დღე: ივნისი 9, 2024

ისლანდიის საგარეო საქმეთა სამინისტრო ოკუპირებულ ცხინვალის რეგიონში ე.წ. საპარლამენტო არჩევნებს ეხმაურება. უწყებაში აცხადებენ, რომ რუსეთმა პატივი უნდა სცეს საქართველოს სუვერენიტეტსა და ტერიტორიულ მთლიანობას. „ისლანდია ცალსახად გმობს ყალბ „საპარლამენტო არჩევნებს“ საქართველოს ოკუპირებულ სამხრეთ ოსეთში. რუსეთმა უნდა შეასრულოს 2008 წლის ცეცხლის შეწყვეტის შეთანხმებით ნაკისრი ვალდებულებები, გაიყვანოს თავისი საოკუპაციო ძალები საქართველოდან და პატივი სცეს მის სუვერენიტეტსა და ტერიტორიულ მთლიანობას“-  აღნიშნულია განცხადებაში. „არ ვცნობთ ცხინვალის რეგიონში ჩატარებულ ე.წ საპარლამენტო არჩევნებს“-აზერბაიჯანი

“არ ვცნობთ საქართველოში, ცხინვალის რეგიონში გამართულ ე.წ. საპარლამენტო არჩევნებს და მათ შედეგებს” – ამის შესახებ აღნიშნულია განცხადებაში, რომელსაც აზერბაიჯანის საგარეო საქმეთა სამინისტრო სოციალურ ქსელში ავრცელებს. „აზერბაიჯანის საგარეო საქმეთა სამინისტრო კიდევ ერთხელ ადასტურებს საქართველოს სუვერენიტეტისა და ტერიტორიული მთლიანობის მხარდაჭერას და არ ცნობს 2024 წლის 9 ივნისს საქართველოში, ცხინვალის რეგიონში გამართულ ე.წ. საპარლამენტო არჩევნებს და მათ შედეგებს“- აღნიშნულია განცხადებაში.  

ლიეტუვის საგარეო საქმეთა მინისტრი გაბრიელიუს ლანდსბერგისი ოკუპირებულ ცხინვალის რეგიონში ე.წ. საპარლამენტო არჩევნებს გმობს. ინფორმაციას ლიეტუვის საგარეო უწყება ავრცელებს. „ჩვენ ვგმობთ საქართველოს ოკუპირებულ ცხინვალის რეგიონში ე.წ. საპარლამენტო არჩევნების ჩატარებას, მოვუწოდებთ რუსეთს, შეასრულოს 2008 წლის 12 აგვისტოს ცეცხლის შეწყვეტის შეთანხმებით ნაკისრი ვალდებულებები და გაიყვანოს საკუთარი საოკუპაციო ძალები საქართველოს ტერიტორიიდან“-  ნათქვამია განცხადებაში.

 „კვირაობით დამყავს ხოლმე ჩემი ქალიშვილი ცეკვაზე. დღეს, როდესაც ფოიეში წუთი-წუთზე ველოდებოდი ჩემს შვილს, ნაც-აქტივისტი ქალი, მობილურმომარჯვებული დამიპირისპირდა. ალბათ ნახავდით ამ ლიბერალური ფაშიზმის მორიგ გამოხტომას“- ასე გამოეხმაურა „ქართული ოცნების“ დეპუტატი ირაკლი ზარქუა, მასა და მოქალაქეს შორის დაპირისპირებას.  ზარქუა ამბობს, რომ აღნიშნული მოქალაქე, რომელმაც მას “მონა და მოღალატე” უწოდა,  “ნაც-აქტივისტი” აღმოჩნდა. „რამდენჯერმე გავაფრთხილე, რომ ბავშვს ველოდები ფოიეში (ეგ ნაწილი ალბათ ამოჭრა) და ნუ მოიქცეოდა ასე, თუმცა სანამ იქ მყოფმა სხვა მშობლებმაც არ მიუთითეს ამ თავხედობაზე და არ გააგდეს, მანამდე არ დამშვიდდა. კადრების ის ნაწილი გამოდო, რაც ამ ყველაფერს არ ასახავს. ეს ქალბატონი…

„საქართველოს საგარეო საქმეთა სამინისტრო გმობს რუსეთის მიერ ოკუპირებულ ცხინვალის რეგიონში 2024 წლის 9 ივნისს ჩატარებულ ე.წ. საპარლამენტო არჩევნებს, რომელიც უხეშად არღვევს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში“- აცხადებენ საგარეო საქმეთა სამინისტროში. უწყებაში ამობენ, რომ ოკუპირებულ ტერიტორიებზე, ნებისმიერი ე.წ არჩევნები არის უკანონო. „იმ პირობებში, როცა საქართველოს ოკუპირებული ტერიტორიებიდან იძულებით გადაადგილებულ პირებსა და ლტოლვილებს არ ეძლევათ საკუთარ სახლებში დაბრუნების შესაძლებლობა, ხოლო ადგილზე დარჩენილი მოსახლეობას უწევს ძირითადი უფლებებისა და თავისუფლებების შელახვის პირობებში ცხოვრება, ოკუპირებულ ტერიტორიებზე ჩატარებული ნებისმიერი ე.წ. არჩევნები არის უკანონო და ვერ წარმოშობს ვერანაირ სამართლებრივ შედეგს, ეწინააღმდეგება რა საერთაშორისო…

“შეერთებული შტატები და საფრანგეთი ადასტურებენ თავიანთ ერთგულებას იდგნენ საქართველოს ხალხის გვერდით მათ ევროატლანტიკურ მისწრაფებებში”- ამის შესახებ აშშ-სა და საფრანგეთის პრეზიდენტებს, ჯო ბაიდენსა და ემანუელ მაკრონს შორის გამართულ შეხვედრასთან დაკავშირებით თეთრი სახლის მიერ გავრცელებულ განცხადებაშია აღნიშნული. პრეზიდენტები „ქართულ ოცნებას“ მოუწოდებენ, პატივი სცენ საზოგადოების სურვილებს. „პრეზიდენტები მოუწოდებენ მმართველ პარტია „ქართულ ოცნებას“, პატივი სცეს საზოგადოების სურვილებს ევროატლანტიკურ გზაზე დაბრუნებით. შეერთებული შტატები და საფრანგეთი მხარს უჭერენ სამხრეთ კავკასიაში სამართლიანი და ხანგრძლივი მშვიდობის დამყარებას, რომელიც დაფუძნებულია საერთაშორისო სამართლის პატივისცემაზე, ასევე სუვერენიტეტის, საზღვრების ხელშეუხებლობისა და ტერიტორიული მთლიანობის პრინციპებზე. ისინი მხარს უჭერენ შემდგომ რეგიონულ ინტეგრაციას სამხრეთ კავკასიაში, რეგიონის…

მმართველი პარტიის სხვა წევრების მსგავსად, ამჯერად მოქალაქემ უხერხული სიტუაცია უმრავლესობის დეპუტატს, ირაკლი ზარქუას შეუქმნა. ზარქუას „მონა და მოღალატე“ მაშინ ეძახეს, როდესაც ის ანსამბლ „სუხიშვილების“ აკადემიაში იმყოფებოდა. „ერთ ამბავს არ ავტეხავ, მაგრამ გეტყვით „მონა და მოღალატე“ ხართ. ამ ბავშვებს უკარგავთ მომავალს. აქ სირცხვილია თქვენი ყოფნა, ეს ხალხი სამშობლოსთვის იბრძოდა. რას დაამსგავსეთ ქვეყანა?. თქვენ მალე მიბრძანდებით სადაც საჭიროა“- მიმართა ზარქუას მოქალაქემ.  

პარლამენტის ბიუროს, ხვალ, 10 ივნისის სხდომაზე, ე.წ. ლგბტ პროპაგანდის წინააღმდეგ მომზადებული საკანონმდებლო პაკეტი წარედგინება. საკანონმდებლო პაკეტი 19-კანონპროექტისგან შედგება. უმრავლესობის წევრების  განმარტებით, კანონპროექტის ინიცირების მიზანი ქალისა და მამაკაცის კავშირზე დაფუძნებული ოჯახური ღირებულებებისა და არასრულწლოვანის დაცვის მექანიზმების გაძლიერებაა. საკანონმდებლო პაკეტის ავტორი და ინიციატორები არიან, პარლამენტის თავმჯდომარე შალვა პაპუაშვილი და უმრავლესობის წევრები: – მამუკა მდინარაძე, ანრი ოხანაშვილი, რატი იონათამიშვილი,მაკა ბოჭორიშვილი, დავით მათიკაშვილი,თენგიზ შარმანაშვილი, ირაკლი შატაკიშვილი და სოზარ სუბარი.    

„ქართული ოცნების“ თავმჯდომარის ირაკლი ღარიბაშვილის მეუღლე მედიაში შვილთან დაკავშირებით გავრცელებულ ინფორმაციას ეხმაურება. მისი განმარტებით, ნიკოლოზ ღარიბაშვილი, რომელიც ამერიკაში სწავლობს, თბილისში 3 კვირის წინ, ზაფხულის არდადეგებზე ჩამოვიდა. ნუნუკა თამაზაშვილი ამბობს, რომ ნიკოლოზ ღარიბაშვილის საქართველოში ჩამოსვლა  „ქართული ოცნების” წარმომადგენლების დასანქცირებას არ უკავშირდება. „ვუყურე მორიგ „ექსკლუზიურ სკანდალს” ნიკოს საზაფხულო არდადეგებზე თბილისში ჩამოსვლასთან დაკავშირებით. თქვენი ინფორმაციისთვის მოკლედ დავწერ: ნიკომ წარჩინებით დაამთავრა პირველი წელი და დაახლოებით, 3 კვირის წინ დაბრუნდა თბილისში ვინაიდან დაეწყო ზაფხულის არდადეგები, სულ ეს არის! ყველას ვუსურვებ შვილების ჯანმრთელობას, ბედნიერებას და წარმატებებს!“ – წერს ნუნუკა თამაზაშვილი სოციალურ ქსელში.

რუსეთი და დე-ფაქტო აფხაზეთი სასაზღვრო კონტროლის გამარტივების საკითხებზე მუშაობენ. ამის შესახებ “რია ნოვოსტს” აფხაზეთის თვითგამოცხადებული რესპუბლიკის პრეზიდენტმა, ასლან ბჟანიამ განუცხადა. ბჟანია პეტერბურგის საერთაშორისო ეკონომიკურ ფორუმში მონაწილეობს. “ასეთი სამუშაოები მიმდინარეობს, მაგრამ რუსეთის მხრიდან მდინარე ფსოუზე გამშვები პუნქტი ზაფხულში -ივლისი, აგვისტო, სექტემბერი – თავისი შესაძლებლობების ზღვარზე მუშაობს” – განაცხადა ბჟანიამ.