„ქართული ოცნების“ თავმჯდომარის, მამუკა მდინარაძის განცხადებით, გავრცელებული ინფორმაცია, თიქთქოს „ლელოს“ „პიარის“ სამსახურს ხელფასს „ქართული ოცნება-დემოკრატიული საქართველო” უხდის, სიმართლეს არ შეესაბამება.
„გავრცელებული ინფორმაცია იმის შესახებ, რომ „ლელოს“ „პიარის“ სამსახურს ხელფასს ვუხდით ჩვენ, „ქართული ოცნება – დემოკრატიული საქართველო“, სიმართლეს არ შეესაბამება, თუმცა, თუ ამის საჭიროება არსებობს და მათი სტრატეგიაც უცვლელი დარჩება, მზად ვართ გადავუხადოთ“,- წერს მდინარაძე სოციალურ ქსელში.