„ფრიდომ ჰაუსის“ კვლევის მიხედვით, საქართველოში დემოკრატიის მაჩვენებელი 3.04-ს შეადგენს მაქსიმალური 7-დან. დემოკრატიის მაჩვენებელი წინა წელთან შედარებით შემცირდა, დემოკრატიის წლევანდელი პროცენტი კი 33.93% შეადგენს.
დამოუკიდებელი მედიის რეიტინგი შემცირდა 3,50-დან 3,25-მდე (ყველაზე მაღალი ქულა 7) ჟურნალისტების მიმართ ძალადობისა და შევიწროების გაუარესების მრავალწლიანი ტენდენციის გამო. ანგარიშში მაგალითებად კი მოყვანილია ხელისუფლების მიმართ კრიტიკულად განწყობილი ორი ტელევიზიის დამფუძნებლების მიმართ სასამართლო დევნა, ასევე უფრო მეტად პოლარიზებული და პოლიტიზებული მედია გარემო, რომელმაც შეარყია სარედაქციო დამოუკიდებლობა.
ანგარშში აღნიშნულია, რომ გარდა ქვეყნის მუდმივი პოლიტიკური პოლარიზაციისა, წელი ხასიათდებოდა სიტყვიერი თავდასხმების საგანგაშო მაჩვენებლით, მათ შორის ხელისუფლების წარმომადგენლების მხრიდან, სამოქალაქო საზოგადოების ორგანიზაციებისა და ოპოზიციის მიმართ, ასევე პოლიტიკურად მოტივირებული მართლმსაჯულების შემაშფოთებელი შემთხვევებით.
