სამხრეთ აფრიკაში, აღმოსავლეთ კეიპის ქალაქ ლუსიკისიკში, მასობრივი სროლის შედეგად 17 ადამიანი დაიღუპა. ინფორმაციას BBC ავრცელებს. პოლიციის განცხადებით, თავდასხმა 2 სხვადასხვა სახლში მოხდა. პირველ სახლში 12 ქალი და ერთი მამაკაცი დაიღუპა, მეორეში კი 3 ქალი და ერთი მამაკაცი.
სროლის შედეგად კიდევ ერთი ადამიანი დაიჭრა, რომელიც კრიტიკულად მძიმე მდგომარეობაშია.
ქვეყნის შინაგან საქმეთა სამინისტრო, საქმესთან დაკავშირებით საგამოძიებო მოქმედებებს ატარებს. შემთხვევის ადგილზე, შინაგან საქმეთა მინისტრიც იმყოფებოდა.