თბილისში ჭადრების შეწამვლა დაიწყო, ხეებს სოკოვანი დაავადება აქვთ

  •  

 თბილისის მერიის გარემოს დაცვის საქალაქო სამსახურმა, დედაქალაქში ხე-მცენარეების შეწამვლის სამუშაოები დაიწყო. პირველ ეტაპზე მდინარე მტკვრის ორივე სანაპიროზე არსებული ჭადრები შეიწამლა. ხეებს სოკოვანი დაავადების ერთ-ერთი სახეობა, ანთრაქნოზი გამოუვლინდა. როგორც “მედიაცენტრ მთავარს” თბილისის მერიაში განუმარტეს, წამლობა პირველად განხორციელდა იტალიური ბორდოს 3%-იანი ხსნარით, რომელიც საერთაშორისო პრაქტიკიდან გამომდინარე, ანთრაქნოზის წინააღმდეგ ბრძოლის ეფექტიანი საშუალებაა, მცენარეების კვირტების დაბერვის ფაზაში. სანიტარიული ღონისძიებები თბილისსა და მის შემოგარენში მცენარეთა ფიტოსანიტარიული კვლევის შედეგებს ეფუძნება. მათივე ინფორმაციით, პირველ ეტაპზე 2 140 ძირი ჭადრის ხე შეიწამლა, ხოლო სულ 6 745 ძირი ჭადრის შეწამვლა იგეგმება – რუსთაველის გამზირზე, ვაჟა-ფშაველას გამზირზე, ყაზბეგის გამზირზე, მტკვრის მარჯვენა და მარცხენა სანაპიროებზე,…

მეტი...

საქართველოს 3 დაცული ტერიტორიის განვითარებისთვის 870 000 ევრო დაიხარჯება

  •  

 ბორჯომ-ხარაგაულის, მტირალასა და ფშავ-ხევსურეთის ეროვნული პარკების განვითარებისთვის, 2019-2021 წლებში, 870 000 ევრო დაიხარჯება. თანხას კავკასიის ბუნების ფონდი გამოყოფს. აღნიშნულთან დაკავშირებით საგრანტო ხელშკრულება გარემოს დაცვისა და სოფლის მეურნეობის სამინისტროს ბორჯომ-ხარაგაულის ეროვნული პარკის ადმინისტრაციაში გაფორმდა, რომლის თანახმად, თანხა დაცული ტერიტორიების ადმინისტრაციებისთვის საოპერაციო ხარჯების დაფარვას და მცირე ინფრასტრუქტურის განვითარებას მოხმარდება. ასევე, გრანტის ფარგლებში გათვალისწინებული იქნება პარკების რეინჯერებს ხელფასისა და საკვების დანამატის უზრუნველყოფა.   ხელშეკრულებას ხელი გარემოს დაცვისა და სოფლის მეურნეობის მინისტრის მოადგილე იური ნოზაძემ, დაცული ტერიტორიების სააგენტოს თავმჯდომარე ვალერიან მჭედლიძემ და კავკასიის ბუნების ფონდის აღმასრულებელმა დირექტორმა ჯორჯ ჯიაკომინმა მოაწერეს.

მეტი...

თბილისში, ქუთაისსა და ბათუმში, ატმოსფერული ჰაერის დაბინძურება ფიქსირდება

  •  

 თბილისში, ბათუმში, რუსთავსა და ქუთაისში ისაზღვრება ძირითადი დამაბინძურებელი ნივთიერებების კონცენტრაციები. გაზომვების შედეგად ატმოსფერულ ჰაერში განსაზღვრული ნივთიერებების შემცველობები ნორმის ფარგლებში დაფიქსირდა, გარდა აზოტის დიოქსიდის (NO2) და მყარი ნაწილაკების (PM10) კონცენტრაციებისა. როგორც გარემოს ეროვნული სააგენტოში “მედიაცენტრ მთავარს” განუცხადეს, სააგენტო განაგრძობს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით. მყარი ნაწილაკების გადაჭარბება თბილისში და ქალაქ ქუთაისში დაფიქსირდა. “მყარი ნაწილაკების PM10-ის კონცენტრაციების ნორმაზე გადაჭარბება დაფიქსირდა ქ.ქუთაისში 19 მარტს 1.3-ჯერ, ხოლო 20 მარტს – 1.6-ჯერ. ნორმაზე გადაჭარბება ასევე დაფიქსირდა თბილისში წერეთლის გამზირზე 21 მარტს 1.4-ჯერ, ხოლო 22 მარტს უმნიშვნელოდ. 23 და 24 მარტს მყარი ნაწილაკების…

მეტი...

ჰაერის დაბინძურების მაჩვენებელი მაღალია, ევრო 6-ის ტიპის ავტობუსები შვებას მოგვცემს – თბილისის მერი

  •  

 თბილისის მერ​ კახა კალაძის განცხადებით, ქალაქში, ჰაერის დაბინძურების მაჩვენებელი საკმაოდ მაღალია, რომლის გამოსასწორებლად, შესაბამისი საკანონმდებლო ცვლილებები განხორციელდა. მუნიციპალიტეტის მთავრობა ქალაქში არსებული ეკოლოგიური მდგომარეობის გაუმჯობესების თვალსაზრისით, სხვადასხვა ღონისძიებას ახორციელებს, რამაც მომდევნო წლების განმავლობაში, მნიშვნელოვან შედეგი უნდა მოიტანოს. როგორც კახა კალაძემ, ვიდეოდიალოგის დროს, მოქალაქე ნინო შავერდაშვილის კითხვის საპასუხოდ განაცხადა, დედაქალაქის მთავრობის ყოველი სამუშაო დღე მიმართულია იმისკენ, რომ ღირსეულად უპასუხონ იმ გამოწვევებს, რომელიც თითოეულ თბილისელს აწუხებს. მნიშვნელოვანი ნაბიჯები გადაიდგა სხვადასხვა მიმართულებით.  “არსებული ავტობუსების პარკი სერიოზულ პრობლემას წარმოადგენს გამონაბოლქვის თვალსაზრისით და მისი განახლება, ჩანაცვლება ახალი, ეკოლოგიურად სუფთა, ევრო 6-ის ტიპის ავტობუსებით შვებას მოგვცემს. ერთ…

მეტი...

კუს ტბაზე სხვადასხვა სახეობის 7600 ძირ ხეს დარგავენ

  •  

 თბილისის მერიის გარემოს დაცვის საქალაქო სამსახური 2019 წელს, მასშტაბური გამწვანების ღონისძიებებს გეგმავს. დაგეგმილია კუს ტბის ტერიტორიაზე არსებული ტყის 6.9 ჰექტარ ფართობზე სხვადასხვა სახეობის 7600 ძირი ხის დარგვა. ტერიტორიაზე მოეწყობა წვეთოვანი სარწყავი სისტემა და ოთხი წლის განმავლობაში დარგული ნერგების მოვლა-პატრონობა განხორციელდება. დედაქალაქის შემოგარენში, წიწვოვან ტყეებში, ძირითადად ფიჭვნარებში, ხანძრების პრევენციის მიზნით განთავსდება სპეციალური ბანერები. ხუდადოვის ტყის დაცვის მიზნით დაგეგმილია სხვადასხვა ღონისძიებები. როგორც “მედიაცენტრ მთავარს” გარემოს დაცვის საქალაქო სამსახურში განუცხადეს, უკანასკნელი 30 წლის განმავლობაში, ფიჭვების პრობლემის მოგვარების ინტეგრირებული პროცესი პირველად განხორციელდა. მიმდინარე წელს თბილისის შემოგარენის ფიჭვნარებში სანიტარიული ჭრით გავლილ ფართობებში დაგეგმილია მასშტაბური აღდგენის ღონისძიებები,…

მეტი...

წყნეთის გზატკეცილისა და ტყე-პარკის ტერიტორიაზე 4000-მდე ხე-მცენარეს მოჭრიან

  •  

 წყნეთის გზატკეცილზე, დავით აღმაშენებლის სახელობის მამათა მონასტრის მიმდებარე ტერიტორიაზე, 15 მარტიდან დაავადებული და ხმობადი ფიჭვების სანიტარიული ჭრა დაიწყება. როგორც „მედიაცენტრ მთავარს“ თბილისის მერიიდან აცნობეს, ამ ტერიტორიაზე მოსაჭრელი ხეების რაოდენობა დაახლოებით 500 ძირს შეადგენს. წყნეთის გზატკეცილის მიმდებარე ფერდობებზე ჯამში 3575 ზეხმელი და ხმობადი ხე-მცენარე მოიჭრება. “დედაქალაქის მასშტაბით 20 000-ზე მეტი დაავადებული და ხმობადი ხე-მცენარის მოჭრა იგეგმება. აღნიშნული ხეები მოჭრამდე, სპეციალური ლაბორატორიული კვლევების საფუძველზე აღიწერა. სანიტარიული ჭრების გადაწყვეტილება უცხოელი ექსპერტების მიერ ჩატარებულ კვლევას ეყრდნობა, რომლის მიხედვითაც ფიჭვებზე გავრცელებულია Tomicus Destruens -ის სახეობის მავნებელი მწერი”, – აცხადებენ მერიაში. ამ ტიპის კვლევა თბილისის ტერიტორიაზე…

მეტი...

თბილისის მერია ე.წ ელიავას ბაზრობის გადატანის საკითხზე მუშაობს

  •  

 თბილისის ერთ-ერთ ცენტრალურ ნაწილში, დიდუბის რაიონში არსებული საშენ-მასალების ე.წ ელიავას ბაზრობის პრობლემის მოსაგვარებლად, დედაქალაქის მერია 2 ვარიანტზე მუშაობს. საუბარია ბაზრობის სხვა ტერიტორიაზე გადატანზე ან ადგილზე თანამედროვე სავაჭრო ცენტრის მოწყობაზე. ამ თემაზე თბილისის მერმა, კახა კალაძემ „ფეისბუქზე“ მიმდინარე ვიდეოდიალოგში ისაუბრა და აღნიშნა, რომ უკვე გაიმართა რამდენიმე შეხვედრა ბაზრობის მეპატრონეებთან და მათი მხრიდან საკითხისადმი დამოკიდებულება ჯანსაღია. „ყველა ვთანხმდებით იმაზე, რომ ის რაც დღეს ხდება ელიავას ბაზრობაზე, კატეგორიულად მიუღებელია. ერთია მისი გადატანის შესაძლებლობა და ყველანაირი პირობა უნდა შევუქმნათ ამ ადამიანებს, რომ დაეხმაროს მუნიციპალიტეტი და მეორეა, რომ ყველაფერი ისე გაკეთდეს, როგორც ეს განვითარებულ ქვეყნებშია…

მეტი...

თბილისში, სტიქიის შედეგად დაზიანებული სახლების შეკეთება დაიწყეს

  •  

 თბილისის ჩუღურეთის რაიონში, თებერვლის ძლიერი ქარების შედეგად დაზიანებული ინფრასტრუქტურის აღდგენა დაიწყეს. ბუხაიძის ქუჩის N36-ში, სადაც 9 ოჯახი ცხოვრობს სტიქიამ სახლის სახურავი დააზიანა.   როგორც “მედიაცენტრ მთავარს” ჩუღურეთის რაიონის გამგეობაში განუცხადეს, სახლის დაზიანებული სახურავი ახლით შეიცვლება. სტიქიის შედეგად დაზიანებული ინფრასტრუქტურა ეტაპობრივად მოწესრიგდება.   მიმდინარე სამუშაოებს ჩუღურეთის გამგებელი, ზურაბ ჩიკვილაძე ადგილზე გაეცნო და დაზარალებულ მოსახლეობას შეხვდა.  აღსანიშნავია, რომ თებერვალში, ძლიერი ქარის შედეგად, ჩუღურეთის რაიონში, 5 საცხოვრებელი სახლის სახურავი დაზიანდა, ორ მისამართზე კი, კედელი ფრაგმენტულად ჩამოიშალა.  სამუშაოებს ჩუღურეთის რაიონის გამგეობის დაკვეთით, კონტრაქტორი კომპანიები ასრულებენ.

მეტი...

ქალაქში ეკოლოგიური მდგომარეობის გამოსწორება პრიორიტეტულია – თბილისის მერი

  •  

 თბილისის მერიამ შეიმუშავა კონცეფცია, რომელიც ამტვერებადი მასალით ჰაერის დაბინძურების კონტროლის მექანიზმების დაწესებას ითვალისწინებს, რაც მაქსიმალურად შეზღუდავს სამშენებლო, თუ სარეალიზაციო ობიექტებიდან, ასევე ტრანსპორტირების პროცესში სამშენებლო მასალის ჰაერში გაფრქვევას. საკანონმდებლო ინიციატივამ პარლამენტის მხარდაჭერა მიიღო, რისთვისაც დედაქალაქის მერი დეპუტატებს, განსაკუთრებით კი გარემოს დაცვისა და ბუნებრივი რესურსების კომიტეტის წევრებს მადლობას უხდის.  როგორც კახა კალაძემ თბილისის მუნიციპალიტეტის მთავრობის სხდომაზე განაცხადა, ეკოლოგიური პრობლემების მოგვარება ერთ-ერთი პრიორიტეტული საკითხია, თუმცა მხოლოდ გამწვანებით ეს პრობლემა არ მოგვარდება. აღნიშნული საკანონმდებლო ცვლილებები კი, დედაქალაქში არსებული ეკოლოგიური მდგომარეობის გამოსწორებას ისახავს მიზნად. „არაერთხელ გვისაუბრია, რომ ჩვენი გუნდისთვის ერთ-ერთი უმნიშვნელოვანესი პრიორიტეტი მდგომარეობის გამოსწორებაა. ამ მიმართულებით…

მეტი...

“ქვეყანაში კვალიფიცირებული მეტყევეები არ არსებობენ” – ეროვნული სატყეო სააგენტო

  •  

 ეროვნული სატყეო სააგენტო მეტყევე სპეციალისტების გადამზადებას იწყებს. სპეციალურად მომზადებული სასწავლო კურსის მიხედვით სატყეო საქმის სპეციალისტები სამთვიან თეორიულ და პრაქტიკულ სწავლებას, სააგენტოს სპეციალისტების ზედამხედველობის ქვეშ გაივლიან, რომლის დასრულების შემდეგ ტყის ინვენტარიზაციის სამუშაოებზე დასაქმდებიან. როგორც ეროვნულ სატყეო სააგენტოში “მედიაცენტრ მთავარს” განუცხადეს, ქვეყანაში დღეს, არ არსებობს შესაბამისი კვალიფიკაციის მქონე მეტყევე, ვისაც შეუძლია, როგორც საველე სამუშაოების ჩატარება, ასევე, ტყის მართვის გეგმების მომზადება. “ტყის ინვენტარიზაცია, ტყის მდგრადი მართვისა და ყველა სახის სატყეო სამეურნეო ღონისძიების დაგეგმვის საფუძველს წარმოადგენს, მისი სარევიზიო პერიოდი 10 წელია, თუმცა, უკანასკნელი ტყის ინვენტარიზაციის მასალები ქვეყანაში 1997 წლით თარიღდებოდა,”- აცხადებენ სააგენტოში. ​მათივე თქმით,…

მეტი...

“ავტოსაგზაო შემთხვევის შედეგად, ცხოველებიდან ყველაზე ხშირად, ძაღლები იღუპებიან”

  •  

 თბილისის მერიის ცხოველთა მონიტორინგის სააგენტოს უფროსის, ვახტანგ ლომჯარიას განცხადებით, სტატისტიკის მიხედვით, ავტოსაგზაო შემთხვევის შედეგად, ყველაზე ხშირად ძაღლები იღუპებიან, ვიდრე სხვა შინაური ცხოველები. როგორც ვახტანგ ლომჯარიამ “მედიაცენტ მთავარში” გამართულ პრესკონფერენციაზე განაცხადა, 2018 წელს, ცხოველთა მონიტორინგის სააგენტოში 1163 ტრავმირებული ცხოველი შევიდა. ძაღლი, გზაზე კიდევ უფრო მოწყვლადია, თუ მას რომელიმე კიდური აქვს დაზიანებულია და კოჭლობს. ასეთ ცხოველს გზის გადაკვეთისთვის 2-ჯერ მეტი დრო სჭირდება, ვიდრე ჯანმრთელს. “ასეთი ცხოველის ბუნებრივ არეალში დაბრუნებით რისკი იზრდება”, – აცხადებს ლომჯარია და მძღოლებს მოუწოდებს, ავტოსაგზაო შემთხვევის დროს, ცხოველის უნებურად დაზიანების შემთხვევაში ნუ მიატოვებენ მას, არამედ მიმართონ ცხოველთა მონიტორინგის სააგენტოს,…

მეტი...

ცხოველის მკვლელობისთვის პატიმრობა, წამებისთვის – ჯარიმა 500 ლარამდე – კანონმდებლობა მკაცრდება

  •  

 ცხოველის მიმართ სასტიკ მოპყრობაზე სასჯელი მკაცრდება და 2-წლამდე პატიმრობას ითვალისწინებს, ხოლო წამებისთვის – 100-დან 500 ლარამდე ჯარიმა დაწესდება.   ​როგორც თბილისის მერიის ცხოველთა მონიტორინგის სააგენტოს უფრომა, ვახტანგ ლომჯარიამ “მედიაცენტრ მთავარში” გამართულ პრესკონფერენციაზე განაცხადა, ცვლილება შევა სისხლის სამართლის კოდექსის 259-ე მუხლში, რომელიც გულისხმობს ცხოველის მიმართ სასტიკ მოპყრობას, ხოლო არასათანადო მოპყრობის მხრივ საუბარია ადმინისტრაციულ სამართალდარღვევათა კოდექსის 104-ე მუხლში ცვლილებებზე. იზრდება საჯარიმო სანქციები.   მისივე თქმით, ადამიანის ღირსების პარალელურად, ცხოველის უფლებებისა და მისი სიცოცხლის დაცვაც მნიშვნელოვანია. ისინი საჭიროებენ განსაკუთრებულ მოპყრობას და სულ მცირე, არ უნდა შევლახოთ მათი უფლებები. ” ეს მნიშვნელოვანი ცვლილებებია, რაც საქართველოს, განვითარებული…

მეტი...

შეშინებული და ტრავმირებული დათვის ბელი თბილისის ზოოპარკში შეიფარეს

  •  

 გარემოსდაცვითი ზედამხედველობის დეპარტამენტის თანამშრომლებმა ცაგერიდან, დაობლებული დათვის ბელი ჩამოიყვანეს და თბილისის ზოოპარკს გადასცეს. ბელი ტრავმირებულია, ერთი კიდურით კოჭლობს. ზოოპარკში მას სახელად გარინჩა შეურჩიეს, ლეგენდარული ბრაზილიელი ფეხბურთელის გარინჩას საპატივსაცემოდ, რომელიც ცალი ფეხით კოჭლობდა, მარცხენა ფეხი მარჯვენაზე მოკლე ჰქონდა. “ფეხბურთელ გარინჩაზე ექიმები ამბობდნენ, სიარულს თუ შეძლებს, უკვე დიდი ბედნიერება იქნებაო. ჩვენი გარინჩა არც ისე იმედისმომცემად გამოიყურებოდა. ფეხის გარდა ნერვული პრობლემებიც ჰქონდა. უკანა ფეხებზე რომ დგებოდა, თავი უკანკალებდა. შეშინებული და დასტრესილი იყო. გალიიდან საერთოდ არ გამოდიოდა. ადამიანებს უფრთხოდა და იმალებოდა. თავიდან, მის სასეირნოდ გატყუებას საათები სჭირდებოდა. მერე ნელ-ნელა ამოძრავდა. ფეხიც მოურჩა. ცოტა ხანში სხვა…

მეტი...

“რამე თუ არ შევცვალეთ, მალე ჰაერი საერთოდ აღარ დარჩება” – თბილისის მერი

  •  

 თბილისის მერის კახა კალაძე დედაქალაქში არსებულ ეკოლოგიურ პრობლემებზე ამახვილებს ყურადღებას და აცხადებს, რომ ქალაქში სატრანსპორტო საშუალებებით გამოწვეული ჰაერის დაბინძურების მაჩვენებელი კრიტიკულ ზღვარს აღწევს. ​მისი თქმით, თბილისში 500 000-ზე მეტი ავტომობილი გადაადგილდება, მერიის სატრანსპორტო პოლიტიკის მიზანია, ქალაქში ავტომანქანების შემცირება. “სტატისტიკას თუ გადავხედავთ, 6-7% იზრდება იმპორტირებული ავტომობილების რაოდენობა, რაც ძალიან დიდ პრობლემას წარმოადგენს და რამე თუ არ შევცვალეთ, ალბათ, ჰაერი საერთოდ აღარ დარჩება. სწორედ ამიტომ ჩვენი სატრანსპორტო პოლიტიკა მიზნად ისახავს ნაკლებ მანქანას ქალაქში და მეტ საზოგადოებრივ ტრანსპორტს, რომელიც იქნება კომფორტული და ყველაზე სწრაფი,” – განაცხადა მერმა დედაქალაქის მთავრობის სხდომაზე.  ​მისივე თქმით, 2019…

მეტი...

ძლიერი ქარი დღის ბოლომდე გაგრძელდება – 87 მოგლეჯილი ხე და 32 დამტვრეული ავტომობილი

  •  

 გარემოს ეროვნული სააგენტოს ინფორმაციით, თბილისში, ძლიერი ქარი დღის ბოლომდე შენარჩუნდება, ხვალიდან კი გამოიდარებს. დღის 15 საათიდან ქარი შესაძლოა გაძლიერდეს. “დედაქალაქში ჯერ ნარჩუნდება ძლიერი ქარი. დღის 15-16 საათიდან ქარმა შესაძლოა კიდევ მოიმატოს. კლება ძლიერი ქარის დაიწყება დახლოებით საღამოს 19 -საათიდან და ღამით უკვე უნდა ჩადგეს დედაქალაქში და მთლიანად საქართველოში.” – აცხადებენ გარემოს ეროვნულ სააგენტოში. როგორც საგანგებო სიტუაციების მართვის სამსახურში “მედიაცენტრ მთავარს” განუცხადეს, ძლიერი ქარის გამო, 16 თებერვლიდან 19 თებერვლის 12:00 საათამდე, შინაგან საქმეთა სამინისტროს საგანგებო სიტუაციების მართვის სამსახურში 261 შეტყობინება შევიდა. მათ შორის ყველაზე მეტი, 200 შეტყობინება თბილისიდან იყო. “ქარმა ქვეყნის…

მეტი...

თბილისის ქუჩებში უჩვეულო შინაარსის ბანერები გამოჩნდა – სად წავიღოთ ნაგავი?

  •  

 თბილისის მერიის მხარდაჭერით, “კავკასიის გარემოსდაცვითი არასამთავრობო ორგანიზაციების ქსელმა” (​CENN) USAID -ის დახმარებით დედაქალაქში, ნარჩენების სეპარაციის შესახებ საინფორმაციო ბანერები განათავსა. სადაც მითითებულია თუ რა მისამართზეა განლაგებული ნარჩენების სეპარირების სტენდები. დედაქალაქში უკვე, სეპარაციის 25 სტენდი დგას, რომელშიც მოქალაქეებს დახარისხებული ნარჩენების განთავსება შეუძლიათ. კერძოდ: PET ბოთლები, ქაღალდი, შუშა და ალუმინის ქილები. სტენდებში მოხვედრილი ნარჩენები მეორად პროდუქტად გადამუშავდება. როგორც “მედიაცენტრ მთავარს” თბილისის მერიაში განუცხადეს, საინფორმაციო ბანერები განთავსებულია მეტროსადგურ “სამგორთან”, დიდ დიღომში, გ. ბრწყინვალეს ქუჩაზე, ვაჟა-ფშაველას გამზირზე, რესპუბლიკური საავადმყოფოს მიმდებარედ, წერეთლის გამზირზე, “კოკა-კოლას” ოფისთან, ვაკის პარკთან და მეტროსადგურ “ღრმაღელესთან”. ბანერებიდან რამდენიმე წუთის სავალზეა განთავსებული სეპარაციის სტენდებიც. ნარჩენების…

მეტი...

“ან ქალაქი არ უნდა გიყვარდეს, ან გული არ გქონდეს” – თბილისის მერი გლდანის პარკზე

  •  

 თბილისის მერი კახა კალაძე უკმაყოფილოა დედაქალაქის ერთ-ერთ გარეუბანში, კერძოდ, გლდანის VI მიკრორაიონში განხორციელებული პარკის სამშენებლო სამუშაოებით და არაკეთილსინდისიერ კომპანიებთან თანამშრომლობის გაწყვეტაზე საუბრობს.   თბილისის მთავრობის დღევანდელ სხდომაზე კახა კალაძემ კონკრეტული პროექტის განხორციელებისას დაშვებული ხარვეზების შესახებ ფოტომასალა წარმოადგინა და განაცხადა, რომ არ დაუშვებს  მოქალაქეებიდან მიღებული შემოსავალი ფუჭად დაიხარჯოს. “ასეთი კომპანიები დედაქალაქის მერიასთან ვერ ითანამშრომლებენ, ეს არის თბილისის მოსახლეობის შეურაცხყოფა”, – განაცხადა კალაძემ.  მისივე ინფორმაციით, გლდანში დასასვენებელი პარკის მშენებლობა შარშან დაიწყო და ჯერ კიდევ 2018 წლის ნოემბერში უნდა დასრულებულიყო. ტენდერში გამარჯვებული კომპანია არა მარტო ვადებში ვერ ჩაეტია, არამედ სამუშაო არასათანადოდ შეასრულა. შესაბამისად, ზედამხედველობის…

მეტი...

ვახუშტის ხიდის მიმდებარე ტერიტორია დაზიანებული და ხმელი ხეებისგან გაწმინდეს

  •  

 თბილისის საბურთალოს რაიონში, ვახუშტი ბაგრატიონის ხიდზე მიმდინარე სარემონტო სამუშაოების პარალელურად, ხიდის მიმდებარედ არსებული გამწვანებული ტერიტორია დასუფთავდა. სამუშაოების ფარგლებში, შპს “ეკოსერვის ჯგუფის” თანამშრომლებმა გამწვანების ზოლში ხე-მცენარეებს სხვლა-ფორმირება განახორციელეს. დაზიანებული და ხმელი ხეები ტერიტორიიდან გაიტანეს. ასევე, გამწვანებული ფასადი მოწესრიგდა. როგორც “მედიაცენტრ მთავარს” შპს “ეკოსერვის ჯგუფში” განუცხადეს, აღნიშნული სამსახური ზრუნავს თბილისის მუნიციპალიტეტის საზღვრებში არსებული გამწვანებული ტერიტორიების, დასასვენებელი ადგილების, ხე-მცენარეების, შადრევნების, სასმელი წყლის სოკოს ფორმის შადრევნების და სხვა ინფრასტრუქტურის მოვლა-პატრონობაზე.

მეტი...

საქართველოში ტყისა და მიწათსარგებლობის ატლასი შეიქმნება

  •  

 საქართველოში ტყისა და მიწათსარგებლობის ატლასი იქმნება, რომლის მეშვეობით დაინტერესებული მხარეებისთვის, სატყეო სექტორის შესახებ ინფორმაცია საჯაროდ იქნება ხელმისაწვდომი, – ამის შესახებ საქართველოს პროექტის Global Forest Watch (GFW) ეროვნულ მრჩეველთა საბჭოს რიგით მეექვსე შეხვედრაზე ისაუბრეს და პროექტის ფარგლებში განხორციელებული ქმედებები შეაჯამეს. შეხვედრაზე გარემოს დაცვისა და სოფლის მეურნეობის მინისტრის მოადგილემ იური ნოზაძემ, საქართველოში ტყისა და მიწათსარგებლობის ატლასის მნიშვნელობაზე ისაუბრა. შეხვედრას სატყეო დარგში მომუშავე სამთავრობო და გარემოსდაცვითი არასამთავრობო ორგანიზაციების წარმომადგენლები ესწრებოდნენ, სადაც ინტერნეტტექნოლოგიაზე დაფუძნებული „ტყისა და მიწათსარგებლობის ატლასის/პორტალის“ შემუშავების პროცესზე, მიმდინარე და დაგეგმილი ღონისძიებებზე იმსჯელეს.

მეტი...

თბილისში 20 000 ძირზე მეტი ხე მოიჭრება

  •  

 დედაქალაქში დღეიდან სანიტარული ჭრები იწყება. თბილისში, 20 000 ძირზე მეტი დაავადებულ და ხმობად ხეს მოჭრიან. ხეები მოჭრამდე, სპეციალური ლაბორატორიული კვლევების საფუძველზე აღიწერა. პირველ ეტაპზე ჭრები, ცენტრალურ უბნებში – კარტოზია-ცინცაძის კვეთაზე, ბახტრიონის ქუჩის ასახვევთან და მოსკოვის გამზირზე ჩატარდება, რომლის შემდეგ ის მთელი თბილისის მასშტაბით განხორციელდება. როგორც “მედიაცენტრ მთავარს” თბილისის მერიაში განუცხადეს, დედაქალაქის შემოგარენში და საქართველოს მთელ რიგ რეგიონებში ფიჭვები ამ სახეობისთვის განკუთვნილ ბუნებრივ არეალში არ იყო გაშენებული, რის გამოც, 1997-1998 წლებიდან მათი ინტენსიური ხმობა დაიწყო. მათივე თქმით, ფიჭვების ხელოვნური გაშენებისას დარღვეულია აგროტექნიკური პირობები, ნერგების აბსოლუტურ უმრავლესობას არ აქვს მთავარღერძიანი ფესვი, რის გამოც,…

მეტი...

პირველი რეგიონული ნაგავსაყრელი ქუთაისთან ახლოს აშენდება

  •  

 ევროსტანდარტების შესაბამისი პირველი რეგიონული ნაგავსაყრელი ქუთაისთან ახლოს აშენდება. ობიექტი იმერეთის, რაჭა-ლეჩხუმისა და ქვემო სვანეთის რეგიონებს მოემსახურება. სამშენებლო სამუშაოები 2019 წლის მარტში დაიწყება. 2023 წლისთვის, ქვეყნის მასშტაბით არსებულ ძველ მუნიციპალურ ნაგავსაყრელებს 8 ახალი რეგიონული ნაგავსაყრელი ჩაანაცვლებს. ამ პროექტების განხორციელებით გაუმჯობესდება რეგიონების საცხოვრებელი პირობები. რეგიონული განვითარებისა და ინფრასტრუქტურის მინისტრ მაია ცქიტიშვილის განცხადებით, ნარჩენების მართვის სფეროში ევროპული მიდგომა პირველ რიგში გულისხმობს ისეთი ნაგავსაყრელების მოწყობას, რომელიც იქნება ძალიან მაღალი გარემოსდაცვითი და ჯანდაცვის სტანდარტების. ის დისკომფორტი, რასაც მოსახლეობა განიცდის ნაგავსაყრელების სიახლოვეს, არ იარსებებს. “ეს არის ინფრასტრუქტურული მიმართულებით ძალიან მნიშვნელოვანი ნაბიჯი. ნარჩენების მართვის კოდექსის და ევროკავშირის…

მეტი...

ხმობადი ფიჭვების ფოტოები მოსახლეობამ თბილისის მერიას, დაუყოვნებლივ უნდა მიაწოდოს

  •  

 თბილისში არსებული დაავადებული და ხმობადი ფიჭვების შესახებ ინფორმაცია, ფოტოსურათთან ერთად, გარემოს დაცვის საქალაქო სამსახურს მიაწოდოს, რათა დროულად მიიღონ შესაბამისი ზომები. როგორც თბილისის მერიაში “მედიაცენტრ მთავარს” განუცხადეს, ფიჭვების ხელოვნური გაშენებისას დარღვეულია აგროტექნიკური პირობები, ნერგების აბსოლუტურ უმრავლესობას არ აქვს მთავარღერძიანი ფესვი, რის გამოც, თხელ, განუვითარებელ ნიადაგზე და ხშირ შემთხვევაში, აფეთქებების შედეგად წარმოქმნილ ორმოებში ზედაპირული ფესვთა სისტემაა განვითარებული. მათივე ინფორმაციით, სამუშაოების ფარგლებში, მოიჭრება 20 000-ზე მეტი ძირი დაავადებული და ხმობადი ხე-მცენარე. აღნიშნული ხეები მოჭრამდე, სპეციალური ლაბორატორიული კვლევების საფუძველზე აღიწერა. სანიტარული ჭრები 28 იანვრიდან პირველ ეტაპზე, ცენტრალურ უბნებში – კარტოზია-ცინცაძის კვეთაზე, ბახტრიონის ქუჩის ასახვევთან…

მეტი...

“უსამართლოდ აღმოვჩნდი საზოგადოების პირისპირ” – სასტუმრო “ბუდაპეშტის” მფლობელი

  •  

  თბილისში, ვაკის პარკში მშენებარე სასტუმროს – „ბუდაპეშტი“ მფლობელი გოგა ზაქაიძე, დედაქალაქის მერიასთან მოლაპარაკების მზადყოფნას გამოთქვამს და აცხადებს, რომ ბოლო დროს განვითარებულმა მვლენებმა, მის მიმართ ფსიქოლოგიური ზემოქმედებისა და ძალადობის ფორმა მიიღო. როგორც ბიზნესმენი სოციალურ ქსელში გამოქვეყნებულ განცხადებაში წერს, მიმდინარე პროცესში მისი კომპანია უსამართლოდ აღმოჩნდა სისტემის და საზოგადოების პირისპირ. მთელი ამ დავის პროცესში ყველა დაინტერესებულმა თუ მონაწილე მხარემ, ქალაქის ძველმა და ახალმა ხელმძღვანელობამ ის და მისი კომპანია დაადანაშაულა და სასტუმრო „ბუდაპეშტის“ მშენებლობაზე პასუხისმგებლობა მთლიანად მას დააკისრა. გოგა ზაქაიძე განმარტავს, რომ ვაკის პარკში არსებული ტერიტორია მისმა კომპანიამ კანონის დაცვით შეიძინა, არავის უჩუქნია…

მეტი...

ინვესტორის მხრიდან შანტაჟის ენით საუბარია მიუღებელია, უკვე ბევრი ნაღმი აგვიფეთქდა – კახა კალაძე

  •  

 თბილისის მერი, კახა კალაძე ინვესტორებს ურჩევს შანტაჟის ენით საუბრისგან თავი შეიკავონ, რადგან არც  დედაქალაქის ამჟამინდელი მთავრობა და არც თბილისელები არ დაუშვებენ, ქალაქისთვის მნიშვნელოვან მწვანე სივრცეში, ვაკის პარკში 9-სართულიანი სასტუმროს აშენებას.   კახა კალაძე მადლობას უხდის ყველა აქტივისტს, ვინც წლების განმავლობაში იბრძვის ვაკის პარკის გადასარჩენად და მათ ჰპირდება, რომ ამისთვის, მის ხელთ არსებულ ყველა ბერკეტს გამოიყენებს.   “ინვესტორი პირდაპირ გამოდის და ამბობს, რომ ჩვენ თურმე, ხელებს ვუგრეხთ. ვერც ერთ მაგალითს ვერ მოიყვანს, რომ ჩვენ ვინმესთვის ხელები გადაგვეგრიხა და არასწორად მოვქცეულიყავით. ჩვენთვის, ქალაქის და თბილისელების ინტერესები უპირველესია და ინვესტორს არასდროს ისე არ მოვექცევით, რომ…

მეტი...

ჩიჩილაკები და ნაძვები არ გადაყაროთ, ვაკის, ვერის, კიკვიძისა და რიყის პარკებში ჩააბარეთ

  •  

 ახალი წლის დღესასწაულების შემდეგ, ნაგვის კონტეინერებში გადაყრილი ნაძვის ტოტები და ჩიჩილაკები სერიოზულ პრობლემას წარმოადგენს, ამიტომ, თბილისის მერიის გადაწყვეტილებით, რამდენიმე ადგილი გამოიყო. მოსახლეობას შეუძლია გამოყენებული ნაძვები და ჩიჩილაკები ვაკის, ვერის, კიკვიძისა და რიყის პარკებში მიიტანონ და ჩააბარონ.  როგორც თბილისის მერმა, კახა კალაძემ დედაქალაქის მთავრობის დღევანდელ სდომაზე განაცხადა, ჩაბარებული მასალა სპეციალურად დამუშავდება და მას, სხვადასხვა მიმართულებით გამოიყენებენ. კერძოდ, “ეკოსერვის ჯგუფის” თანამშრომლები ჩაბარებულ ხის მასალას სპეციალური აპარატით – მულჩერით დააქუცმაცებენ. დამუშავებული მასალა გამოიყენება, როგორც დეკორატიული მიზნებისთვის, ასევე, მიწის გასანოყიერებლად. „ჩემი, თქვენი და ყველას ინტერესია გავუფრთხილდეთ ბუნებას. თბილისის მერია კამპანიის -„გავუფრთხილდეთ ქალაქს“ ფარგლებში, იწყებს…

მეტი...

ფაროსანასთან ბრძოლით, ტონობით პესტიციდებით დაბინძურებული გარემო მივიღეთ – მწვანეები

  •  

 საქართველოს მწვანეთა მოძრაობა “დედამიწის მეგობრები-საქართველოს“ წევრები გარემოს დაცვის სამინისტროს სოფლის მეურნეობის სამინისტროსთან გაერთიანებას შეცდომად აფასებენ და ფაროსანას წინააღმდეგ ჩატარებული ღონისძიებების გარემოზე მავნე ზემოქმედებაზე საუბრობენ. როგორც მწვანეთა მოძრაობის წარმომადგენელმა ​ავთანდილ გელაძემ “მედიაცენტრ მთავარში” განაცხადა, ფაროსანას წინააღმდეგ ბრძოლის პროგრამის ფარგლებში, გურიასა და სამეგრელოს რეგიონებში, ​​ათეულობით ტონა პესტიციდი გაიფრქვა სრულიად ლოკალურ ტერიტორიაზე. ამას ემატება 4 000 ტონა დიზელის საწვავის ნამწვი აირები, რომლებიც მოხვდა გარემოში. შედეგად დაბინძურდა წყლის რესურსები “​ვინ წარმოიდგენს იმას, რომ ამ რაოდენობის საწამლავი გაიფრქვა და გურიისა და სამეგრელოს წყლის რესურსებში არ მოხვდა. არანირი მონიტორინგი ამ კუთხით არ ჩატარებულა. ამას დასაბამი მისცა მთავრობის დადგენილებამ. სამთავრობო…

მეტი...

საჩუქარი ძაღლებს – თბილისის პარკებში ცხოველების კვების აპარატები და ხის სახლები გამოჩნდა

  •  

 ​თბილისის ქუჩებსა და პარკებში, ქუჩის ცხოველებისთვის კვების აპარატებსა და ხის სახლებს დადგამენ. პირველ ეტაპზე აპარატები რიყის პარკში, ვერის ბაღსა და ვეტერანთა კულტურისა და დასვენების (კიკვიძის) პარკში განთავსდა. პროექტი “შენი იდეა ქალაქის მერს”, ერთ-ერთ გამარჯვებულს, გიორგი ხავთასს ეკუთვნის. იდეა თბილისის მერიის ცხოველთა მონიტორინგის სააგენტომ განახორციელა. კვების აპარატებში პლასტმასის 0,5 ლიტრიანი ბოთლის ჩაგდების შემთხვევაში, ძაღლებისთვის საკვები ჩამოიყრება, ხოლო დისპენსერში წყლის ჩასხმის შემდეგ, ცხოველები წყურვილს მოიკლავენ. კვების აპარატები რეციკლირების პროცესს უწყობს ხელს და მუშაობისათვის მზის ენერგიას იყენებს. აპარატის მუშაობას თბილისის მერი კახა კალაძე რიყის პარკში გაეცნო და იდეის ავტორს მადლობა გადაუხადა. „საკმაოდ საინტერესო…

მეტი...

“შენობებს სეისმური დაცვა არ აქვთ, ბუნებას ვერ გააჩერებთ, ტრაგედია მოხდება” – თეა გოდოლაძე

  •  

 ორგანიზაცია “დედამიწის შემსწავლელი ინსტიტუტის” ხელმძღვანელი თეა გოდოლაძე აცხადებს, რომ ახალი შენობები სეისმურად დაუცველია, რაც ბუნებრივი კატასტროფებისა და ტრაგედიის საფრთხეს ქმნის. აღნიშნულ პრობლემასთან დაკავშირებით სეისმოლოგმა „მედიაცენტრ მთავარში“ ისაუბრა. “იცით, რომ სეისმურად აქტიურ, გეოლოგიურად კომპლექსურ ტერიტორიაზე ვცხოვრობთ. გაიხსენეთ 2015 წლის ივნისის ვერეს ტრაგედიაა. ტრაგედიიდან 2 წლის შემდეგ კი დატბორვის ზონაში მშენებლობის ნებართვა გაიცა. დოკუმენტურად ყველაფერი წესრიგშია და აცხადებენ, რომ ცხაურებს დავაყენებთ და მშენებლობა უსაფრთხო იქნებაო, თუმცა, ფაქტია, რომ დატბორვის ზონაში მშენებლობა არ შეიძლება. ამერიკელი ექსპერტები ამბობენ, რომ ცხაურები პრობლემას ვერ მოხსნის. დატბორვის არეალში არ უნდა იყოს შენობა. არადა, დატბორვის არეალში კიდევ ორი შენობის…

მეტი...

“ადამიანის უსაფრთხოება ვაჭრობის საგანი ხდება, მშენებლობის კუთხით კატასტროფული მდგომარეობა გვაქვს” – თეა გოდოლაძე

  •  

 ორგანიზაცია “დედამიწის შემსწავლელი ინსტიტუტის” ხელმძღვანელი თეა გოდოლაძე აცხადებს, რომ მშენებლობის სფეროში კატასტროფული მდგომარეობაა და ნებართვებს არაკომპეტენტური პირები გასცემენ. შედეგად კი, ადამიანის უსაფრთხოება ვაჭრობის საგანი ხდება. როგორც სეისმოლოგმა თეა გოდოლაძემ “მედიაცენტრ მთავარში” გამართულ პრესკონფერენციაზე განაცხადა, კომპანიები ისეთ გეოლოგიურ დასკვნებს გასცემენ, რომელიც კრიტიკას ვერ უძლებს და ვერც თანამედროვე სტანდარტებს პასუხობს. მისივე შეფასებით, ასეთი კომპანიების ექსპერტები ძირითადად ძველი, გასული საუკუნის 60-იანი წლების მეთოდით მუშაობენ და მიაჩნიათ, რომ ეს ნორმაა. “არიან 60-იანი წლების ექსპერტები, არც ინგლისური იციან, არც კომპიუტერი, ვეღარც თანამედროვე ლიტერატურას კითხულობენ და 1960 წლის სტანდარტებით ხელმძღვანელობენ. როცა ეკამათები, არ გისმენენ. მეცნიერება ყოველწლიურად…

მეტი...

აღმაშენებლის გამზირზე ფიჭვების ჭრას თბილისის მერი გამოეხმაურა

  •  

 სოციალურ ქსელში გავრცელებულ ფოტომასალას, თითქოს, აღმაშენებლის გამზირზე ხეების უკანონო ჭრა ხორციელდება, თბილისის მერი კახა კალაძე, დედაქალაქის მთავრობის დღევანდელ სხდომაზე გამოეხმაურა და განაცხადა, რომ აღნიშნულ ტერიტორიაზე დაავადებული ფიჭვები ნამდვილად მოიჭრა, რომელიც მძიმე მდგომარეობაში იყო და არსებობდა ჯანსაღი ხეების დაზიანების შესაძლებლობა. მისივე თქმით, იყო შემთხვევები, როდესაც დაავადებული ხის დროულად არმოჭრის გამო, მოქალაქეები დაზარალდნენ და სხეულის დაზიანებები მიიღეს. კახა კალაძემ სიცრუე უწოდა ტელეკომპანია “რუსთავი 2”-ის ეთერით გასულ სიუჟეტს და განმარტა, რომ  დედაქალაქის სხვადასხვა რაიონში ბევრი დაზიანებული ხეა, რომელთა ჩანაცვლებაზეც შესაბამისი სამსახურები იზრუნებენ. „სამწუხაროდ, დედაქალაქის სხვადასხვა უბანში ბევრი დაავადებული ხე გვაქვს. რა თქმა უნდა,…

მეტი...

ვარკეთილში 847 ძირი, სხვადასხვა სახეობის ხე დარგეს  

  •  

 თბილისის მერიის გარემოს დაცვის საქალაქო სამსახურის მიერ სრულად გამწვანდა ვარკეთილში, ჯავახეთის ქუჩის გზაგამყოფი ზოლი და მიმდებარე ტერიტორიები. როგორც “მედიაცენტრ მთავარს” თბილისის მერიაში განუცხადეს, აღნიშნულ ტერიტორიაზე 847 ძირი, სხვადასხვა სახეობის არანაკლებ სამი მეტრის სიმაღლის ხე დაირგო: ევროპული მუხა – 163 ძირი, ჰიმალაის კედარი – 110 ძირი, ჰიმალაის კედარის მტირალა ფორმა – 40 ძირი, წითელფოთოლა ტყემალი – 300 ძირი, აკაცია – 234 ძირი. ​მათივე ინფორმაციით, საშემოდგომო გამწვანების ფარგლებში დედაქალაქში ჯამში 12 000 ხე-მცენარე, მათ შორის 6000 ძირი, 3 მეტრზე მაღალი ხე დაირგვება.

მეტი...

თბილისის ქუჩებში ნარჩენების სეპარირებისთვის სპეციალური ურნები განთავსდება

  •  

 თბილისის ქუჩებში მალე, საყოფაცხოვრებო ნარჩენების განსაცალკევებელი, სპეციალური ურნები განთავსდება, რომელიც 5 განყოფილებისგან შედგება:  პლასტიკური ბოთლების, შერეული ნარჩენის, ქაღალდის, მინის სექციისგან და სიგარეტის ნარჩენის ჩასაგდებად. ახალ ურნებზე შესაბამისი სექცია გათვალისწინებულია  მწეველებისთვისაც. საპილოტე პროექტი პირველ ეტაპზე, ტურისტულ ზონებში – რუსთაველის გამზირზე,  ორბელიანისა და გუდიაშვილის განახლებულ მოედნებზე, ასევე, აღმაშენებლის გამზირზე განხორციელდება. ახალი ურნები თბილისის მერმა, კახა კალაძემ საზოგადოებას სოციალური ქსელის მეშვეობით წარუდგინა. მისი თქმით, დედაქალაქის მერიამ ქალაქში განსათავსებლად ნარჩენების სეპარაციის ისეთი ურნები შეისყიდა, რომელიც რამდენიმე განყოფილებისგან შედგება. „საპილოტე პროექტი პირველ ეტაპზე, ახალ აღმაშენებელზე განხორციელდება, სადაც უკვე რეაბილიტაციაა ჩატარებული. ასევე, ორბელიანისა და გუდიაშვილის მოედნებზე, თუმცა…

მეტი...

ბავშვებმა დედას ლეკვები მოპარეს, ითამაშეს და მიატოვეს – ფოტო სოციალური ქსელიდან

  •  

 სოციალურ ქსელში დაღუპული, ახალშობილი ლეკვების ფოტო ვრცელდება. როგორც ინტერნეტ მომხმარებელი ნინა ჯორჯაძე წერს, ლეკვები ბავშვებმა დედა ძაღლს მოპარეს და  სიკვდილისთვის გაიმეტეს. თავად მან კი ლეკვები უკვე ასეთ მდგომარეობაში იპოვა, როცა მათი შველა უკვე შეუძლებელი იყო. შემთხვევა თბილისის ერთ-ერთ გარეუბანში, თემქის X კვარტალში მოხდა. ნინა ჯორჯაძე მოუწოდებს მოქალაქეებს, ასწავლონ შვილებს, თუ როგორ მოექცნენ ცხოველებს. „ჩემს ეზოში ბავშვებმა ლეკვები წაართვეს დედას და მოიყვანეს სათამაშოდ. მთელი ღამე აქ ეყარნენ ეს პატარები, სიცივისგან გაიყინენ და დაიხოცნენ. ძალიან გთხოვთ, ასწავლოთ თქვენს შვილებს და შვილიშვილებს, რომ არ შეიძლება, ასე მოექცე ცხოველებს. ისინიც ცოცხალი არსებები არიან და თანაც,…

მეტი...

ქუთაისში, ქარის შედეგად დაზარალებული სახლების გადახურვის სამუშაოები მიმდინარეობს

  •  

 ძლიერი ქარით დაზარალებულ ქალაქ ქუთაისის მოსახლეობას, სახლების გადასახური მასალა გადაეცა.  სტიქიამ ქუთაისში სულ 200-მდე სახლის სახურავი დააზიანა. სამშენებლო მასალას ყველა მათგანს უსასყიდლოდ გადასცემენ. როგორც “მედიაცენტრ მთავარს” ქუთაისის მერიაში განუცხადეს, ხელისუფლების გადაწყვეტილებით მაღალსართულიან საცხოვრებელ კორპუსებს, არა მარტო გადასახური მასალა გადაეცემა, არამედ მთლიანად დაფინანსდება სამონტაჟო სამუშაოებიც. კორპუსების გადასახური მასალას და მის სამონტაჟო სამუშაოებს სრულად ინფრასტრუქტურისა და რეგიონული განვითარების სამინისტრო აანაზღაურებს. მათივე ინფორმაციით, ამ დროისათვის აქტიურად მიმდინარეობს გადახურვის სამუშაოები. აღნიშნული პროცესი ორ დღეში დასრულდება. “24 საათიან რეჟიმში ვმუშაობთ რათა დროულად მოხდეს რეაგირება ყველა ფაქტზე და მოსახლეობამ რაც შეიძლება მალე მიიღოს გადასახური მასალა,” – განაცხადა ქუთაისის მერმა…

მეტი...

ქუთაისში ძლიერმა ქარმა 150 ხე მოგლიჯა და 5 ავტომობილი დააზიანა

  •  

 ქუთაისში ძლიერმა ქარმა 150 ხე მოგლიჯა და 5 ავტომობილი დააზიარა. მეორე დღეა ქუთაისი სტიქიას ებრძვის. დღეს, გორის ქუჩაზე კიდევ ერთი მოგლეჯილი ხე დაეცა ავტომობილს, მანამდე, ახალგაზრდობის ქუჩაზე, ძლიერმა ქარმა სახლებს სახურავი გადახადა. სახურავი ელექტროსადენებს დაეცა, რის გამოც ელექტროენერგიის მიწოდება რამდენიმე ოჯახს შეუწყდა. ქარმა დააზიანა ინფრასტრუქტურა, ელექტროგადამცემი ბოძები, საცხოვრებელი სახლები. ქუთაისში რამდენიმე წუთის წინ ნალექიც მოვიდა, თუმცა ძლიერი ქარი კვლავ ნარჩუნდება. როგორც ქუთაისის მერიაში აცხადებენ, სტიქიის გამო მერიის ყველა სამსახური საგანგებო რეჟიმში მუშაობს, ხოლო მოქალაქეებს ვისაც რაიმე სახის პრობლემას შეუქმნის ძლიერი ქარი, მერიის ცხელ ხაზს და საბინაო სამსახურის წარმომადგენლებს უნდა დაუკავშირდნენ.  ქუთაისში…

მეტი...

“კიდურის ამპუტაცია კატებისთვის სერიოზული პრობლემაა” – ვახტანგ ლომჯარია ტრავმირებულ ცხოველებზე

  •  

 თბილისის მერიის ცხოველთა მონიტორინგის სააგენტომ წლის დასაწყისიდან დღემდე 800-ზე მეტ ტრავმირებულ შინაურ ცხოველს აღმოუჩინეს დახმარება. თავშესაფარში სულ 6 000-ზე მეტი ცხოველი შეიყვანეს. არის შემთხვევები, როცა ცხოველზე ადამიანებმა იძალადეს, მაგრამ უმეტესად ისინი ავტოსაგზაო შემთხვევების შედეგად ზარალდებიან. ხშირია შემთხვევები, როდესაც ტრავმის გამო საჭირო ხდება ცხოველისთვის კიდურის ამპუტირება. როგორც “მედიაცენტრ მთავარს” ცხოველთა მონიტორინგის სააგენტოს უფროსმა ვახტანგ ლომჯარიამ  განაცხადა, ცხოველს, რომელსაც კიდური აკლია, ურთულდება ადაპტაცია ქუჩაში, ასეთ ცხოველს მეტი დრო სჭირდება ქუჩის გადაკვეთისთვის, რა დროსაც იზრდება ახალი ავტოსაგზაო შემთხვევის ალბათობა. მეორე მხრივ, ასეთი ცხოველი უფრო ადვილად მოიპოვებს საკვებს ადამიანებისგან. “კიდურის ამპუტაცია პატარა ზომის ძაღლებისთვის პრობლემა…

მეტი...