თბილისის მსგავსად, ყველა მუნიციპალიტეტში, ტაქსით მომსახურება სპეციალური ნებართვით იქნება შესაძლებელი. ნებართვის გაცემა მინიმუმ 1 წლის ვადით მოხდება და მას ადგილობრივი მერია გასცემს.
ნებართვის მოქმედების ვადას კი მუნიციპალიტეტის წარმომადგენლობითი ორგანო განსაზღვრავს.
ნებართვის გარეშე მგზავრის გადაყვანა ჯარიმდება. კერძოდ, ადმინისტრაციულ საზღვრებში მსუბუქი ავტომობილით − ტაქსით (M1 კატეგორია) გადაყვანის სანებართვო პირობების დარღვევით განხორციელება გამოიწვევს დაჯარიმებას 100 ლარის ოდენობით, ხოლო მუნიციპალიტეტის ადმინისტრაციულ საზღვრებში მსუბუქი ავტომობილით − ტაქსით (M1 კატეგორია) გადაყვანის შესაბამისი ნებართვის გარეშე განხორციელება გამოიწვევს დაჯარიმებას 200 ლარის ოდენობით.
მუნიციპალიტეტებს 2025 წლის 1-ელ ივნისამდე ეძლევათ ვადა, უზრუნველყონ მსუბუქი ავტომობილით − ტაქსით (M1 კატეგორია) გადაყვანის ნებართვის მფლობელთა შესახებ მონაცემების ერთიან საინფორმაციო ბაზაში ასახვა.