დღე: აგვისტო 2, 2024

კასპის რაიონის სოფელ ეზატში  70 წლის ჟუჟუნა ოთიაშვილი რამდენიმე დღის წინ სასტიკად სცემეს. შემთხვევა მეზობლის სახლში მოხდა, სადაც ქალი მოხუცის მომვლელად მუშაობდა. როგორც ჟუჟუნა ოთიაშვილი ყვება,  სახლის მეპატრონე ჯერ ხელ-ფეხით, შემდეგ კი ბლაგვი საგნით გაუსწორდა. დამსაქმებელი საკუთარ მეზობელს ოთხი წლის განმავლობაში გადახდილი ხელფასის უკან დაბრუნებას სთხოვდა, მიზეზად კი არასათანადოდ მუშაობას ასახელებდა. „გამეტებით მირტყამდა თავის არეში-ყველგან. წამაქცია და ფეხით გამისწორდა. თავის ტკივილები მაქვს. მაშინებდა სახლის გადაწვით, მაშანტაჟებდა“- ამბობს დაზარალებული. მომხდარის შესახებ პოლიციას, სავარაუდოდ, ადგილობრივებმა აცნობეს. ძალადობის, გამოძალვისა და იძულების ბრალდებით სამართალდამცველებმა დამსაქმებელი, 63 წლის ნაირა ჩიტაშვილი დააკავეს.  

ერთიანი ეროვნული გამოცდების შედეგების გამოქვეყნება 3 აგვისტოდან ქართული ენისა და ლიტერატურის გამოცდით დაიწყება. ამის შესახებ ინფორმაციას, გამოცდების ეროვნული ცენტრი ავრცელებს.   „საკუთარი შედეგის გასაგებად აბიტურიენტი უნდა შევიდეს ვებგვერდზე https://online.naec.ge/defonline/, შესაბამის ველში კი შეიყვანოს პირადი თერთმეტნიშნა ნომერი და ხუთნიშნა პაროლი. შეფასებისა და გამოცდების ეროვნული ცენტრი ეტაპობრივად, ნაშრომების გასწორების დასრულებისთანავე გამოაქვეყნებს აბიტურიენტთა პირველად შედეგებს სხვა საგამოცდო საგნებშიც. გისურვებთ წარმატებას!“ – აღნიშნულია ინფორმაციაში.  

ახალგაზრდა მამაკაცი, რომელსაც თბილისში ეძებდნენ, გარდაცვლილი იპოვეს. სხვა დეტალები უცნობია. გავრცელებული ინფორმაციით, ლევან სვანიშვილი სახლიდან 1-ელ აგვისტოს გავიდა და უკან არ დაბრუნებულა.  

ლარი დოლართან 0.58 თეთრით გამყარდა, ხოლო ევროსთან 0.21 თეთრით გაუფასურდა. დღეს, 2 აგვისტოს ვაჭრობის შედეგად, ერთი დოლარის ოფიციალური გაცვლითი კურსი 2.7075 ლარია, ერთი ევროსი კი  2.9292 ლარი. კომერციულ ბანკებში 1 დოლარი 2.76 ლარი ღირს, 1 ევრო 3.02 ლარი. რაც შეეხება სავალუტო ჯიხურებს, 1 დოლარის ფასი 2.72 ლარია, ევროსი კი 2.97 ლარი.

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და ოჯახის წევრისა და ორი პირის მიმართ დამამძიმებელ გარემოებებში ჩადენილი განზრახ მკვლელობის მცდელობის და ოჯახის წევრის მიმართ იძულების ფაქტებზე ბრალდებული დამნაშავედ ცნო. სასამართლო პროცესზე გამოკვლეული მტკიცებულებებით დადასტურდა, რომ 2023 წლის 17 ნოემბერს, ქ.თბილისში, ზღვის უბნის დასახლებაში უცხო ქვეყნის მოქალაქემ ქ.ქ.ვ.-მ მეუღლეს ლ.წ.-ს ძალის გამოყენებით აიძულა ჩამჯდარიყო მის ავტომობილში, რასაც ორი პირი – გ.მ. და ს.ბ. შეესწრნენ და დაზარალებულს დაეხმარნენ. აღნიშნულით განაწყენებულმა ბრალდებულმა მეუღლის და ზემოხსენებული ორი პირის მკვლელობა გადაწყვიტა, რის შემდეგაც იგი სწრაფი სიჩქარით მოძრავი ავტომანქანით მათი მიმართულებით გაემართა, რა დროსაც მეუღლემ…

ბოლნისის რაიონულმა სასამართლომ გაიზიარა ბრალდების მხარის მიერ წარდგენილი მტკიცებულებები და ცხოველის მიმართ სასტიკი მოპყრობის ფაქტზე ბრალდებული ა.გ. დამნაშავედ ცნო. ,,სასამართლოში წარდგენილი მტკიცებულებებით დადასტურდა, რომ 2023 წლის 6 დეკემბერს, ბრალდებულმა მარნეულის მუნიციპალიტეტის სოფელ კაჩაგანში, ჯოხით სასტიკად სცემა ძაღლს. სამართალდამცველებმა ბრალდებული აღნიშნული ფაქტის ამსახველი ვიდეო მასალის სოციალურ ქსელში გავრცელების შემდეგ 2024 წლის 9 იანვარს დააკავეს. მას ბრალდება საქართველოს სისხლის სამართლის კოდექსის 259-ე მუხლის მესამე ნაწილით (ცხოველის მიმართ სასტიკი მოპყრობა, რამაც მისი დაღუპვა გამოიწვია) წარედგინა და აღკვეთის ღონისძიების სახით პატიმრობა შეეფარდა. საქართველოს პროკურატურა ცხოველის მიმართ სასტიკი მოპყრობის დანაშაულებზე მკაცრ სისხლის სამართლის პოლიტიკას ატარებს.…

,,ე.წ. ლამინირებულ (ქაღალდის) პირადობის მოწმობებს იურიდიული ძალა დაეკარგა. იმისათვის, რომ მოქალაქეებმა, სერვისებით სარგებლობა უპრობლემოდ შეძლონ, არ შეექმნათ დაბრკოლება პენსიის, თუ სხვა სოციალური გასაცემელის მიღებისას, აუცილებელია, მიმართონ იუსტიციის სახლის ფილიალებს, მობილურ იუსტიციის სახლებს და სახელმწიფო სერვისების განვითარების სააგენტოს ტერიტორიულ სამსახურებს, სადაც უფასოდ შეძლებენ პირადობის მოწმობის შეცვლას”, – აღნიშნულია ჯანდაცვის სამინისტროს მიერ გავრცელებულ ინფორმაციაში. უწყების ცნობით, 2024 წლის 1 ივლისიდან, კანონის ძალით, საქართველოში, იურიდიული 2011 წლის 28 ივლისამდე გაცემულ პირადობის მოწმობებს ძალა დაეკარგა. „იმ მოქალაქეების ინტერესების დაცვის მიზნით, ვისაც ჯერ კიდევ არ შეუცვლია ე.წ. ლამინირებული პირადობის მოწმობა, სახელმწიფომ, მიიღო გადაწყვეტილება, კიდევ ერთი…

,,დღეს ჩვენ ასევე აღვნიშნავთ სრულიად საქართველოს კათოლიკოს-პატრიარქ ილია II-ის ანგელოზის დღეს. ჩვენ შეგვიძლია დღეს სიამაყით ვთქვათ, რომ თანამედროვე ეპოქაში მისი უწმინდესობა და უნეტარესობა გახდა ჩვენთვის მაგალითი. მოშურნეობისა, სიყვარულისა, ერთგულებისა, სიმტკიცისა და სიმამაცისა”, – ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) ილია წინასწარმეტყველის ხსენების დღეს ქადაგებაზე განაცხადა. „სახელითა მამისათა და ძისათა და სულისა წმინდისათა. ყოვლადსამღვდელონო მეუფენო, ძვირფასო მამებო, ძმებო და დებო, გილოცავთ დღევანდელ დღესასწაულს – ილიაობას. დღეს არის დიდი წინასწარმეტყველის, ილია თეზბიტელის ხსენება, რომელიც მოღვაწეობდა ქრისტესშობამდე მე-10 საუკუნეში ისრაელის სამეფოსა და იუდეაში. დღეს არის აგრეთვე წმინდა ილია…

,,ილია სულამანიძეს აქვს ყველაფერი იმისთვის, რომ თავისი კარიერა მომავალში წარმატებით წარმართოს”, – განაცხადა ვიცე-პრემიერმა, კულტურისა და სპორტის მინისტრმა თეა წულუკიანმა და პარიზის ოლიმპიადაზე ილია სულამანიძის ასპარეზობის შესახებ კომენტარი გააკეთა. „დარბაზში უკიდურესად მაღალი ხარისხის დაძაბულობა იყო. ერთი ხელის გაწვდენაზე იყო ოქროს მედალი, მაგრამ ჩვენ ვერცხლის ოლიმპიური მედალი მივიღეთ და ვფიქრობ, რომ ეს დიდი გამარჯვებაა და გაკვეთილიც“, – აღნიშნა წულუკიანმა. ძიუდოისტმა, ილია სულამანიძემ პარიზის ოლიმპიურ თამაშებზე ვერცხლის მედალი მოიპოვა.

თბილისში ახალგაზრდა კაცს ეძებენ. ოჯახის ინფორმაციით, ლევან სვანიშვილი სახლიდან 1 აგვისტოს გავიდა და უკან არ დაბრუნებულა. მას თან არ აქვს ტელეფონი. ინფორმაციის არსებობის შემთხვევაში შეგიძლიათ დარეკოთ ძმასთან: 558440089

საქართველოს პროკურატურამ მძიმე დანაშაულის შეუტყობინებლობის ფაქტზე ერთ პირს ბრალდება წარუდგინა. ,,სპეციალური საგამოძიებო სამსახურის მიერ ჩატარებული გამოძიებით დადგინდა, რომ 29 ივლისს, გორის მუნიციპალიტეტის სოფელ ატენში, შინაგან საქმეთა სამინისტროს განსაკუთრებულ დავალებათა დეპარტამენტის ინსპექტორმა დაზარალებულს ჯანმრთელობის მძიმე დაზიანება მიაყენა. გამოძიების ამ ეტაპზე დადგენილია, რომ მძიმე დანაშაულის ჩადენის ფაქტს შეესწრო ი.ბ., თუმცა მან აღნიშნულის შესახებ შესაბამის ორგანოებს არ შეატყობინა. ვინაიდან ბრალდებული თავს არიდებს საგამოძიებო ორგანოში გამოცხადებას, მას ბრალდება საქართველოს სისხლის სამართლის კოდექსის 376-ე მუხლის 1-ლი ნაწილით (მძიმე დანაშაულის შეუტყობინებლობა) დაუსწრებლად წარედგინა”, – ნათქვამია ინფორმაციაში. აღნიშნულ სისხლის სამართლის საქმეზე, ჯანმრთელობის განზრახ მძიმე დაზიანების ფაქტზე ბრალდებულია…

გორის რაიონულ სასამართლოში ანტისაოკუპაციო ,,რესტო ბარის” მფლობელის, იოსებ ბაბაევის პროცესი გაიმართა. მას გამოძიება იარაღის უკანონო შეძენა-შენახვას ედავება, თავად ბიზნესმენი კი ამტკიცებს, რომ მას იარაღი ჩაუდეს. პოლიციელები ამტკიცებენ, რომ ჰქონდათ ინფორმაცია, თითქოს იოსებ ბაბაევი ქალაქში გადაადგილდებოდა ავტომობილით, რომელშიც იარაღიც ჰქონდა და ,,ქუჩურ გარჩევას” აპირებდა. ბრალდების მხარე ამბობს, რომ ამოიღეს ავტომატი და ,,მაკაროვის” ტიპის იარაღი. დაცვის მხარის მტკიცებით, აღნიშნული გამოგონილი ისტორიაა, რაც დასტურდება ექსპერტიზის პასუხების ნაწილიც. იარაღზე ბაბაევის ანაბეჭდები არ აღმოჩნდა. მოსამართლე დავით მაკარაძემ ნაწილობრივ დააკმაყოფილა როგორც დაცვის ასევე ბრალდების მხარის შუამდგომლობები. დაცვის მხარე საქმის საერთოდ შეწყვეტას ითხოვდა, თუმცა მოსამართლის გადაწყვეტილებით, განხილვა…

მარნეულში 4 წლის ბავშვს თავში კისტის თოფის ტყვია მოხვდა. არასრულწლოვანი ამ ეტაპზე ინგოროყვას კლინიკაში, მძიმე მდგომარეობაში, მართვით სუნთქვაზე იმყოფება. ინფორმაცია თავდაპირველად ,,რადიო მარნეულმა” გაავრცელა. მათი ცნობით, მარნეულის ,,ჯეო ჰოსპიტალსის” კლინიკაში, 1 აგვისტოს შეიყვანეს ბავშვი, რომელიც კომატოზურ მდგომარეობაში იყო და კეფის არეში დაზიანებები აღენიშნებოდა. მარნეულის ,,ჯეო ჰოსპიტალსის” პედიატრიის განყოფილების უფროსმა და გადაუდებელი პედიატრიის ექიმმა ელმან სადიკოვმა განაცხადა, რომ ბავშვის მშობლები და ნათესავები აცხადებდნენ, რომ არასრულწლოვანი ბიჭი თამაშისას დაეცა და თავის დაზიანება მიიღო, კვლევების შემდეგ კი დადასტურდა, რომ არასრულწლოვანს თავში ტყვია ჰქონდა მოხვედრილი.

გარემოს ეროვნული სააგენტოს ინფორმაციით, 2-5 აგვისტოს საქართველოს ზოგიერთ რაიონში მოსალოდნელია ხანმოკლე წვიმა ელჭექით. დედაქლაქში –  თბილისში 2 გვისტოს მოსალოდნელია ხანმოკლე წვიმა ელჭექით. ჰაერის ტემპერატურა დღისით +26, +28 გრადუსი იქნება, 3-5 აგვისტოს კი უმეტესად უნალექოდ ამინდი იქნება, ჰაერის ტემპერატურა +34 გრადუსამდე მოიმატებს. სანაპირო რაიონებში (ბათუმი, ქობულეთი, ანაკლია, ფოთი): 2-5 აგვისტოს უმეტესად უნალექო ამინდია მოსალოდნელი, ჰაერის ტემპერატურა დღისით +31, +33 გრადუსი დაფიქსირდება. დასავლეთ საქართველოს დაბლობ რაიონებში (ქუთაისი, ზესტაფონი, ზუგდიდი, მარტვილი, ოზურგეთი): 2-5 აგვისტოს დღის საათებში შესაძლებელია ხანმოკლე წვიმა ელჭექით. ჰაერის ტემპერატურა +30, +33 გრადუსი დაფიქსირდება. დასავლეთ საქართველოს მთიან რეგიონებში (ამბროლაური, ონი, ცაგერი.…

საქართველოს პრეზიდენტმა დღეს 22 მსჯავრდებული შეიწყალა. პრეზიდენტის ადმინისტრაციის მიერ გავრცელებულ ინფორმაციაში აღნიშნულია, რომ 14 მსჯავრდებული სრულად გათავისუფლდა პენიტენციურ დაწესებულებაში თავისუფლების აღკვეთის სახით დანიშნული სასჯელის შემდგომი მოხდისაგან, მათ შორის 1 ქალი მსჯავრდებულია. 7 მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა. შეწყალების აქტი შეეხო ასევე, 1 პირობით მსჯავრდებულს, რომელიც სრულად გათავისუფლდა პირობითად ჩათვლილი თავისუფლების აღკვეთის შემდგომი მოხდისაგან.

ქართველმა ძიუდოისტმა ლაშა ბექაურმა (-90 კგ) პარიზის 2024 წლის ოლიმპიადაზე ოქროს მედალი მოიპოვა. ის პირველი ქართველი ძიუდოისტია, რომელიც ორგზის ოლიმპიური ჩემპიონი გახდა. ძიუდოისტის გამარჯვებას, მომღერალ ლევან კბილაშვილის დედა მელიტა ფურცელაძე სოციალური ქსელით გამოეხმაურა: „გილოცავ, ჩემო ლაშა, თუ როდისმე სიხარულის ცრემლი წამომივიდოდა ვეღარ წარმომედგინა, მაგრამ ახლა ვტირი სიხარულით, შენ ჩემი შვილის გულშემატკივარი იყავი, დღეს მე ორმაგად გგულშემატკივრობ ჩემი და ლევანიკოს სახელით. “რა მაგარი კაციაო“ – ამბობდა, ხოდა გაგიმარჯოს „მაგარო კაცო“ ქედს ვიხრი შენს წინაშე… მადლობა ამ სიხარულის ცრემლებისთვის შვილო,“, – წერს მელიტა ფურცელაძე.

ბელგიაში ქართველი ემიგრანტი გარდაიცვალა. სამწუხარო ინფორმაცია ემიგრანტების ერთ-ერთ „ფეისბუკ“ ჩატში გავრცელდა. „ძალიან სამწუხარო ამბავი, მეგობრებო… ბელგიის ქართულ დიასპორას გამოაკლდა ღირსეული ადამიანი, ჩვენი დავით გოგიბერიძე,“ – ნათქვამია ინფორმაციაში. „ეჰ!… დათო იყო სცენისთვის დაბადებული, საოცრად არტისტული, მუსიკალური და გემოვნებიანი … იშვიათი ადამიანი“; „რა სამწუხაროა, დავითი საოცარი ადამიანი… უფალმა დაუმკვიდროს მარადიული სასუფეველი…“ – წერენ გარდაცვლილის ახლობლები.