თვე: მარტი 2019

პარლამენტის თავმჯდომარე ირაკლი კობახიძე, ყოფილი თანაგუნდელების განცხადებებს პასუხობს იმასთან დაკავშირებით, რომ “ქართულ ოცნებაში” არსებულ დაპირისპირებაში, ბიძინა ივანიშვილი კობახიძის გვერდით დგას და აცხადებს, რომ გუნდს ჰყავს ლიდერი, გუნდის წევრები კი ლიდერთან  უნდა დადგნენ. „ბიძინა ივანიშვილი კი არ დგას ჩვენ გვერდით, ჩვენ ვდგავართ მის გვერდით, რადგან ის არის პარტიის ლიდერი. ასე მარტივადაა ყველაფერი და ბუნებრივია, სხვა ალტერნატივა ამას არ აქვს. როცა გუნდს ჰყავს ლიდერი, ბუნებრივია გუნდის წევრები უნდა დადგნენ გუნდის ლიდერთან ერთად. ეს არის რეალური სურათი და ამას შეტრიალება არ სჭირდება. არასწორია ამ სურათის შეტრიალება,“ – განაცხადა ირაკლი კობახიძემ.

პარლამენტის შუალედურ არჩევნებში, თბილისის მთაწმინდის მაჟორიტარი დეპუტატობის კანდიდატი, თბილისის საკრებულოს ყოფილი თავმჯდომარე, ექიმი ლადო კახაძე აცხადებს, რომ პოლიტიკაში მისი დაბრუნება მედიის დამსახურებაა. მისივე თქმით, მმართველი პარტია “ქართული ოცნება” მას შემდეგ დაინტერესდა მისი კანდიდატურით, რაც ის მედიის ყურადღების ცენტრში მოექცა. კახაძე მის პოლიტიკურ აქტივობას ჟურნალისტებს უმადლის და აცხადებს, რომ ქედს იხრის მათი პროფესიონალიზმისა და მოუსვენრობის წინაშე.  “მადლობას გიხდით ფხიზელი თვალისთვის და იმისთვის, რომ გარკვეული მოვლენების შეფასების საშუალება მომეცით, იქნებოდა ეს ადგილობრივი თუ ზოგადი პრობლემები – რელიგია, პოლიტიკა თუ სხვა. ამან გააჩინა სურვილი, რომ ჩემი წარსულის, ასაკისა და შეხედულებების კაცი, პოლიტიკაში მოსულიყო.…

ექიმი და დეპუტატობის კანდიდატი ლადო კახაძე ფიქრობს, რომ მედია მისი წარსულით თუ პირადი ცხოვრებითაც მეტად უნდა დაინტერესდეს და ნეგატივში გაატაროს. დეპუტატობის კანდიდატმა „მედიაცენტრ მთავარში“ გამართულ პრესკონფერენციაზე მედიას დავალებაც მისცა. „არ მინდა ვთქვა, რომ ის ადამიანები, ვინც ნეგატივს აგორებენ, ამით მე მეწინააღმდეგებიან. მაგრამ, პოლიტიკური ნეგატივი ვიღაცამ ხო უნდა დაცალოს. მედიამაც ისე უნდა გააშუქოს, როგორც ამას ამბობენ. ერთხელ ვიფიქრე, რომ არასოდეს გავაკეთებდი კომენტარს, რადგან ინფორმაცია მახინჯდებოდა. მაგრამ, როცა ვნახე, რომ კომენტარი ტრანსფორმაციის გარეშე გავიდა, გადავწყვიტე, ყველას დაგელაპარაკოთ. ამოქექეთ ჩემი პირად ცხოვრება, პირიქით, დავალებას მოგცემთ, იქნება ჩემზე არის ისეთი ადგილი, რომელიც დასაბრუნებელი მაქვს.…

მთაწმინდის შუალედურ არჩევნებში „ქართული ოცნების“ კანდიდატი ლადო კახაძე მედიას მოუწოდებს, მისი წარსული საქმიანობით მეტად დაინტერესდეს. როგორც კახაძემ „მედიაცენტრ მთავარში“ გამართულ პრესკონფერენციაზე განაცხადა, ლანძღვა პოლიტიკოსის იარაღია და ისინი, ვინც ოპონენტებს ლანძღავენ ემოციურად იცლებიან. „ზოგიერთების მხრიდან ჩემი მისამართით გავრცელებულმა ნეგატივმა თქვენ ჩემზე შთაბეჭდილება შეგიცვალათ? ვინც ფიქრობს, რომ ადვილად შეუძლია ჩემი წყობიდან გამოყვანა, უნდა იცოდეს ერთი რამ – ყველა ის ადამიანი, რომელთანაც პერსონალური შეხება მქონია ჩემზე აზრს არ შეიცვლიდა. ეს გამორიცხულია. ვინც ჯერ არ მიცნობს, დარწმუნებული ვარ, მლანძღველებს არ აჰყვებიან. როცა ტკივილით შეწუხებული პაციენტი მოდის ჩემთან, მას ტკივილი ალაპარაკებს, სიტყვებს ვერ ზომავს და…

საქართველოს პარლამენტის თავმჯდომარის ირაკლი კობახიძის განცხადებით, „ქართული ოცნების“ მიერ დასახელებული ექვსივე კანდიდატი პროფესიონალია და საუკეთესოდ გაუძღვება იმ საქმიანობას, რაც დაკავშირებულია მუნიციპალიტეტის განვითარებასთან. პარლამენტის თავმჯდომარის განცხადებით, კანდიდატებთან დაკავშირებით, პარტიაში სერიოზული მსჯელობა მიმდინარეობდა. “ეს კანდიდატები შეარჩია პარტიამ. კანდიდატებთან დაკავშირებით სერიოზული მსჯელობა მიმდინარეობდა. შესაბამისად, ბუნებრივია, ეს არის პარტიის საერთო გადაწყვეტილება, პოლიტსაბჭოს გადაწყვეტილება, პარტიის ხელმძღვანელობის გადაწყვეტილება. დარწმუნებული ვართ, რომ ისინი დამაჯერებლად გაიმარჯვებენ ამ არჩევნებში. ისინი არიან საქმის პროფესიონალები, მათ უყვართ თავიანთი ქალაქი, სოფლები, რაიონები და შესაბამისად, ისინი საუკეთესოდგაუძღვებიან იმ საქმიანობას, რაც დაკავშირებულია მუნიციპალიტეტის განვითარებასთან,”- განაცხადა ირაკლი კობახიძემ. შეგახსენებთ, რომ დღეს “ქართული ოცნების” პოლიტიკურმა მდივანმა…

სახელისუფლებო პარტია „ქართული ოცნება – დემოკრატიული საქართველოს” დეპუტატობის კანდიდატი შუალედური არჩევნებში, თბილისის მთაწმინდის საარჩევნო ოლქში, ცნობილი ექიმი, თბილისის საკრებულოს ყოფილი თავმჯდომარე ლადო კახაძე იქნება. მისი კანდიდატურა მთაწმინდის საარჩევნო ოლქში დღეს, „ქართული ოცნების” პოლიტიკურმა მდივანმა, ირაკლი ღარიბაშვილმა წარადგინა. როგორც ირაკლი ღარიბაშვილმა განაცხადა, “ქართული ოცნების” მიერ წარდგენილი ყველა კანდიდატი დამაჯერებლად გაიმარჯვებს, რაც მათ მისცემს შესაძლებლობას, იზრუნონ თავიანთ ქალაქებსა და სოფლებზე, მოსახლეობისთვის ცხოვრების უკეთესი პირობების შექმნაზე. “თბილისში, მთაწმინდის საარჩევნო ოლქში მაჟორიტარ დეპუტატად გვსურს წარმოგიდგინოთ საკუთარი საქმის პროფესიონალი, ჩვენი ქალაქის, ქვეყნის, ადამიანის მოყვარული, ყველასთვის კარგად ცნობილი პიროვნება – ლადო კახაძე. მისთვის თბილისზე ზრუნვა უცხო…

ეროვნულ-ქრისტიანული მოძრაობის ლიდერი, პრეზიდენტობის ყოფილი კანდიდატი გიორგი ანდრიაძე, პარლამენტის შუალედურ არჩევნებში, თბილისის მთაწმინდის რაიონის მაჟორიტარ დეპუტატად იყრის კენჭს.   როგორც გიორგი ანდრიაძემ “მედიაცენტრ მთავარში” გამართულ პრესკონფერენციაზე განაცხადა, მთაწმინდა მისი უბანია და წარმატების იმედი აქვს. გიორგი ანდრიაძე, 2018 წლის საპრეზიდენტო არჩევნებში მონაწილე პრეზიდენტობის ერთ-ერთი კანდიდატი იყო. მისი თქმით, იმ არჩევნებმა დაანახა, რომ მთაწმინდის რაიონში “ნაციონალურ მოძრაობას” ძალიან დაბალი რეიტინგი აქვს, ისევე, როგორც “ქართულ ოცნებას”. მთაწმინდის რაიონის მოსახლეობა მზად არის აირჩიოს მესამე პოლიტიკური ძალა. “ხელისუფლების მიერ მხარდაჭერილმა საპრეზიდენტო კანდიდატმა, მთაწმინდის ამომრჩევლის მხარდაჭერა, მხოლოდ გარკვეული ფინანსური ბერკეტების ჩარევის შედეგად მიიღო. მთაწმინდის ელექტორატი არის მზად იმისთვის, რომ…

საქართველოში ვიზიტად მყოფი ნატოს გენერალური მდივანი საქრათველოს ოკუპირებულ ტერიტორიებთან დაკავშირებით განცხადებას აკეთებს და რუსეთს მოუწოდებს, ოკუპირებული ტერიტორიების აღიარების განცხადება გაითხოვოს. როგორც იენს სტოლტენბერგმა საქართველოს პრემიერ-მიონისტრთან შეხვედრაზე აღნიშნა, ნატო საქართველოს ერიტორიულ მთლიანობის მხარდამჭერია. „ნატო მოუწოდებს რუსეთს, გაითხოვოს განცხადება, რომელიც ოკუპირებული ტერიტორიების აღიარებას გულისხმობს და გაიყვანოს ჯარები აფხაზეთიდან და სამხეთ ოსეთის ტერიტორიიდან. ჩვენ მხარს ვუჭერთ საქართველოს სუვერენიტეტს და ტერიტორიულ მთლიანობას და ვაწარმოებთ პოლიტიკურ დიალოგს. ეს არ არის იოლი პროცესი. წინსვლა დიდი არაა, თუმცა ნატო მხარს უჭერს მშვიდობიანი გზით მოლაპარაკებას და კონფლიქტის მოგვარებას“, – აღნიშნა ნატოს გენერალურმა მდივანმა. მისივე შეფასებით, საქართველო და ნატო…

ნატო-ს გენერალური მდივანი იენს სტოლტენბერგი საქართველოს პრეზიდენტს შეხვდა. როგორც მან სალომე ზურაბიშვილთან გამართულ შეხვედრაზე აღნიშნა, საქართველოში არის პროგრესი და ის ნატოს ერთ-ერთი მნიშვნელოვანი პარტნიორია. „საქართველო არის ძალიან ღირებული და ძვირფასი მეგობარი. ნატო მუდმივად თანამშრომლობაში იქნება თქვენთან. მადლობლები ვართ, საქართველო იღებს მნიშვნელოვან მონაწილეობას უსაფრთხოების შენარჩუნების კუთხით. საქართველოს მისია ავღანეთში მნიშვნელოვანია და ჩვენი ერთობლივი მუშაობით ვაძლიერებთ ნატო-ს უსაფრთხოებას, ჩვენი მოკავშირეების უსაფრთხოებას და ეს ყოველივე როგორც ნატო-ს, ასევე საქართველოს ინტერესებში შედის“ – აღნიშნა ნატოს გენერალურმა მდივანმა. მისი განცხადებით, საქართველო უნიკალური პარტნიორია: „საქართველოსთვის კარი მუდამ ღიაა ჩვენი მოკავშირეობისთვისა და წევრობისთვის. ბუქარესტში გაცხადდა, რომ საქართველო…