იაშვილის სახელობის ბავშვთა ცენტრალური საავადმყოფოს სამედიცინო დირექტორი, თსსუ-ის პროფესორი ივანე ჩხაიძე მოსახლეობას ვაქცინაცისკენ მოუწოდებს და აცხადებს, რომ თავდაცვის ერთადერთი საშუალება მხოლოდ აცრაა.
როგორც ჩხაიძემ „მედიაცენტრ მთავართან“ განაცხადა, არსებული საფრთხეებიდან გამომდინარე ჯანმო-მ პანდემიის დასრულების გამოცხადებისგან თავს იკავებს.
„რისკ ჯგუფებისთვის ვაქცინაციის საკითხი დღემდე აქტუალური რჩება. არ არსებობს არც ერთი სხვა ეფექტიანი ღონისძიება კორონავირუსის პრევენციისთვის ვაქცინაციის გარდა. საუბარია ვაქცინების მე-3 და მე-4 დოზაზე, რაც „ომიკრონის“ წინააღმდეგ ყველაზე ეფექტიან შესაძლებლობად რჩება. ამიტომ, რისკ ჯგუფებისთვის – 70 წელს გადაცილებული მოქალაქეებისთვის, ორსულებისთვის, ქრონიკული დაავადების მქონე პირებისთვის, ვისაც ვაქცინაციის ორი დოზა აქვს ჩატარებული, ყველაზე სწორი გადაწყვეტილება იქნება მე-3 და მე-4 დოზის გაკეთება“,- განაცხადა ივანე ჩხაიძემ „მედიაცენტრ მთავართან“.
