პოლონეთი პირველი ქვეყანაა, რომელიც საკმაოდ ვრცელ ზონაში ფრინველის გრიპით „დიდი ოდენობით“ კატის ინფიცირების შესახებ იუწყება.
ჯანდაცვის მსოფლიო ორგანიზაციის განცხადებით, მას შემდეგ, რაც პოლონეთის ჯანდაცვის ხელისუფლებამ გასულ თვეში აცნობა ქვეყნის მასშტაბით უჩვეულო კატების სიკვდილის შესახებ, 29 კატას H5N1 ფრინველის გრიპი დაუდასტურდა.
ინფიცირებულ ცხოველთაგან 14-ს ეუთანაზირებული იყო, ხოლო კიდევ 11 გარდაიცვალა. ბოლო გარდაცვალების შემთხვევა 30 ივნისს დაფიქსირდა
„კატების ვირუსზე ზემოქმედების წყარო ამჟამად უცნობია და მიმდინარეობს ეპიზოოტიური გამოკვლევები“, – ნათქვამია ჯანდაცვის მსოფლიო ორგანიზაციის განცხადებაში.
ზოგიერთ კატას განუვითარდა მძიმე სიმპტომები, მათ შორის სუნთქვის გაძნელება, სისხლიანი დიარეა და ნევროლოგიური ნიშნები, ზოგ შემთხვევაში სწრაფი გაუარესება და სიკვდილი.
