ტაილანდში, მალაიზიის საზღვართან ქალაქ სუნგაი კოლოკის ბაზარში ფეიერვერკების საწყობი აფეთქდა. აფეთქების შედეგად სულ მცირე 9 ადამიანი დაიღუპა, მათგან სამი ბავშვია. ინფორმაციას ამის შესახებ BBC ავრცელებს.
გამოცემის ცნობით, აფეთქება სამშენებლო სამუშაოებმა გამოიწვია. შემთხვევა ადგილობრივი დროით 15:00 საათზე მოხდა. აფეთქების შედეგად დაახლოებით 115 ადამიანი დაშავდა.
სამაშველო ჯგუფები ტერიტორიას ნანგრევებისგან ასუფთავებენ.
