,,შოვში სტიქიის შედეგად დაღუპული ადამიანების სტატისტიკა არ შეცვლილა”. ამის შესახებ საგანგებო სიტუაციების მართვის სამსახურის უფროსმა, თემურ მღებრიშვილმა განაცხადა.
13 აგვისტოსთვის არსებული მონაცემებით, შოვის სტიქიას 24 ადამიანი ემსხვერპლა, მათგან იდენტიფიცირებულია 21. 9 ადამიანს კი ამ დრომდე ეძებენ.
“გარდაცვლილების სტატისტიკა არ შეცვლილა. დღეის მონაცემებით 24 ადამიანია გარდაცვლილი, 9 ადამიანის ძებნა კი ისევ მიმდინარეობს.
აქვე, მინდა მადლობა გადავუხადო საქართველოს წითელი ჯვრის საზოგადოებას, ეს მნიშვნელოვანია და რატომ, მინდა ავხსნა 2 სიტყვით. თქვენ იცით, რომ მოხალისეების გარკვეული ნაწილი თვითნებურად ცდილობდა დახმარებას. წითელი ჯვრის საშუალებით დარეგულირდა ეს საკითხი და, ძირითადად, ეს ადამიანები, მოხალისეები, გვეხმარებიან ლოჯისტიკური კუთხით”, – განაცხადა მღებრიშვილმა.