The Moscow Times წყარეობზე დაყრდნობით წერს, რომ 2023 წლის 23 ივნისს, როცა კერძო სამხედრო კომპანია “ვაგნერის” მებრძოლები აჯანყდნენ, მათი ლიდერი, ევგენი პრიგოჟინი აპირებდა სიტყვით გამოსულიყო სახელმწიფო სათათბიროში მრგვალ მაგიდაზე რუსული არმიის ხელმძღვანელობის მკაცრი კრიტიკით.
,,ის აპირებდა მთელი სიბნელის გახმოვანებას ჩრდილოეთის სამხედრო ოლქის შესახებ, თავდაცვის სამინისტროს შესახებ, იმის შესახებ, თუ რამდენი მსხვერპლია რეალურად ჩვენს მებრძოლებს შორის. ზოგადად, მთელი **** [კოშმარი]. თანაშემწეები ამზადებდნენ მის ჩამოსვლას”, – ამბობს გამოცემის თანამოსაუბრე.
წყაროების თანახმად, პრიგოჟინი იმედოვნებდა, რომ ამ გზით შეძლებდა რუსეთის პრეზიდენტის ვლადიმერ პუტინის ყურადღების მიქცევას, ვისთანაც მან დაკარგა წვდომა, და მოიპოვებდა მის მხარდაჭერას თავდაცვის მინისტრ სერგეი შოიგუსა და თავდაცვის მინისტრთან დაპირისპირებაში.
პრიგოჟინის ნაცნობის თქმით, მისი გარემოცვა სერიოზულად განიხილავდა შესაძლებლობას, რომ პრიგოჟინი მივიდოდა საჰაერო კოსმოსური ძალების მთავარსარდლის, გენერალ სერგეი სუროვიკინის თანხლებით, რომელმაც აჯანყების შემდეგ თანამდებობა დაკარგა.
