დღე: ივნისი 8, 2024

21 წლის ნიკო მანაგაძე, რომელსაც თსუ-ს კორპუსთან, რამდენიმე ადამიანი ფიზიკურად გაუსწორდა, ამბობს რომ მრავლობითი დაზიანებები ჰქონდა, სხეულის სხვადასხვა ადგილას. მათ შორის დაფიქსირდა ტვინის შერყევა. ნაცემი სტუდენტის თქმით, მომხდართან დაკავშირებით ფორმალური გამოძიებაა დაწყებული, რადგან ამ დრომდე არ მომხდარა თავდამსხმელების იდენტიფიცირება. „დაზიანებები მქონდა თავის არეში, ყური გამიკერეს საავადმყოფოში, იმიტომ რომ საკმაოდ მძიმედ იყო დაზიანებული. თავისა და  სხეულის სხვადასხვა არეში იყო დაჟეჟილობები. დაფიქსირდა ტვინის შერყევა. მთვარია შინაგანად მხნედ ვარ. ფორმალურად დაიწყო გამოძიება, როგორც ყოველთვის.  ნება, რომ იყოს სულ რამდენიმე წუთი სჭირდება თავდამსხმელების იდენტიფიცირებას“- თქვა მანაგაძემ. ნიკო მანაგაძეს, თავს გუშინ დაესხნენ. მანაგაძე სტუდენტური მოძრაობის…

9 ივნისს, ოკუპირებულ ცხინვალის რეგიონში ე.წ საპარლამენტო არჩევნები გაიმართება. დღეს ოკუპირებულ რეგინში ყველა სახის პოლიტიკური აგიტაცია-პროპაგანდა აკრძალულია. დე ფაქტო პრეზიდენტის ალან გაგლოევის ბრძანებით, დღეიდან ძალოვანი უწყებები განსაკუთრებულ რეჟიმზე არიან გადაყვანილი, უსაფრთხოებისა და საზოგადოებრივი წესრიგის უზრუნველსაყოფად. გარდა ამისა, გაგლოევამ შესაბამის სამსახურებს ე.წ საზღვარზე კონტროლის გაძლიერება მოსთხოვა. დე ფაქტო ცენტრალური საარჩევნო კომისიის გადაწყვეტილებით, ოკუპირებული რეგიონის 17 საარჩევნო ოლქში, 73 საარჩევნო უბანი გაიხსნა.

ევროპული ორგანიზაციები, ევროკავშირის ლიდერებს ერთობლივი განცხადებით მიმართავენ. მიმართვას, 21 ავტორიტეტული ორგანიზაცია აწერს ხელს. მათი მოთხოვნაა, „უცხოური გავლენის  გამჭვირვალობის შესახებ“ კანონის მიღების გამო საქართველოს ხელისუფლების წარმომადგენლების სანქცირება განიხილონ. წერილი 7 ივნისს  გამოქვეყნდა და მისი  ადრესატები არიან: ევროკომისიის პრეზიდენტი ურსულა ფონ დერ ლაიენი; ევროპული საბჭოს პრეზიდენტი შარლ მიშელი;ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში, ჟოზეფ ბორელი;ევროპარლამენტის პრეზიდენტი რობერტა მეცოლა; ევროკომისარი სამეზობლო პოლიტიკისა და გაფართოების საკითხებში, ოლივერ ვარჰეი; ევროკავშირის სპეციალურ წარმომადგენელი ადამიანის უფლებათა საკითხებში, ოლოფ სკუგი.  

ისრაელის თავდაცვის ძალების სპიკერი დანიელ ჰაგარი აცხადებს, რომ „ჰამასის“ ტყვეობიდან ოთხი მძევლის გათავისუფლების ოპერაცია ორ სხვადასხვა შენობაში ჩატარდა. მისი თქმით, ისრაელის ძალები ამ ოპერაციისთვის რამდენიმე კვირის განმავლობაში ემზადებოდნენ. როგორც ჰაგარი აღნიშნავს, ისრაელი არ გაჩერდება თავისუფლებისთვის ბრძოლაში და არ დაივიწყებს იმ 120 მძევალს, რომელიც „ჰამასის“ტყვეობაში ჯერ კიდევ რჩება. „ეს იყო მაღალი რისკის, რთული ოპერაცია, რომელიც ღაზაში ორ სხვადასხვა შენობაში ჩატარდა. ისრაელის ძალები ამ ოპერაციისთვის რამდენიმე კვირის განმავლობაში ემზადებოდნენ, ინტენსიური მომზადება გაიარეს, გარისკეს საკუთარი სიცოცხლე. აი, ამას აკეთებს ისრაელი. ვრისკავთ საკუთარ სიცოცხლეს, რომ გადავარჩინოთ მძევლები. გვიხარია ოთხი მძევლის დაბრუნება, მაგრამ არ ვივიწყებთ…

ექსპრეზიდენტი მიხეილ სააკაშვილი მოძრაობა “თავისუფლებისთვის” ლიდერ ნიკო მანაგაძეზე განხორციელებულ თავდასხმას ეხმაურება. სააკაშვილი სოციალურ ქსელში წერს, რომ ფაქტი აღმაშფოთებელია. “გუშინ თსუ-თან აღმაშფოთებელი ფაქტი მოხდა, გამორჩეულსა და საამაყო ახალგაზრდას, ნიკო მანაგაძეს თავს დაესხნენ, რომელიც მე ძალიან მიყვარს. მსგავს საამაყო ახალგაზრდებზე ხელის აღმართავ ძალას დიდი დრო არ დარჩენია!”- წერს მიხეილ სააკაშვილი. ნიკო მანაგაძეს, თსუ-ს მე-2 კორპუსთან, გუშინ თავს დაესხნენ.

საქართველოს პრემიერ-მინისტრი ირაკლი კობახიძე დანიის პრემიერ-მინისტრზე თავდასხმას გმობს. როგორც პრემიერი სოციალურ ქსელ X-ზე წერს, პოლიტიკაში ძალადობა მიუღებელია და ცივილიზებულ სამყაროში მისი ადგილი არ არის. “კატეგორიულად ვგმობ სამარცხვინო თავდასხმას დანიის პრემიერ-მინისტრ მეტე ფრედერიკსენზე. პოლიტიკაში ძალადობის გამოყენება მიუღებელია და ცივილიზებულ სამყაროში მისი ადგილი არ არის. პრემიერ-მინისტრ ფრედერიკსენს ჯანმრთელობას ვუსურვებ” – აღნიშნავს პრემიერი.  

არსებული ინფორმაციით, ზესტაფონში “ნაციონალური მოძრაობის” ოფისი გაქურდეს. ოფისიდან წაღებულია სხვადასხვა სახის ტექნიკა. ადგილზე სამართალდამცავები იმყოფებიან. მომხდართან დაკავშირებით სხვა დეტალები უცნობია.

რუსეთის საოკუპაციო ძალების წარმომადგენლებმა, ოკუპირებულ ქალაქ ცხინვალის მიმდებარედ საქართველოს მოქალაქე უკანონოდ დააკავეს. ინფორმაციას, სახელმწიფო უსაფრთხოების სამსახური ავრცელებს. „აღნიშნული ინციდენტის შესახებ ინფორმაციის მიღებისთანავე, სახელმწიფო უსაფრთხოების სამსახურის მიერ გააქტიურდა ევროკავშირის სადამკვირვებლო მისიის მიერ ოპერირებული „ცხელი ხაზი“. ინფორმაცია უკანონო დაკავების მორიგი ფაქტის შესახებ დაუყოვნებლივ ეცნობა ჟენევის საერთაშორისო დისკუსიების თანათავმჯდომარეებსა და საერთაშორისო პარტნიორებს“- ნათქვამია განცხადებაში. უწყების ცნობით, უკანონოდ დაკავებული მოქალაქის  გასათავისუფლებლად ყველა არსებული მექანიზმი ამოქმედებულია. “ამოქმედებულია ყველა არსებული მექანიზმი უკანონოდ დაკავებული საქართველოს მოქალაქის უმოკლეს ვადებში გასათავისუფლებლად. საქართველოს ოკუპირებულ ტერიტორიებზე, ისევე როგორც საოკუპაციო ხაზის გასწვრივ ჩადენილ ყველა დესტრუქციულ ქმედებაზე პასუხისმგებლობა ეკისრება რუსეთის საოკუპაციო ძალას“ –…

„იმათ, ვისაც ჰგონია, რომ სატელეფონო და სმს ზეწოლები შერჩებათ, წაიკითხონ კარგად ეს ინფორმაცია!“-წერს სოციალურ ქსელში „ქართული ოცნებს“ დეპუტატი ელისო ბოლქვაძე. მმართველი გუნდის წევრი ამბობს, რომ მორალური ზეწოლა და სატელეფონო მუქარა დასჯადია. „დემოკრატიულ ქვეყნებში დასჯადია მორალური ზეწოლა და სატელეფონო მუქარა! კანონი ითვალისწინებს ციხეს და ჯარიმას 15.000 ევროს ოდენობით! საქართველოს პარლამენტი, სულ მალე კვლევას ჩაატარებს ამ თემის ირგვლივ, რათა შემუშავდეს დამცავი მექანიზმები ველური, ვერბალური ქმედებების წინააღმდეგ, პოლიტიკურ ველზე საქართველოში“- წერს ბოლქვაძე. მან ცოტა ხნის წინ ასევე, გამოაქვეყნა “ფეისბუკ” პოსტი, იმის შესახებ, რომ მუქარის შემცველ და შეურაცხმყოფელ  შეტყობინებებს უგზავნიდნენ.    

„პოლიტიკური კორუფცია, პოლიტიკის ბიზნესად ქცევა, პოლიტიკურ პარტიაში, როგორც “შპს-ში”, მენეჯერების დანიშვნა და მერე გადანიშვნა – თუ რამეა რუსული ყაიდის ქართულ პოლიტიკაში, სწორედ ესაა“- წერს  პარტია „ახალის“ ერთ-ერთი ლიდერი ნიკა მელია სოციალურ ქსელში და ამ განცხადებით „ნაციონალური მოძრაობის“ თავმჯდომარის, ლევან ხაბეიშვილის თანამდებობის დატოვებას ეხმაურება. მელია ამბობს, რომ რუსული მეთოდებით, რუსული რეჟიმი არ დამარცხდება. „რუსულს რეჟიმს ვერ დაამარცხებ რუსული მეთოდებით. ოლიგარქს ვერ დაამარცხებ ფულით. არაფორმალურ მართვას ვერ დაამარცხებ არაფორმალური მართვის სტილით“ – წერს ნიკა მელია. მელია აღნიშნავს, რომ ლევან ხაბეიშვილი იყო იმედისმომცემი და პერსპექტიული პოლიტიკოსი. „ლევან ხაბეიშვილი იყო იმედისმომცემი პერსპექტიული პოლიტიკოსი, ჰქონდა…

„ოპოზიციაში უბედურების ზარმა ჩამოკრა. ჩემი „ხაბე“ აღარ არის თავმჯდომარე – „ხაბე“ დამიჩაგრეს. კი ვაფრთხილებდი გამოგიყენებენ, „გიხმარენ“ და გადაგაგდებენ-მეთქი, მაგრამ არ დაიჯერა“- ასე გამოეხმაურა „ქართული ოცნების“ დეპუტატი ირაკლი ზარქუა „ერთიანი ნაციონალური მოძრაობის“ თავმჯდომარის ლევან ხაბეიშვილის გადადგომას. ზარქუა ამბობს, რომ ხაბეიშვილს ყველაფერი ცუდი გააკეთებინეს და „მოისროლეს“. „ყველაფერი ცუდი გააკეთებინეს და მოისროლეს, არჩევნებამდე რამდენიმე თვით ადრე. მაგრამ, „ხაბე“ მაინც პლუსშია, ბოტასები რჩება, პალტოც, ახალი იყო სხვათა შორის. „ხაბე“ მაინც მოგებული რჩება, პარტიამ წააგო, „ნაციონალური მოძრაობა“ ხაბესნაირ მიმწოლს მჭევრმეტყველს ვეღარ ნახავ. რა ვიცი, ბუნების ძალები დაიმორჩილა… ასეთი ლიდერი იყო „ხაბე“ და სამწუხაროდ არ დაუფასდა. „ხაბე“…

პრეზიდენტ სალომე ზურაბიშვილის ძმა, ოთარ ზურაბიშვილი თსუ-ს მე-2 კორპუსთან იმყოფება.იგი აქციის მონაწილე სტუდენტებს დილიდან შეუერთდა. როგორც პრეზიდენტის ძმა ამბობს, სტუდენტების მიმართ ფიზიკური ანგარიშსწორება მიღებული არ არის. „მეც ვნახე გუშინდელი კადრები. ამაზრზენი არის ასეთი კადრების ნახვა. მიუღებელი არის ფიზიკური ანგარიშსწორება სტუდენტების მიმართ და ამისთვის მოვედი, რომ ამაზე ჩემი პროტესტი ვაჩვენო. იმედია, ყველას ექნება ასეთი პროტესტი.  ჩვენი სტუდენტები დასაცავია, ასეთ ცივილური ქვეყანაში, როგორიც ჩვენი ქვეყანაა, ასეთი აქციები, ფიზიკური და ძალადობის აქციები მიუღებელია” – ამბობს ოთარ ზურაბიშვილი. დღეს დილიდან თსუ-სთან აქციას მართავენ სტუდენტები. მათ კითხვები აქვთ, პრემიერ-მინისტრ ირაკლი კობახიძესთან, თუმცა კობახიძე აუდიტორიაში ისე…

“მივესალმები ლევან ხაბეიშვილის გადაწყვეტილებას, მიხედოს საკუთარ ჯანმრთელობას, რომელიც მას შეერყა პოლიტიკურად მოტივირებული ფიზიკური ანგარიშსწორების შედეგად”,-განაცხადა საქართველოს ყოფილმა პრეზიდენტმა, მიხეილ სააკაშვილმა. მისი თქმით, ის მხარს უჭერს პარტიის თავმჯდომარის პოზიციაზე თინა ბოკუჩავას კანდიდატურას. „მივესალმები ლევანის გადაწყვეტილებას, მიხედოს საკუთარ ჯანმრთელობას, რომელიც მას შეერყა პოლიტიკურად მოტივირებული ფიზიკური ანგარიშსწორების შედეგად და ენმ-ის თავმჯდომარის პოზიციიდან გადაინაცვლოს პარტიის პოლიტსაბჭოს თავმჯდომარის პოზიციაზე. უმნიშვნელოვანესია, რომ ლევანმა სწრაფად მოახერხოს რეაბილიტაციის გავლა და მისებურად აქტიურად ჩაერთოს გადამწყვეტ ბრძოლაში. მხარს ვუჭერ თინა ბოკუჩავას ახალ თავმჯდომარედ არჩევას და პარტიის განახლებისაკენ გადადგმულ ნაბიჯებს. ჩვენ ყველაფერი უნდა გავაკეთოთ მაქსიმალურად ყველა პოლიტიკური ძალის გასაერთიანებლად. ამოვიდეთ იქიდან,…

თსუ-ს მე-2 კორპუსთან, სადაც ამ წუთებში პრემიერ-მინისტრი ირაკლი კობახიძე ერთ-ერთ აუდიტორიაში ლექციას ატარებს, ხმაური იყო. სიტყვიერი შელაპარაკება იყო აქ შეკრებილ აქციის მონაწილეებსა და უცნობ ახალგაზრდებს შორის. ისინი ამბობდნენ, რომ კანონი „უცხოური გავლენის გამჭვირვალობის შესახებ“ არ არის რუსული, რასაც კამთი და ურთიერთ შელაპარაკება მოჰყვა. საბოლოოდ სიტუაცია პოლიციამ განმუხტა. აქციის მონაწილე სტუდენტები ამბობენ, რომ ირაკლი კობახიძესთან აქვთ კითხვები, თუ რატომ ხდება ძალადობა შუა ქალაქში. მათივე ინფორმაციით, პრემიერი ლექციის ჩასატარებლად აუდიტორიაში ისე შეიპარა, რომ მასთან გასაუბრება ვერ შეძლეს. „კობახიძემ უნივერსიტეტში შესასვლელად კრეატიული გზა იპოვა, მისი კუთვნილი მანქანა ვიღაცეებს ათხოვა და ასე შეიპარა. ეს…

პარტია „ნაციონალური მოძრაობის“ თავმჯდომარის თანამდებობაზე ლევან ხაბეიშვილს  თინა ბოკუჩავა შეცვლის. ამის შესახებ რამდენიმე წუთის წინ პარტიის ოფისში გამართულ ბრიფინგზე გახდა ცნობილი. როგორც პარტიის ყოფილმა თავმჯდომარემ, ლევან ხაბეიშვილმა განაცხადა, მან პოსტის დატოვების გადაწყვეტილება ჯანმრთელობის მდგომარეობის გამო მიიღო. რაც შეეხება ბოკუჩავას, ის ამბობს, რომ აღნიშნული გადაწყვეტილება დიდი პასუხისმგებლობაა. „მადლობა ამ ბრძოლისთვის და მადლობა ამ ნდობისთვის, რადგან ჩემთვის შენი გადაწყვეტილება და ეს გადაწყვეტილება, რომელიც ერთად მივიღეთ უდიდესი პასუხისმგებლობაა“ – ასე მიმართა ბოკუჩავამ პარტიის ყოფილ თავმჯდომარეს, ლევან ხაბეიშვილს.   ლევან ხაბეიშვილმა თანამდებობა დატოვა

„ნაციონალური მოძრაობის“ თავმჯდომარემ, ლევან ხაბეიშვილმა თანამდებობა დატოვა. ამის შესახებ მან პარტიის ოფისში დღეს გამართულ ბრიფინგზე განაცხადა. როგორც ხაბეიშვილმა აღნიშნა, პარტიის თავმჯდომარის პოსტის დატოვების გადაწყვეტილება ჯანმრთელობის მდგომარეობის გამო მიიღო. მისივე თქმით, პარტიის თავმჯდომარის პოსტს პარლამენტის ფრაქცია „ნაციონალური მოძრაობის“ თავმჯდომარე თინა ბოკუჩავა დაიკავებს.

საქართველოს პრეზიდენტი დანიის პრემიერ-მინისტრზე თავდასხმას გამოეხმაურა. სალომე ზურაბიშვილი ამბობს, რომ ყოველგვარ ძალადობას წინ უნდა აღვუდგეთ. „მოდით, ყოველგვარ ძალადობას წინ აღვუდგეთ “, – წერს საქართველოს პრეზიდენტი X-ზე. შეგახსენებთ, დანიის პრემიერ-მინისტრს, მეტე ფრედერიქსენს კოპენჰაგენის ცენტრში თავს დაესხნენ.  

დანიის პრემიერ-მინისტრს, მეტე ფრედერიქსენს, კოპენჰაგენში თავს დაესხნენ და სცემეს. ინფორმაციას ადგილობრივი მედია ქვეყნის გარემოს დაცვის მინისტრზე, მაგნუს ჰეინიკეზე დაყრდნობით ავრცელებს. „დანიის პრემიერმინისტრს, მეტე ფრედერიქსენს დღეს კოპენჰაგენში, კულტორვეტზე კაცი დაესხა თავს და სცემა. მეტე თავდასხმით შოკირებულია. ჩვენს ლამაზ, უსაფრთხო და თავისუფალ ქვეყანაში მსგავსი რამ არ უნდა ხდებოდეს. ყველას გვაქვს პასუხისმგებლობა, ვიზრუნოთ ერთმანეთსა და იმ ღირებულებებზე, რომლებზეც ჩვენი ქვეყანაა აგებული. პოლიციამ თავდასხმისთვის მამაკაცი დააკავა. გავუფრთხილდეთ ერთმანეთს, ვიზრუნოთ ერთმანეთზე. მიუხედავად პოლიტიკური უთანხმოებისა, საარჩევნო კამპანიისა და ა.შ. ეს მიუღებელია. ვაჩვენოთ, რომ დანია ბევრად უკეთესია”- წერს მაგნუს ჰეინიკე X-ზე.  

„ევროკავშირის გადაწყვეტილებები დამსახურებაზე დაფუძნებული რომ ყოფილიყო, საქართველოსთან უკვე გახსნილი იქნებოდა ევროკავშირში გაწევრიანების მოლაპარაკებები“- წერს საქართველოს პარლამენტის თავმჯდომარე  სოციალურ ქსელ X-ზე. პაპუაშვილის განცხადებით, თავისუფლების ინდექსის მიხედვით, საქართველო უსწრებს ევროკავშირის ყველა კანდიდატ ქვეყანას. “2024 წლის თავისუფლების ინდექსი კიდევ ერთხელ აღნიშნავს საქართველოს მიღწევებს მრავალი მიმართულებით. ინდექსის მიხედვით, საქართველო უსწრებს ევროკავშირის ყველა კანდიდატ ქვეყანას, ნატო-ს წევრ 6 ქვეყანას და ევროკავშირის 2 წევრ ქვეყანას. ეს ყოვლისმომცველი ინდექსი აფასებს 164 ქვეყანას სხვადასხვა კრიტერიუმებით, როგორებიცაა, სამოქალაქო თავისუფლებები, პოლიტიკური უფლებები, სასამართლოს დამოუკიდებლობა, სამართლიანი არჩევნები და უსაფრთხოება. ეს მონაცემები კიდევ ერთხელ ადასტურებს, რომ ევროკავშირის გადაწყვეტილებები დამსახურებაზე დაფუძნებული რომ ყოფილიყო, საქართველოსთან უკვე…