სულ მცირე შვიდი ადამიანი დაშავდა უკრაინის დნეპროპეტროვსკის რეგიონზე რუსული სარაკეტო იერიშის შედეგად.
„დნეპროში შუაღამით ძლიერი აფეთქებები მოხდა. მტერმა ქალაქს რაკეტებით დაარტყა. ერთი მათგანი ჩამოგდებულია“, – განაცხადა დნეპროპეტროვსკის ოლქის სამხედრო ადმინისტრაციის ხელმძღვანელმა.
საჰაერო თავდასხმის შედეგად განადგურდა სატრანსპორტო ობიექტი და დაზიანდა ათამდე შენობა, მათ შორის ბანკი, ბენზინგასამართი სადგური, სასტუმრო და სასოფლო-სამეურნეო კომპანია. ასევე დაზიანდა ორი საცხოვრებელი კორპუსი და წყლისა და გაზსადენები.
