარეო კომიტეტის თავმჯდომარემ, სენატორმა ბენ კარდინიმ სოციალურ ქსელში დაწერა და ,,ქართული ოცნების” მიერ გამჭვირვალობის შესახებ კანონზე პრეზიდენტის ვეტოს დაძლევას გამოეხმაურა. ,,საქართველოს ხელისუფლების მიერ რუსული სტილის “უცხოელი აგენტების” შესახებ კანონის მიღება საქართველოსთვის სევდიანი დღეა. თუმცა, ხალხმა გამოხატა, რომ ისინი ივანიშვილს მათი დემოკრატიის განადგურებისა და ევროპული მომავლის წართმევის უფლებას არ მისცემენ. ჩვენ მათ გვერდით ვდგავართ”, – წერს სენატორი კარდინი.

,,საქართველოს მთავრობა კიდევ ერთხელ არ ითვალისწინებს აბსოლუტური უმრავლესობის სურვილს, რომელიც ქუჩაში ევროპული მომავლისთვის ყოველდღიურად გამოდის და ქვეყანას ევროპისგან აშორებს. კურსის შეცვლა გვიანი არასდროსაა”, – ამის შესახებ გერმანიის საგარეო საქმეთა მინისტრმა ანალენა ბერბოკიმ სოციალურ ქსელში დაწერა და ,,ქართული ოცნების” მიერ გამჭვირვალობის შესახებ კანონზე პრეზიდენტის ვეტოს დაძლევას გამოეხმარა.

,,უცხოელი გავლენების” შესახებ კანონის ამოქმედება ევროკავშირისადმი მისწრაფებებს ეწინააღმდეგება”, – ამის შესახებ სლოვაკეთის პრეზიდენტმა, ზუზანა ჩაპუტოვამ X-ზე დაწერა და ,,ქართული ოცნების” მიერ პრეზიდენტის ვეტოს დაძლევას გამოეხმაურა. ,,სლოვაკეთი საქართველოს და მისი ხალხის მეგობარია, მხარს ვუჭერთ მათ მისწრაფებებს ევროკავშირისკენ. “უცხოელი გავლენების” შესახებ კანონის ამოქმედება სწორედ ამ მისწრაფებებს ეწინააღმდეგება. საქართველოში ფართო საზოგადოებრივი მხარდაჭერა ევროკავშირისა და მისი ღირებულებებისადმი პატივისცემას იმსახურებს,” – წერს ზუზანა ჩაპუტოვა.

,,საქართველოს ევროპული გზა დროებით დასრულდა. ტრაგიკულია – მაგრამ სიმართლე,” – ამის შესახებ საგარეო ურთიერთობების საკითხებში ევროპული საბჭოს თავმჯდომარე, კარლ ბილდტი X-ზე წერს და ვეტოს დაძლევას ეხმაურება. ,,როდესაც მმართველი პარტია პარლამენტში რუსული კანონზე პრეზიდენტის ვეტოს დასაძლევად უმრავლესობას იყენებს, საქართველოს ევროპული გზა დროებით დასრულდა. ტრაგიკულია – მაგრამ სიმართლე,” – წერს ბილდტი.

„იმედგაცრუებული ვართ იმის ხილვით, რომ საქართველოს პარლამენტმა დაძლია საქართველოს პრეზიდენტის ვეტო ანტიდემოკრატიულ „უცხიური აგენტების შესახებ“ კანონპროექტზე, მიუხედავად იმისა, რომ კენჭისყრა მოულოდნელი არ იყო“, – ამის შესახებ თეთრი სახლის პრესსპიკერმა, კარინ ჟან-პიერმა ბრიფინგზე განაცხადა, რითაც უპასუხა შეკითხვას, თუ რა არის პრეზიდენტ ჯო ბაიდედნის მესიჯი ქართველი ხალხის მიმართ. როგორც მან აღნიშნა, [უცხოური გავლენების გამჭვირვალობის შესახებ კანონი] მოითხოვს სამოქალაქო საზოგადოების ორგანიზაციები დარეგისტრირდნენ უცხოური მთავრობის აგენტებად, დაფინანსების 20%-ის უცხოეთიდან მიღების გამო და ეს არ არის ის, რასაც დემოკრატები აკეთებენ. „ჩვენ ვნახეთ, რომ ათიათასობით ქართველი აპროტესტებდა ამ კანონპროექტს გასულ კვირას, ეს იყო ერთ-ერთი ყველაზე დიდი პროტესტი…

,,ქართულ ოცნებას” მილიონი შანსი ჰქონდა, არ ეღალატა საქართველოსთვის, მაგრამ მაინც არჩიეს, რომ პუტინს დამორჩილებოდნენ,” – ამის შესახებ ევროპარლამენტარი, ვიოლა ფონ კრამონი X-ზე წერს და ვეტოს დაძლევას ეხმაურება. ,,ქართულ ოცნებას” მილიონი შანსი ჰქონდა, არ ეღალატა საქართველოსთვის, მაგრამ მაინც არჩიეს, რომ პუტინს დამორჩილებოდნენ. ისტორია არასდროსაა კეთილი მოღალატეების მიმართ. მიუხედავად ამ წარუმატებლობისა, ქართველი ხალხისთვის ისტორია კარგად მთავრდება. ადრე თუ გვიან, ისინი შეუერთდებიან ევროკავშირს და ამას ვერც რუსეთი და ვერც მათი მართული ჯგუფები ვერ შეცვლიან,” – წერს კრამონი.

,,საქართველოს მთავრობამ, ამ ქმედებით, მტკიცე ნაბიჯი გადადგა თავისუფალი და დემოკრატიული საზოგადოების აშენების საპირისპიროდ. მიუხედავად იმისა, რომ აშშ გააგრძელებს ქართველი ხალხის მხარდაჭერას, მათი მთავრობა აღარ უნდა სარგებლობდეს შეერთებული შტატების მხარდაჭერით”, – ამის შესახებ აშშ-ის სენატის საგარეო კომიტეტის უფროსმა წევრმა რესპუბლიკური პარტიიდან ჯიმ რიშმა X-ზე დაწერა და ,,ქართული ოცნების” მიერ გამჭვირვალობის შესახებ კანონზე პრეზიდენტის ვეტოს დაძლევას გამოეხმაურა.

უკრაინის პრეზიდენტმა, ვოლოდიმირ ზელენსკიმ და პორტუგალიის პრემიერმინისტრმა ლუის მონტენეგრომ 28 მაისს ლისაბონში ხელი მოაწერეს ორმხრივ შეთანხმებას უსაფრთხოების სფეროში თანამშრომლობის შესახებ. შეთანხმება აძლიერებს პორტუგალიის ვალდებულებას მხარი დაუჭიროს უკრაინის ტერიტორიული მთლიანობის აღდგენას 1991 წლის საზღვრებში. ,,პორტუგალია წელს მინიმუმ 126 მილიონი ევროს სამხედრო დახმარებას უზრუნველყოფს. ის ასევე ადასტურებს მონაწილეობას F-16-ების კოალიციაში, საზღვაო უსაფრთხოების შესაძლებლობების საერთაშორისო კოალიციაში, დიდი კალიბრის საბრძოლო მასალის შეძენის პროგრამაში, ნაღმების გაწმენდისა და საზღვაო უსაფრთხოების განმტკიცებაში”, – ნათქვამია განცხადებაში. არსებული ინფორმაციით, შეთანხმების ცალკეული ბლოკები ეძღვნება ორმხრივ თანამშრომლობას თავდაცვის მრეწველობის, დაზვერვის, ორგანიზებული დანაშაულისა და პროპაგანდის წინააღმდეგ ბრძოლაში, აგრეთვე ქიმიური, ბიოლოგიური, რადიოლოგიური და…