დღე: მაისი 24, 2024

კანონპროექტი, რომელიც სენატორებმა სენატში წარადგინეს, საქართველოს მთავრობის, პარლამენტის თუ სხვა ოფიციალურ პირებსა და მათი ოჯახის წევრებს ეხებათ. დოკუმენტში საუბარია სანქციებზე, რომელიც შეერთებულმა შტატებმა მათ იმ მიზეზით უნდა დაუწესონ, რომ აფერხებენ საქართველოს ევროსტრუქტურებში ინტეგრაციას და ამის თვალსაჩინო მაგალითად ე.წ. აგენტების კანონი სახელდება. დოკუმენტში ნახსენებია თანამდებობის პირები და მათი  უახლოესი ოჯახის წევრები. „ქართველი ხალხის აქტში“ ასევე საუბარია, რომ უნდა გათავისუფლდნენ  “პოლიტიკური მოტივაციით” დაკავებული ადამიანები და მათ წინააღმდეგ საქმეების გაწვევა მოხდეს. სენატორები მოუწოდებენ საქართველოს ხელისუფლებას, უზრუნველყოს 2024 წლის ოქტომბრის არჩევნების დემოკრატიულად და სამართლიანად ჩატარება. სენატორების მიერ წარდგენილი დოკუმენტი სახელმწიფო დეპარტამენტს ავალდებულებს, შეადგინოს იმ…

ამერიკის შეერთებული შტატების სახელმწიფო მდივანი, ენტონი ბლინკენი აცხადებს, რომ დაუყოვნებლივ გადაიხედება შტატებსა და საქართველოს შორის თანამშრომლობის პირობები. დღესვე ცნობილი გახდა, რომ შტატები საქართველოში დემოკრატიისთვის ძირის გამოთხრაში პასუსიხსმგებელ ან თანამონაწილე პირებზე და მათი ოჯახის წევრებზე სავიზო შეზღუდვების პოლიტიკას აცხადებს. ,,დღესვე ვიწყებ შეერთებულ შტატებსა და საქართველოს შორის ორმხრივი თანამშრომლობის ყოვლისმომცველ გადახედვას. იმედს ვიტოვებთ, რომ საქართველოს ლიდერები გადახედავენ კანონპროექტს და მიიღებენ ზომებს მათი ერის დემოკრატიული და ევროატლანტიკური მისწრაფებების წინსვლისთვის. ჩვენს ქვეყნებს შორის ურთიერთობების გადახედვისას, გავითვალისწინებთ საქართველოს ქმედებებს ჩვენი გადაწყვეტილების მიღებისას”, – ნათქვამია განცხადებაში.

დღევანდელი განცხადება მიანიშნებს ჩვენ ერთგულებაზე ქართველი ხალხის მიმართ, – წერს კონგრესმენი ბილ კიტინგი ამერიკის სახელმწიფო დეპარტამენტის განცხადებაზე. ,,დღევანდელი განცხადება სავიზო შეზღუდვებსა და ორმხრივი ურთიერთობების გადახედვაზე, მიანიშნებს ჩვენ ერთგულებაზე ქართველი ხალხის მიმართ, რომელიც ეძებს ევროპულ მომავალს”, – წერს კიტინგი.

,,თუკი საქართველო გადადგამს ამ ნაბიჯს, თუკი პრეზიდენტის ვეტო დაძლეული იქნება, ამას ძალიან მკაფიოდ ექნება შედეგები საქართველოსა და ამერიკის ურთიერთობაზე. ამას ექნება შედეგი სხვა ევროპულ სახელმწიფოებსა და საქართველოს შორის ურთიერთობაზე და საბოლოოდ საქართველოს ევროპულ მისწრაფებებზე”, – აცხადებს შეერთებული შტატების სახელმწიფო დეპარტამენტის პრეს-სპიკერი მეთიუ მილერი გამჭვირვალობის შესახებ კანონთან დაკავშირებით. ,,ჩვენ წარმოუდგენლად შეშფოთებულნი ვართ ამ კანონით. ამის მიზეზი ნაწილობრივ სწორედ ის შესანიშნავი მეგობრობაა, რომელიც ამერიკასა და საქართველოს შორის არსებობს. თუკი გასულ 30 წელს თვალს გადაავლებთ, ჩვენს ორ ქვეყანას, ორ ხალხს უდიდესი კავშირი ჰქონდა. ჩვენ სრულად ვუჭერდით მხარს საქართველოს ევრო-ატლანტიკურ მისწრაფებებს. სრულად ვუჭერდით მხარს…

ამერიკის შეერთებული შტატები ,,უცხოური გავლენის შესახებ” კანონზე პასუხისმგებელ პირებსა და მათ ოჯახის წევრებს სავიზო შეზღუდვებს უწესებს. ინფორმაციას სახელმწიფო მდივანი, ენტონი ბლინკენი ავრცელებს. კონკრეტულად ვის შეეხება აღნიშნული სანქციები, ამას ბლინკენი არ აკონკრეტებს. ,,ბოლო რამდენიმე თვის განმავლობაში მმართველმა პარტია “ქართულმა ოცნებამ” შეიმუშავა და მიიღო კანონი “უცხოური გავლენის შესახებ”, რომელიც ჩაახშობს შეკრებისა და გამოხატვის თავისუფლებას, მოახდენს ორგანიზაციების სტიგმატიებას, რომლებიც ემსახურებიან საქართველოს მოქალაქეებს და ხელს შეუშლის დამოუკიდებელ მედია ორგანიზაციებს, რომლებიც მუშაობენ, რომ ქართველებისთვის ხელმისაწვდომი იყოს მაღალი ხარისხის ინფორმაცია. მას შემდეგ, რაც საქართველოს მოქალაქეებმა გამოთქვეს წინააღმდეგობა კანონის მიმართ, ჩვენ ვნახეთ აშკარა მინიშნებები დაშინებისა და ძალადობის…

სენატორების კანონპროექტი სახელწოდებით „ქართველი ხალხის აქტი,“  სენატში ოფიციალურად წარადგინეს. დოკუმენტი საქართველოს პარლამენტისა და მთავრობის წევრებს ეხებათ და ითვალისწინებს სანქციების დაწესებას იმ პირთა მიმართ,  ვინც ხელს უშლის საქართველოს დემოკრატიულ პროცესებსა დ ევროატლანტიკურ სტრუქტურებში ინტეგრაციას. დოკუმენტის მიხედვით, საქართველოს მმართველმა გუნდმა ქართველი ხალხის სურვილის საწინააღმდეგოდ მიიღო „უცხოეთის აგენტების კანონი” და  ეს ნაბიჯი ძირს უთხრის საქართველოს ევრო-ატლანტიკურ მისწრაფებებს. სენატი აცხადებს, რომ შეერთებული შტატების პოლიტიკამ უნდა გამოხატოს სერიოზული შეშფოთება იმ დაბკროლებებზე, რომლებიც ექმნება საქართველოში დემოკრატიული ინსტიტუტებსა და კანონპროეტი, „აგენტების შესახებ“,  რომელიც შეანელებს ან შეაჩერებს საქართველოს პროგრესს ევროატლანტიკური სტრუქტურებისკენ. დოკუმენტში ასევე  საუბარია საქართველოს ხელისუფლების, ყოფილი და…

სახელმწიფო მდივნის მოადგილის მოვალეობის შემსრულებელი პოლიტიკურ საკითხებში, ჯონ ბასი გამოეხმაურა ამერიკის სახელმწიფო მდივნის დღევანდელ განცხადებას, რომელმაც საქართველოში დემოკრატიისთვის ძირის გამოთხრაში პასუსიხსმგებელ ან თანამონაწილე პირებზე და მათი ოჯახის წევრებზე სავიზო შეზღუდვების პოლიტიკა გამოაცხადა. ,,დღეს, სახელმწიფო მდივანმა ენტონი ბლინკენმა გამოაცხადა სავიზო შეზღუდვის პოლიტიკა იმ პირებისთვის, რომლებიც ძირს უთხრიან დემოკრატიას საქართველოში. როგორც აშშ-ის ყოფილი ელჩი საქართველოში, ღრმად დამწუხრებული ვარ, რომ ეს აქამდე მივიდა. ჩვენ, შეერთებული შტატები, მხარს ვუჭერთ ქართველი ხალხის უფლებას აირჩიოს საკუთარი მომავალი”, – წერს ბასი.