„ღიმილიანი საქართველო“ რომ დაარქვეს და კბილები დააძვრეს ჩვენს პენსიონერებს, ეს იყო ერთ-ერთი ავტორი, პოპულისტი, აი, ეს კაცი“, – ამ სიტყვებით „ქართული ოცნების“ წევრმა ირაკლი ზარქუამ „სტრატეგია აღმაშენებლის“ლიდერი, გიორგი ვაშაძე მოიხსენია.
ირაკლი ზარქუა გიორგი ვაშაძის სხდომათა დარბაზში გამოვლას გამოეხმაურა, რომელმაც განაცხადა, რომ ბიუჯეტში თანხები პენსიონერების სესხების გასანულებლად უნდა გამოინახოს.
“ანუ ეს „კაცმაცუნა“ ონკოლოგიურ დაავადებულებზე ამბობდა, რომ ე.ი. შავ ხვრელში ხდება ფულის გადარიცხვა, დახარჯვა, დაფინანსებაო. აი, ეს ადამიანი. ახლა ვითომ დიდი გულშემატკივარი გამოვიდა. გაუჭირდა, იმიტომ, რომ თავის პარტიაში 5 კაცით შემოვიდა და ის შემორჩა, რა გვარია? ერთი მსხვერპლი რომ ჰყავს – მანჯგალაძე, დანარჩენი დაიშალა, ახლა გადაბარგდა და „ხაბე“ ჩააჩოჩა. აი, ეს პოპულისტი და იმ ჯიგარს, ევროპელებს რომ ძარცვავს, ამით უნდა ხელისუფლებაში მოვიდეს. აი, ამათი, ერთმანეთს რომ არ ენდობიან ისეთი ხალხით. პენსიონერებს, დიახ, უფრო მეტი გვერდში დგომა სჭირდებათ, ჩვენ ყველაფერს ვაკეთებთ, რაც შესაძლებელია“, – განაცხადა ზარქუამ.
