დავით მაღრაძე აჭარის საპატრულო პოლიციის დეპარტამენტის აჭარის მთავარი სამმართველოს უფროსის თანამდებობიდან გაათავისუფლეს. ინფორმაციას გამოცემა “ბათუმელები” ავრცელებს.
გამოცემის ცნობით, ის საპატრულო პოლიციის დეპარტამენტის იმერეთის სამმართველოს უფროსის მოადგილედ გადაიყვანეს. ამ თანამდებობაზე ვაკე-საბურთალოს სახაზო-საპატრულო სამმართველოს ა.წ უკვე ყოფილი უფროსი გიორგი ხურცია დაინიშნა.
შეგახსენებთ, რომ დავით მაღრაძე აჭარის მთავარი სამმართველოს უფროსის თანამდებობაზე 2021 წლიდან მუშაობდა. ასევე, მაღრაძე ერთ-ერთი იყო Mona.ge-ს მიერ რამდენიმე დღის წინ წარდგენილ სიაში. ჩამონათვალში ის ჭორვილას აქციის დროს, ჟურნალისტური საქმიანობის ხელშეშლისთვის შეიყვანეს.
