რუსეთის თავდაცვის სამინისტროს განცხადებით, უკრაინის მხრიდან მათ ტერიტორიაზე არსებულ ობიექტებზე “ტერაქტების განხორციელების მცდელობები” აღკვეთეს. მათივე ცნობით, ბელგოროდის, ბრაიანკის და კურსკის სასაზღვრო რაიონებში გაანადგურა 31 უკრაინული დრონი.
უწყების განცხადებით, საჰაერო-კოსმოსური ძალების თვითმფრინავებმა შავი ზღვის ჩრდილო-დასავლეთ ნაწილში აღკვეთეს ყირიმის ტერიტორიაზე უკრაინის შეიარაღებული ძალების სადესანტო ჯგუფის მიერ შეღწევის მცდელობა.
მათივე თქმით, სწრაფმავალი სამხედრო კატერით და სამი ჰიდროციკლით დაჯგუფება მიემართებოდა ტარხანკუტის კონცხის მიმართულებით.
