საქართველოს მთავარი ამოცანაა ტერიტორიული მთლიანობის აღდგენა. ჩვენ გვავიწყებენ ამას და ლამის ბოდიშის მოხდას გვაიძულებენ აფხაზებისთვის. არაფერი ბოდიში არ გვაქვს მოსახდელი, – ამის შესახებ მიხეილ სააკაშვილმა სასამართლოში დისტანციურად ჩართვისას განაცხადა.
მისი თქმით, უნდა დავბრუნდეთ აფხაზეთსა და ცხინვალის რეგიონში.
„საქართველოს სახელმწიფოს მთავარი ამოცანა არის ტერიტორიული მთლიანობის აღდგენა. ჩვენ გვავიწყებენ ამას და ლამის ბოდიშის მოხდას გვაიძულებენ აფხაზებისთვის. ნურას უკაცრავად, არაფერი ბოდიში არ გვაქვს მოსახდელი. რა თქმა უნდა, უნდა აღვიდგინოთ ჩვენი ტერიტორიული მთლიანობა, უნდა დავბრუნდეთ აფხაზეთსა და ცხინვალის რეგიონში“, – განაცხადა მიხეილ სააკაშვილმა.
