ეროვნული უსაფრთხოების საკითხებში აშშ-ის პრეზიდენტის მრჩეველი ჯეიკ სალივანი თეთრ სახლში საუდის არაბეთის თავდაცვის მინისტრს შეხვდა. თეთრი სახლის ინფორმაციით, ღაზაში არსებული ვითარება განიხილეს და ღაზის მოსახლეობისთვის ჰუმანიტარული დახმარების გაზრდის გადაუდებელი აუცილებლობა დაადასტურეს.
ამასთან, მხარეებმა ხაზი გაუსვეს ისრაელსა და პალესტინელებს შორის მდგრადი მშვიდობის დამყარებაზე მუშაობის მნიშვნელობას იმ სამუშაოს საფუძველზე, რომელიც ბოლო თვეების განმავლობაში საუდის არაბეთსა და შეერთებულ შტატებს შორის მიმდინარეობდა.
