,,პრობლემა ისაა, რომ დიდ სურათში – ფულმა და არაფორმალურმა გავლენებმა გაიმარჯვა პოლიტიკაზე,”- ამის შესახებ „ნაციონალური მოძრაობის“ თავმჯდომარეობის ერთ-ერთი კანდიდატი ნონა მამულაშვილი სოციალურ ქსელში წერს.
ნონა მამულაშვილი ლევან ხაბეიშვილს გამარჯვება ულოცავს და აღნიშნავს, რომ არჩევნების შედეგები არ აძლევს იმედის საფუძველს, რომ დაიწყება ისეთი პროცესი, რაც დღეს ქვეყანას სჭირდება.
„ვულოცავ ლევანს გამარჯვებას! დიდი მადლობა ყველას, ვინც მონაწილეობა მიიღო არჩევნებში და დიდი მადლობა მათ, ვინც მე დამიჭირა მხარი.
აუცილებლად უნდა აღვნიშნო, რომ არჩევნების შედეგები არ მაძლევს იმედის საფუძველს, რომ დაიწყება ისეთი პროცესი, რაც დღეს ჩვენს ქვეყანას სჭირდება. სამწუხაროდ, ეს ჯერ კიდევ წინასაარჩევნო გარემომ აჩვენა…
ლევანს ბევრ წარმატებას ვუსურვებ, პრობლემა ახლა ის არ არის. პრობლემა ისაა, რომ დიდ სურათში – ფულმა და არაფორმალურმა გავლენებმა გაიმარჯვა პოლიტიკაზე.
მინდა, მჯეროდეს, რომ ის შედეგი არ დადგება, რაც, როგორც წესი, ასეთ შემთხვევებში დგება ხოლმე“,- წერს ნონა მამულაშვილი.
