დღე: აგვისტო 7, 2024

დიდი ბრიტანეთის პოლიცია ძალადობის კიდევ ერთი ტალღისთვის ემზადება. ულტრამემარჯვენე ჯგუფებმა, მთელი ბრიტანეთის მასშტაბით, 30 დასახლებულ პუნქტზე თავდასხმა დააანონსეს. აღნიშნულის გამო, ბრიტანეთის ხელისუფლება 6 000 სპეცრაზმელის მობილიზებას გეგმავს. ინფორმაციას Abcnews-ი ავრცელებს. “ყველაფერს გააკეთებენ იმისთვის, რომ ქვეყნის დედაქალაქში წესრიგი დაიცვან.ჩვენ ვიცით იმ ღონისძიებების შესახებ, რომლებიც დედაქალაქში მოძალადე ჯგუფების მიერ არის დაგეგმილი. მათ ღიად განაცხადეს, რომ არეულობისა და განხეთქილების მოწყობას აპირებენ. ჩვენს ქუჩებში ამას არ მოვითმენთ”- აცხადებენ ბრიტანეთის პოლიციაში.

საფრანგეთის პრეზიდენტი ემანუელ მაკრონი ირანელ კოლეგას, მასუდ ფეზეშქიანს ესაუბრა. ამის შესახებ ინფორმაციას ფრანგული მედია ავრცელებს. მათივე ცნობით, მაკრონმა ფეზეშქინიანს განუცხადა, რომ ირანმა უარი უნდა თქვას შურისძიებაზე და ყველაფერი გააკეთოს, რათა არ დაუშვას ახლო აღმოსავლეთში ახალი სამხედრო ესკალაცია. „ახალი სამხედრო ესკალაცია მომგებიანი არავისთვის არის, მათ შორის არც ირანისთვის“-აღნიშნა მაკრონმა. მედიის ცნობით, მაკრონმა საუბარში აღნიშნა ისიც, რომ საფრანგეთი მზად არის, დაეხმაროს ირანს პოლიტიკურ საზღვრებში გამოსავლის მოძებნაში, რაც ხელს შეუწყობს მშვიდობისა და სტაბილურობის დამყარებას რეგიონში, იმ პირობით, რომ ირანი შეასრულებს თავის საერთაშორისო ვალდებულებებს. ცნობისთვის, ირანი „ჰამასის“ ლიდერის, ისმაილ ჰანიეს მკვლელობაში ისრაელს ადანაშაულებს და…

რუსეთის კურსკის ოლქში საგანგებო მდგომარეობის რეჟიმი გამოცხადდა. ამის შესახებ რეგიონის გუბერნატორის მოვალეობის შემსრულებელმა, ალექსეი სმირნოვმა გამოაცხადა. “რეგიონის ტერიტორიაზე მტრული ძალების შესვლის შედეგების ლიკვიდაციისთვის 7 აგვისტოდან საგანგებო ვითარების გამოცხადების შესახებ მივიღე გადაწყვეტილება”- წერს გუბერნატორი “ტელეგრამის” პირად არხზე. მედიაში გავრცელდა ინფორმაცია, რომ უკრაინულმა ძალებმა რუსეთის კურსკის ოლქში რამდენიმე დასახლება დაიკავეს. ვრცელდება ცნობები, რომ ოლქში ასეულობით უკრაინელი სამხედრო იმყოფება.    

„რუსეთი იძულებული იქნება 2025 წელს ფართო მობილიზაცია გამოაცხადოს ან ომი დაასრულოს“-ამის შესახებ უკრაინის სამხედრო დაზვერვის ხელმძღვანელმა, კირილ ბუდანოვმა განაცხადა. ბუდანოვი მიიჩნევს, რომ ომის გაგრძელების შემთხვევაში რუსეთი დილემის წინაშე დადგება. “თუ ომი გაგრძელდება, მაშინ არაუგვიანეს 2025 წლის ზაფხულისა, რუსეთი დილემის წინაშე დადგება: ან დაასრულოს ის ან კიდევ ერთი ფართომასშტაბიანი მობილიზაცია გამოაცხადოს” – განაცხადა ბუდანოვმა. მისი თქმით, კრემლის ამას გააჭიანურებს, ვინაიდან, “რუსეთის ხელმძღვანელობა ფიქრობს, რომ ფართომასშტაბიან მობილიზაციას შეუძლია სერიოზულად შეარყიოს პოლიტიკური ვითარება.” მან ასევე ისაუბრა ადამიანურ რესურსებთან დაკავშირებული პრობლემებზე  რუსეთში. “რეგიონები მიხედვით, თანხები ორ მილიონ რუბლსაც შეიძლება აღწევდეს. რუსეთისთვის ეს ფულის უზარმაზარი თანხაა.…

ნატო-ში აზერბაიჯანის ელჩს, ჯაფარ ჰუსეინზადესა და მის მეუღლეს ბრიუსელში თავს დაესხნენ და გაძარცვეს. გავრცელებული ინფორმაციით, მათ ორი თავდამსხმელი სკუტერით მიუახლოვდა, ერთ-ერთმა მათგანმა პისტოლეტი ორივეს თავში ჩაარტყა და „როლექსის“ ორი საათი და ჩანთა წაართვა. ბელგიური მედიის ცნობით, საათების ღირებულება 90 000 ევროა. ადგილობრივი მედია წერს, რომ პისტოლეტის ჩარტყმის შემდეგ ჰუსეინზადეს მეუღლეს თავიდან სისხლი წასკდა. ცოლ-ქმარი გამოსაკვლევად საავადმყოფოში გადაიყვანეს. ბრიუსელის პროკურატურამ დაადასტურა, რომ გამოძიება მიმდინარეობს, მაგრამ დამატებითი კომენტარისგან თავი შეიკავა.

უკრაინაში საომარი მდგომარეობა და საყოველთაო მობილიზაცია 12 აგვისტოდან 90 დღით, 9 ნოემბრამდე გახანგრძლივდა. ამის შესახებ კანონებს ხელი დღეს ქვეყნის პრეზიდენტმა, ვოლოდიმირ ზელენსკიმ მოაწერა. შეგახსენებთ, რომ მიმდინარე წლის ივლისში, უკრაინაში საომარი მდგომარეობის გახანგრძლივებას მხარი უკრაინის რადას 339-მა დეპუტატმა დაუჭირა.

საგარეო ურთიერთობების საკითხებში ევროპული საბჭოს თავმჯდომარე, კარლ ბილდტი აგვისტოს ომის 16 წლისთავს ეხმაურება და წერს, რომ რუსეთმა სცადა საქართველოს ტერიტორიული მთლიანობის დარღვევა და ეს ,,ჭრილობა ჯერ კიდევ ღიაა”. ,,16 წელი გავიდა მას შემდეგ, რაც რუსეთი შეიჭრა საქართველოში. ფონი ოდნავ ბუნდოვანი იყო, აშკარა პროვოკაციებით კონფლიქტის შესაქმნელად, მაგრამ რუსეთი სწრაფად გადავიდა საქართველოში ორ სხვადასხვა ღერძზე. შემდეგ კი რუსეთმა სცადა საქართველოს ტერიტორიული მთლიანობის დარღვევა. ჭრილობა ჯერ კიდევ ღიაა,” – წერს ბილდტი.

რუსეთის პრეზიდენტმა პუტინმა მთავრობის წევრებთან გამართა შეხვედრა, სადაც კურსკის ოლქის სასაზღვრო რაიონებში წინა დღით დაწყებულ ბრძოლებზე პირველი კომენტარი გააკეთა. ,,მოგეხსენებათ, კიევის რეჟიმმა განახორციელა კიდევ ერთი ფართომასშტაბიანი პროვოკაცია. განურჩევლად ახორციელებს სამოქალაქო შენობების, საცხოვრებელი კორპუსების, სასწრაფო დახმარების მანქანების დაბომბვას სხვადასხვა ტიპის იარაღით, მათ შორის რაკეტებით”, – თქვა პუტინმა. მისი თქმით, შეხვედრის შემდეგ მოისმენს უსაფრთხოების ძალების მოხსენებას კურსკის ოლქში არსებული ვითარების შესახებ. უკრაინას ოფიცილაური კომენტარი არ გაუკეთებია კურსკში მიმდინარე ბრძოლაზე.

საქართველოში ლიეტუვის ელჩად დარიუს ვიტკაუსკასი დაინიშნა. ინფორმაციას დიპლომატიური მისია ავრცელებს. „6 აგვისტოს ლიეტუვის რესპუბლიკის პრეზიდენტის ბრძანებულებით, დარიუს ვიტკაუსკასი საქართველოში ლიეტუვის რესპუბლიკის საგანგებო და სრულუფლებიან ელჩად დაინიშნა“, – ნათქვამია ინფორმაციაში.

რუსეთმა უნდა გაიყვანოს საკუთარი ჯარი საქართველოს სუვერენული ტერიტორიებიდან და გააუქმოს აფხაზეთისა და სამხრეთ ოსეთის ე.წ. „დამოუკიდებელ სახელმწიფოებად“ აღიარება. ამის შესახებ უკრაინის საგარეო საქმეთა სამინისტროს 2008 წლის აგვისტოს ომთან დაკავშირებით განცხადებაშია ნათქვამი. „საომარი მოქმედებები 2008 წლის აგვისტოში შეწყდა, მაგრამ რუსეთის აგრესია საქართველოს წინააღმდეგ ამით არ დასრულებულა. მოსკოვმა განაგრძო ეგრეთ წოდებული „ბორდერიზაცია“, ანუ საქართველოს ტერიტორიის მცოცავი ანექსია, ზეწოლა, პროპაგანდა და ინტერვენციის სხვა ჰიბრიდული მეთოდები. უკრაინა მხარს უჭერს საქართველოს დამოუკიდებლობას, სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში და მკაცრად გმობს კრემლის აგრესიულ პოლიტიკას. რუსეთმა უნდა გაიყვანოს თავისი ჯარები საქართველოს სუვერენული ტერიტორიიდან 2008…

სლოვენიის საგარეო და ევროპულ საქმეთა სამინისტრო 2008 წლის აგვისტოს ომის 16 წლისთავთან დაკავშირებით განცხადებას ავრცელებს: ,,საქართველოში რუსეთის შეჭრის მე-16 წლისთავზე სლოვენია აგრძელებს საქართველოს სუვერენიტეტისა და ტერიტორიული მთლიანობის მტკიცე მხარდაჭერას. საერთაშორისო სამართლებრივი პრინციპების უგულებელყოფას ყოველთვის მოჰყვება დაგმობა და მოწოდება საერთაშორისო სამართლის დაცვის შესახებ”, – ნათქვამია განცხადებაში.

ევროპის უშიშროებისა და თანამშრომლობის ორგანიზაციაში (ეუთო) აშშ-ის მისია აგვისტოს ომის 16 წლისთავთან დაკავშირებით განცხადებას ავრცელებს და წერს, რომ სრულად უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ,,ჩვენ ვგმობთ რუსეთის მიერ საქართველოს რეგიონების აფხაზეთისა და სამხრეთ ოსეთის მიმდინარე ოკუპაციას. რუსეთის მიერ ამ ქართული რეგიონების ოკუპაცია, ისევე როგორც მისი აგრესიული ომი უკრაინის წინააღმდეგ, არღვევს მის საერთაშორისო ვალდებულებებს და ეწინააღმდეგება ეუთოს ვალდებულებებს. ჩვენ სრულად ვუჭერთ მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში”, – ნათქვამია განცხადებაში.

,,ევროპარლამენტის მხარდაჭერა საქართველოს სუვერენიტეტისა და ტერიტორიული მთლიანობისა, მისი ხალხის ევროპული მისწრაფებებისადმი ურყევია”, – წერს ევროპარლამენტის პრეზიდენტი რობერტა მეცოლა. ,,საქართველოს წინააღმდეგ რუსეთის აგრესიიდან 16 წლის შემდეგ, ევროპარლამენტის მხარდაჭერა საქართველოს სუვერენიტეტისა და ტერიტორიული მთლიანობისა და მისი ხალხის ევროპული მისწრაფებებისადმი ურყევია”, – წერს მეცოლა.

ბელარუსის ოპოზიციონერი ლიდერი სვეტლანა ტიხანოვსკაია აგვისტოს ომის 16 წლის თავს ეხმიანება და წერს, რომ თუ რუსეთის იმპერიული აგრესია არ შეჩერდება, ის მხოლოდ გაიზრდება. ,,ამ დღეს, 16 წლის წინ, რუსეთმა საქართველოში შეჭრა დაიწყო. თუ იმპერიული აგრესია არ შეჩერდება, ის მხოლოდ გაიზრდება. ბელარუსება და უკრაინელებმა ეს ძალიან კარგად იციან. ჩვენ მხარს ვუჭერთ საქართველოს ტერიტორიულ მთლიანობას, სუვერენიტეტს და ევროპულ მისწრაფებებს,” – წერს ტიხანოვსკაია.

2008 წლის აგვისტოს ომიდან 16 წლის გასვლას ეხმაურება NATO-ს პრესსპიკერი ფარა დახლალა. ის კიდევ ერთხელ აფიქსირებს ალიანსის მხარდაჭერას საქართველოს სუვერენიტეტისა და ტერიტორიული მთლიანის მიმართ. ,,მოვუწოდებთ რუსეთს, გაიყვანოს ის ძალები, რომლებიც მან ნებართვის გარეშე განათავსა საქართველოში. სამხრეთ ოსეთი და აფხაზეთი საქართველოს ნაწილია, რუსეთის 16 წლიანი ოკუპაციის მიუხედავად. ნატო სრულად უჭერს მხარს საქართველოს სუვერენიტეტსა და ტერიტორიულ მთლიანობას”, – წერს ფარა დახლალა.

რუმინეთის საგარეო საქმეთა სამინისტრო 2008 წლის აგვისტოს ომის 16 წლისთავთან დაკავშირებით განცხადებას ავრცელებს: ,,16 წლის წინ, რუსეთმა დაიწყო სამხედრო შეჭრა საქართველოს წინააღმდეგ, რაც საერთაშორისო სამართლის სერიოზული დარღვევა და აღმოსავლეთ სამეზობლოში რუსეთის აგრესიის კიდევ ერთი მაგალითი იყო. როგორც სტრატეგიული პარტნიორები, რუმინეთი რჩება საქართველოს სუვერენიტეტის, ტერიტორიული მთლიანობისა და ევროპული მომავლის მხარდამჭერის ერთგული”, – ნათქვამია განცხადებაში.