თვე: აგვისტო 2024

,,უკრაინას ახლა საჰაერო თავდაცვა სჭირდება. მე განვიხილავ ამას ხუთშაბათს ევროკავშირის საგარეო საქმეთა მინისტრების არაფორმალურ შეხვედრაზე”, – ასე ეხმაურება ევროკავშირის უმაღლესი წარმომადგენელი ჯოზეფ ბორელი რუსეთის უკრაინაზე ფართომასშტაბიან საჰაერო შეტევას. ,,რუსეთმა უკრაინის წინააღმდეგ აგრესია მასიური თავდასხმებით გააძლიერა, მან შეუტია სამოქალაქო ინფრასტრუქტურას, მათ შორის ჰიდროელექტროსადგურებს და გამოიწვია მსხვერპლი. უკრაინას ახლა საჰაერო თავდაცვა სჭირდება. მე განვიხილავ ამას ხუთშაბათს ევროკავშირის საგარეო საქმეთა მინისტრების არაფორმალურ შეხვედრაზე”, – წერს სოციალურ ქსელში ჯოზეფ ბორელი.

ჰელსინკის კომისია ეხმაურება რუსეთის მიერ უკრაინაზე მიტანილ სარაკეტო იერიშებს, რომლებსაც მსხვერპლი მოჰყვა. ,,რუსეთის მრავალი ყველაზე მომაკვდინებელი, ყველაზე დესტრუქციული თავდასხმა უკრაინაში სამოქალაქო ობიექტებსა და ინფრასტრუქტურაზე რუსეთის შიგნიდან განხორციელდა. ჩვენთვის, ეს არის მორალური და სტრატეგიულად გადაუდებელი, უკრაინას მიეცეს უფლება რუსეთის შიგნით სამხედრო ობიექტებზე დარტყმის”, – წერს ჰელსინკის კომისია. სამშაბათს ღამითა და დილით რუსეთმა უპილოტო საფრენი აპარატებითა და რაკეტებით მეორე მასიური კომბინირებული დარტყმა განახორციელა უკრაინაზე, არის მსხვერპლი. უკრაინის 15 რეგიონი ორშაბათს დილით განხორციელდა თავდასხმა რუსული რაკეტებით და დონებით, რომლებიც ენერგეტიკულ სექტორს უმიზნებდნენ. რამდენიმე ქალაქი წყლისა და ელექტროენერგიის გარეშე დარჩა.

,,ვემზადებით რუსეთისთვის პასუხის გასაცემად”, – ასე ეხმაურება უკრაინის პრეზიდენტი ვოლოდიმირ ზელენსკი რუსეთის მასიურ საჰაერო შეტევას. ამის შესახებ მან უკრაინის შეიარაღებული ძალების მთავარსარდალ სირსკითან ისაუბრა. გავრცელებული ინფორმაციით, საუბარი რომელიც საკმაოდ ხანგრძლივი აღმოჩნდა დეტალურად განიხილეს სარაკეტო იერიშის მოგერიება.

რუსეთის მიერ უკრაინაზე მასიურ იერიშს შვიდი ადამიანი ემსხვერპლა, 47 კი დაშავდა, მათგან 4 ბავშვია. ინფორმაციას უკრაინის საგანგებო სიტუაციების სახელმწიფო სამსახური ავრცელებს. უწყების ცნობით, სამაშველო სამსახურებმა მუშაობა მტრის მიერ დილით განხორციელებული მასირებული დარტყმების ყველა ლოკაციაზე დაასრულეს.

ინდოეთის პრემიერმა ნარენდრა მოდიმ აშშ-ის პრეზიდენტ ჯო ბაიდენთან სატელეფონო საუბრისას უკრაინაში არსებული ვითარება განიხილა.  ამის შესახებ ინფორმაციას ინდოეთის პრემიერ-მინისტრი ავრცელებს. „დღეს აშშ-ის პრეზიდენტს ჯო ბაიდენს ტელეფონით ვესაუბრე. სხვადასხვა რეგიონულ და გლობალურ საკითხებზე, მათ შორის უკრაინაში არსებულ ვითარებაზე, აზრები გავცვალეთ“ – წერს ნარენდრა მოდი X-ზე. მოდიმ აღნიშნა, რომ მშვიდობისა და სტაბილურობის სწრაფი აღდგენისთვის ინდოეთის სრული მხარდაჭერა კიდევ ერთხელ დაადასტურა.    

რუსული ძალების უკრაინაზე მასირებული სარაკეტო თავდასხმის შედეგად დაღუპულთა რიცხვი ხუთამდე გაიზარდა. მსხვერპლია ჟიტომირის, ვოლინის, დნიპროპეტროვსკის, ხარკოვისა და ზაპოროჟიეს ოლქებში. უკრაინის საგარეო საქმეთა სამინისტროს ცნობით, თავდასხმის სამიზნედ არჩეული იყო ენერგეტიკული ინფრასტრუქტურა, მათ შორის კიევის ჰიდროელექტრო სადგური. გავრცელებული ინფორმაციით, რუსეთმა თავდასხმა 100-ზე მეტი რაკეტითა და 100-მდე დრონით განახორციელა.  

ნიგერიაში წყალდიდობას, სულ მცირე, 49 ადამიანი ემსხვერპლა. ამის შესახებ ინფორმაციას სააგენტო Reuters-ი ნიგერიის საგანგებო სიტუაციების მართვის ეროვნულ სააგენტოზე დაყრდნობით ავრცელებს. ქვეყნის საგანგებო სიტუაციების მართვის ეროვნული სააგენტოს წარმომადგენლის, მანზო ეზეკიელის განცხადებით, წყალდიდობამ ყველაზე მეტად ქვეყნის ჩრდილო-აღმოსავლეთში მდებარე ჯიგავას, ადამავასა და ტარაბას შტატები დააზარალა. ძლიერი წვიმებით გამოწვეული წყალდიდობის გამო 41,344 ადამიანი იძულებული გახდა, საკუთარი საცხოვრებელი სახლი დაეტოვებინა.    

გერმანიის კანცლერმა ქალაქ ზოლინგენში თავდასხმის შემდეგ არალეგალი მიგრანტების დეპორტაციის დაჩქარება მოითხოვა. ამის შესახებ ოლაფ შოლცმა ზოლინგენში ვიზიტისას განაცხადა,  სადაც მან დანით თავდასხმის მსხვერპლთა ხსოვნას პატივი მიაგო. „ჩვენ უნდა გავაკეთოთ ყველაფერი, რაც შესაძლებელია, რათა უზრუნველვყოთ იმ ადამიანების რეპატრიაცია და დეპორტაცია, ვისაც არ შეუძლია ან არ აქვს უფლება, დარჩეს გერმანიაში“ – აღნიშნა გერმანიის მთავრობის მეთაურმა. 23 აგვისტოს ქალაქ ზოლინგენში თავდასხმის შედეგად, რომელშიც 26 წლის სირიელია ეჭვმიტანილი, სამი ადამიანი დაიღუპა და რვა დაშავდა. გერმანული მედიის ცნობით, ეჭვმიტანილი გერმანიიდან ჯერ კიდევ 2023 წელს უნდა ყოფილიყო დეპორტირებული. ის დააკავეს მკვლელობისა და „ისლამურ სახელმწიფოს“ წევრობის ბრალდებით.  

„ტელეგრამის“ დამფუძნებლის, პაველ დუროვის დაკავება პოლიტიკური გადაწყვეტილება არ არის“ – ამის შესახებ საფრანგეთის პრეზიდენტმა, ემანუელ მაკრონმა განაცხადა. პრეზიდენტის განცხადებით, საფრანგეთის ტერიტორიაზე პაველ დუროვის დაკავება მიმდინარე სასამართლო გამოძიების ფარგლებში მოხდა. „ეს პოლიტიკური გადაწყვეტილება არავითარ შემთხვევაში არ არის. გადაწყვეტილება მოსამართლეებმა უნდა მიიღონ“, – განაცხადა ემანუელ მაკრონმა. „ტელეგრამის“ დამფუძნებელი და აღმასრულებელი დირექტორი, პაველ დუროვი საფრანეთის პოლიციამ პარიზის აეროპორტში შაბათს ღამით დააკავა.  

უკრაინის საგარეო საქმეთა მინისტრი დმიტრო კულება, უკრაინის მოკავშირეებს ოკუპანტის იერიშების მოგერიებაში დახმარებას სთხოვს და დროული მოქმედებისკენ მოუწოდებს. მინისტრმა სოციალურ ქსელში დაწერა, რომ რუსული აგრესიის მოსაგერიებლად და ომის დასასრულებლად, დასავლელმა პარტნიორებმა ორი მნიშვნელოვანი გადაწყვეტილება უნდა მიიღონ: მისცენ კიევს დასავლური იარაღით რუსეთის სიღრმეში სამხედრო ობიექტებზე თავდასხმის ნებართვა და უკრაინის მეზობელმა ქვეყნებმა, ჰაერსაწინააღმდეგო სისტემებით მათი საზღვრის სიახლოვეს გაანადგურონ რუსული რაკეტები და დრონები.

ირანის საგარეო საქმეთა მინისტრის თქმით, ჰამასის ლიდერის მკვლელობასთან დაკავშირებით ირანის საპასუხო ზომა გათვლილი და განსაზღვრული იქნება. ეს განცხადება, „გარდიანის“ ცნობით, ირანის საგარეო საქმეთა მინისტრს, აბას არაღჩისა და იტალიის საგარეო საქმეთა მინისტრს, ანტონიო ტაიანს შორის სატელეფონო საუბრისას ირანის საგარეო საქმეთა მინისტრმა გააკეთა. როგორც ირანელმა დიპლომატმა აღნიშნა, მათ დედაქალაქში „ჰამასის“ ლიდერის მკვლელობა ქვეყნის უსაფრთხოებისა და სუვერენიტეტის შელახვაა, რისი პატიებაც არ შეიძლება.

ჩრდილოეთ კორეის ლიდერმა, კიმ ჩენ ინმა „კამიკაძე“ დრონების წარმოების გაზრდა მოითხოვა. ამის შესახებ განცხადება მას შემდეგ გააკეთა, რაც ჩრდილოეთ კორეის ეროვნული თავდაცვის აკადემიის დრონების ინსტიტუტის მიერ უპილოტო საფრენი აპარატების გამოცდას დაესწრო. ოფიციალური ინფორმაციით, გამოცდა წარმატებული იყო. დრონებმა დადგენილი მარშრუტებით იფრინეს, მოძებნეს და გაანადგურეს სამიზნეები. კიმ ჩენ ინი გამოვიდა მოწოდებით, ე.წ. კამიკაძე დრონების წარმოება გაიზარდოს და ჩრდილოეთ კორეის არმია სწრაფად აღიჭურვოს ამ შეიარაღებით. კერძოდ, სააგენტო KCNA-ს ინფორმაციაში საუბარია წყალქვეშა, შეტევით და სადაზვერვო დრონებზე. ცნობისთვის, 2024 წლის დასაწყისში ჩრდილოეთ კორეამ განაცხადა, რომ გამოცდის წყალქვეშა დრონს, რომელიც შეიძლება აღიჭურვოს ბირთვული ქობინით. ჩრდილოეთ კორეის…

ახლო აღმოსავლეთში საბრძოლო მოქმედებები გრძელდება. ქაოსია ღაზის სექტორში მდებარე დეირ ელ-ბალაჰის კლინიკაში, საიდანაც ევაკუაცია მიმდინარეობს. პაციენტები და პერსონალი, მოქალაქეები შენობას ცლიან. მათ შორის არიან მძიმე ავადმყოფებიც. პალესტინა ისრაელს ცეცხლის შეწყვეტის შეთანხმების ჩაშლაში ადანაშაულებს. არაბული პრესა წერს, რომ ისრაელმა შეთანხმებაში ახალი პირობები ჩადო, რისი რეალური მიზანიც ზავის გადავადება იყო. იმუქრება ისრაელიც. ბენიამინ ნეთანიაჰუს განცხადებით, ის ვინც ისრაელს ტკივილს მიაყენებს, თავად დაზიანდება.

ლიეტუვა ევროკომისრად ევროპარლამენტარ ანდრიუს კუბილიუსის კანდიდატურას წარადგენს. უცხოური მედიის ცნობით, ლიეტუვის პრეზიდენტმა, გიტანას ნაუსედამ ბრძანებას ხელი უკვე მოაწერა. პრეზიდენტმა ასევე ხელი მოაწერა წერილს, რომელიც ევროკომისიის პრეზიდენტს, ურსულა ფონ დერ ლაიენს კანდიდატურას უდასტურებს. კუბილიუსის კანდიდატურას ჯერ კიდევ სჭირდება სეიმის (პარლამენტის) დამტკიცება. სეიმის სპიკერის პირველმა მოადგილემ განუცხადა BNS-ს, რომ პარლამენტმა შესაძლოა რიგგარეშე სხდომა გამართოს 3 სექტემბერს, რათა ამ საკითხს კენჭი უყარონ. ყოფილი პრემიერ მინისტრი, კუბილიუსი 2019 წლიდან იყო ევროპარლამენტის წევრი, ამ წლის დასაწყისში ის ხელახლა აირჩიეს მეორე ვადით. ის არის ევროკავშირსა და აღმოსავლეთ პარტნიორობის ქვეყნებს შორის უფრო მჭიდრო კავშირების, უკრაინისადმი მხარდაჭერის და…