თვე: ივნისი 2024

უკრაინასთან ევროკავშირში გაწევრიანების შესახებ მოლაპარაკებები ივნისის ბოლოს დაიწყება. ამის შესახებ  ევროკომისიის პრეზიდენტმა ურსულა ფონ დერ ლაიენმა განაცხადა. ურსულა ფონ დერ ლაიენმა ბერლინში უკრაინის აღდგენის კონფერენციაზე აღნიშნა, რომ უკრაინამ შეასრულა რეფორმებთან დაკავშირებული ყველა საჭირო მოთხოვნა, რაც მას ბლოკში გაწევრიანების საშუალებას აძლევს. “უკრაინამ შეასრულა ყველა ის ნაბიჯი, რომელიც ჩვენ განვსაზღვრეთ. სწორედ ამიტომ მიგვაჩნია, რომ ევროკავშირმა უკრაინასთან გაწევრიანების მოლაპარაკებები ამ თვის ბოლომდე უნდა დაიწყოს“- განაცხადა ევროკომისიის პრეზიდენტმა.

,,მართალია, უკრაინაში რუსეთის სამხედრო აგრესიის დაწყების შემდგომ საქართველომ არ შემოიღო ეროვნული სანქციები რუსეთის წინააღმდეგ, მაგრამ ყველა შესაბამისი სახელმწიფო უწყება მკაცრად აკონტროლებს სანქცირებულ პირებსა თუ ტვირთებს”, – ამის შესახებ საქართველოს პრემიერ-მინისტრმა ირაკლი კობახიძემ უკრაინის აღდგენის კონფერენციის ფარგლებში გაკეთებულ განცხადებაში აღნიშნა. მთავრობის მეთაურის თქმით, საქართველოს მთავრობამ გამოყო მნიშვნელოვანი ჰუმანიტარული დახმარება უკრაინისთვის და მხარს უჭერს საქართველოში ამჟამად მცხოვრებ უკრაინის მოქალაქეებს. „ჯამში საქართველო გახდა საერთაშორისო ორგანიზაციებისა და ინსტიტუტების მიერ უკრაინის მხარდასაჭერად მიღებული თუ წამოყენებული 600-ზე მეტი რეზოლუციის, განცხადების, ერთობლივი განცხადების და სხვა ინიციატივის ინიციატორი, ხელმომწერი თუ მხარდამჭერი. მართალია, უკრაინაში რუსეთის სამხედრო აგრესიის დაწყების შემდგომ…

,,უკრაინა არის ჩვენი მეგობარი ქვეყანა, უკრაინელი ხალხი არის ჩვენი მეგობარი ხალხი და, რა თქმა უნდა, ყველა მაქსიმალურად უნდა ზრუნავდეს უკრაინის აღდგენაზე”,- ამის შესახებ საქართველოს პრემიერ-მინისტრმა ირაკლი კობახიძემ ქართველ ჟურნალისტებთან ბერლინში განაცხადა, სადაც უკრაინის აღდგენის კონფერენციაში მონაწილეობს. მთავრობის მეთაურის თქმით, საქართველო, შესაძლებლობების ფარგლებში, მაქსიმალურ მონაწილეობას მიიღებს უკრაინის აღდგენის პროცესში. „უკრაინა არის ჩვენი მეგობარი ქვეყანა, უკრაინელი ხალხი არის ჩვენი მეგობარი ხალხი და, რა თქმა უნდა, ყველა მაქსიმალურად უნდა ზრუნავდეს უკრაინის აღდგენაზე, უკრაინაში იმ მდგომარეობის დაბრუნებაზე, რომელიც ამ ქვეყანაში იყო შექმნილი ომის დაწყებამდე. ეს არის ყველას პასუხისმგებლობა, ეს არის მეგობრების პასუხისმგებლობა, ჩვენი ქვეყანა…

ბერლინში მიმდინარე კონფერენციაზე უკრაინის პრეზიდენტი სიტყვით გამოვიდა და რუსული აგრესიის წინაშე, ევროპის ერთიანობის მნიშვნელობაზე კიდევ ერთხელ გაამახვილა ყურადღება. მისი თქმით, ევროკავშირი სჭირდება ყველა ევროპელს, ვინც იზიარებს საერთო ღირებულებებს: უკრაინელებს, ქართველებს, მოლდოველებს და ბალკანეთის სახემწიფოებს. ,,როგორც არ უნდა შეიცვალოს პოლიტიკური განწყობები ევროპაში, ჩვენი რეალობა ასეთია: ევროკავშირი სჭირდება ყველა ევროპელს გამონაკლისის გარეშე, ყველა ერს, რომელიც იზიარებს მთელი ევროპის საერთო ღირებულებებს და სურს, როგორც ჩვენ, იცხოვროს მშვიდობიანად. უკრაინელები ასეთი ერია. ისევე, როგორც ჩვენი მეზობლები მოლდოვაში, როგორც საქართველოს მოსახლეობა, ბალკანეთის სახელმწიფოები და სხვა სახელმწიფოები, რომლებიც პატივს სცემენ ევროპას, თავისუფლებას და კანონის უზენაესობას. აუცილებლად დადგება…

თვის ბოლოს, ევროკავშირის სამიტზე, ევროპარლამენტარი პეტრას აუსტრევიჩუსი საქართველოსთვის ოპტიმისტური გადაწყვეტილების მიღებას არ ელოდება და ვარაუდობს, რომ ევროკომისიის პირობა იგივე იქნება – შესრულდეს 9 ნაბიჯი და დაუბრუნდეს ქვეყანა ევროპულ გზას იმისთვის, რომ გაიხსნას ევროკავშირში გაწევრიანების მოლაპარაკებების ეტაპი. ,,არ მგონია, რომ სიტუაცია ოპტიმისტური იყოს, მე ვფიქრობ, რომ ევროპული კომისია იგივე პირობებს დააყენებს საქართველოსთვის და საბჭო ამას დაუჭერს მხარს. ჩვენ შევახსენეთ საქართველოს, რომ ეს ყველაფერი ეხება დემოკრატიულ განვითარებას და ვფიქრობთ, რომ საქართველოს მთავრობამ გადაუხვია დემოკრატიულ განვითარების გზას. ჩვენ ვხედავთ, რომ გადაწყვეტილებები არ არის დემოკრატიული და გამჭვირვალე და გვაქვს ლეგიტიმური შეშფოთების საფუძველი, რომ საქართველო…

დღეს ესტონეთის პარლამენტმა მიიღო განცხადება, რომელშიც დაგმობილია საქართველოს მთავრობის ქმედებები და გაკრიტიკებულია გამჭვირვალობის შესახებ კანონის მიღება. პარლამენტის 57-მა წევრმა მხარი დაუჭირა მას, 13 წინააღმდეგი იყო. რიიგიკოგუ მოუწოდებს საქართველოს პარლამენტსა და მთავრობას დაუყოვნებლივ გააუქმონ კანონი. ის ასევე მოუწოდებს მთავრობას, შეწყვიტოს ძალადობა დემონსტრანტების, სამოქალაქო საზოგადოებისა და ოპოზიციონერი პოლიტიკოსების მიმართ, ჩაატაროს სამართლებრივი გამოძიება ხელისუფლებისა და იმ პირების მიმართ, რომლებმაც ძალადობა გამოიყენეს მშვიდობიანი მომიტინგეების მიმართ, განახორციელოს ის რეფორმები, რასაც საქართველოს მოქალაქეების აბსოლუტური უმრავლესობა ითხოვს და ევროკავშირში გაწევრიანების წინაპირობაა. ,,განცხადებაში ხაზგასმულია, რომ მანამ სანამ საქართველოს მთავრობა და პარლამენტი არ დაიწყებენ დემოკრატიული კრიზისის გადაწყვეტას იმ მიდგომით,…

ესტონეთის პრემიერ-მინისტრი კაია კალასი აცხადებს, რომ  დასავლეთის ქვეყნებმა ესტონეთის პარლამენტის მაგალითს უნდა მიბაძონ, რომელის მიერ მიღებული კანონი რუსული აქტივების უკრაინის საჭიროებებისთვის მოხმარების შესაძლებლობას იძლევა. „უკრაინას სამხედრო დახმარება უნდა მივცეთ, რომ თავის დაცვა შეძლონ. ასევე, ომის პირობებშიც უკვე შესაძლებელია რეკონსტრუქციის დაწყება. ესტონეთი უკრაინას რეკონსტრუქციაში უკვე ეხმარება. მათ რთული მისია აქვთ, მაგრამ უნდა გააგრძელონ მუშაობა იმ პირობებში, როდესაც ომი აქვთ. მნიშვნელოვანია დავრწმუნდეთ, რომ რუსეთი გადაიხდის საფასურს იმისთვის, რასაც უკრაინაში აკეთებს, რადგან ეს მხოლოდ ჩვენი გადამხდელების ფულიდან ვერ მოხერხდება. სწორედ ამიტომ, ესტონეთის პარლამენტმა მიიღო კანონი, რაც საშუალებას იძლევა, რუსული გაყინული აქტივები უკრაინას მოხმარდეს…

ბერლინში მიმდინარე კონფერენციაზე უკრაინის საგარეო საქმეთა მინისტრმა უკრაინის გადაუდებელ საჭიროებებზე ისაუბრა და დასავლელ ლიდერებს მიმართა, ,,მოგვაწოდეთ ჰაერსაწინააღმდეგო სისტემები რაც შეიძლება მალე”. ,,მოკლევადიანი საჭიროება ნათელია და ამაზე ჩემმა პრეზიდენტმა უკვე ილაპარაკა. ეს არის ჩვენი ენერგოსისტემის მხარდაჭერა, იმიტომ რომ ზამთარი მოდის და ჩვენ ის უნდა გავიაროთ. რაც შეეხება გრძელვადიან საჭიროებებს, არსებობს ხუთი ნაბიჯი, რომლებიც მუდმივად უნდა იდგმებოდეს. პირველ რიგში, რეკონსტრუქციის გზა იწყება ჰაერსაწინააღმდეგო თავდაცვით, რადგან, რაც ნაკლებია ზიანი, მით ნაკლებია საჭირო აღდგენისთვის. ამიტომ, თუ შეიძლება, მიჰყევით გერმანიის მაგალითს და მოგვაწოდეთ ჰაერსაწინააღმდეგო სისტემები რაც შეიძლება მალე. მეორე ნაბიჯი არის ინვესტიციები. მე მინდა მოვუწოდო…

უკრაინის პრეზიდენტმა, ვოლოდიმირ ზელენსკიმ ბერლინში, უკრაინის აღდგენი კონფერენციაზე განაცხადა, რომ მის ქვეყანას აქვს ამ წელს 1 გიგავატი ენერგიის გამომუშავების გეგმა და ოთხი გიგავატის მომდევნო წლებში. ,,სწორედ ამ სფეროში ევროპული და განსაკუთრებით გერმანული კომპანიები არიან ტექნოლოგიური ლიდერები და სწორედ ამ სფეროში გვაქვს მკაფიო გეგმა, როგორ ავაშენოთ 1 გიგავატამდე სიმძლავრე ამ წელს და მომდევნო წლებში კიდევ 4 გიგავატი”, – თქვა ზელენსკიმ. მისი თქმით, რუსეთის დაბომბვამ გაანადგურდა 9 გიგავატი უკრაინის წარმოების სიმძლავრე, მას შემდეგ, რაც მოსკოვმა გააძლიერა საჰაერო თავდასხმები მარტში და დასძინა, რომ გასულ ზამთარში უკრაინის მოხმარება დაახლოებით 18 გიგავატი იყო. ,,ამ დროისთვის,…

„დღეს არავის შეუძლია თქმა, როდის დასრულდება ომი, თუმცა რისი თქმაც შეგვიძლია, არის ის, რომ ეს ომი დასრულდება”, – აღნიშნულთან დაკავშირებით გერმანიის კანცლერმა, ოლაფ შოლცმა უკრაინის აღდგენის კონფერენციაზე განაცხადა. შოლცის თქმით, უკრაინა იქნება უფრო ძლიერი და თავისუფალი, ვიდრე აქამდე იყო. „უკრაინისთვის და გერმანიისთვის მნიშვნელოვანი იყო, რომ დღევანდელ კონფერენციას დასწრებოდნენ რეგიონების, მუნიციპალიტეტების და სამოქალაქო საზოგადოების წარმომადგენლები. ასევე არის კიდევ ერთი ჯგუფი, რომელიც არ უნდა დაგვავიწყდეს, როდესაც ვსაუბრობთ აღდგენაზე და აღდგენის შესაძლებლობებზე. ვფიქრობ უკრაინელებზე, რომლებმაც რუსეთის ტერორისგან თავშესაფარი ჩვენს ქვეყანაში იპოვეს. მილიონზე მეტი შემოვიდა გერმანიაში. დღეს არავის შეუძლია იმის თქმა, როდის დასრულდება ომი,…

გერმანიაში უკრაინის აღდგენის კონფერენციაზე, კანცლერმა ოლაფ შოლცმა მოუწოდა ღონისძიების ყველა მონაწილეს მხარი დაუჭირონ უკრაინის საჰაერო თავდაცვის გაძლიერების ინიციატივას. ,,მომდევნო კვირებისა და თვეების განმავლობაში ჩვენ უკრაინას მივაწვდით მესამე პატრიოტის საჰაერო თავდაცვის სისტემას, IRIS-T დანადგარს, Gepard-ს, რაკეტებსა და საბრძოლო მასალას. ეს ყველაფერი უკრაინაში გადავა უახლოეს თვეებში და კვირებში”, – თქვა შოლცმა. ორდღიანი კონფერენციის გახსნაზე შოლცმა თქვა, რომ ,,უკრაინა გაუყვება გზას, რომელიც უკრაინელებმა აირჩიეს: დემოკრატიული, თავისუფალი, ევროპაში. და ამიტომ დღეს ბერლინში ჩვენ ვმუშაობთ ძლიერი, თავისუფალი და ევროპული უკრაინის აღსადგენად”.