სამგორში, წინუბნის დასახლებაში, 22 წლის ქეთი ჯავახიშვილის მკვლელობის ფაქტზე ახალი დეტალები ხდება ცნობილი. გოგონას ცხედარი საკუთარი სახლის წინ, დილით, ორმოში იპოვეს. ის ბასრი საგნითაა მოკლული, თუმცა, ოჯახის ახლობლის თქმით, დადგენილი არ არის, აღნიშნული საგანი დანაა თუ არა.
არსებული ინფორმაციით, დანაშაულის ჩამდენი პირი სამართალდამცავებს უკვე იდენტიფიცირებული ჰყავთ და მის დასაკავებლად სამძებრო სამუშაოები მიმდინარეობს.
,,სახლის წინ სახელოსნო აქვთ, პატარა ორმოსავითაა და იქ იპოვა სახელოსნოში მომუშავემ, მერე დაუძახა მამას და იმან ამოიცნო. დაკავებული არავინ ჰყავთ, ეძებენ, ჯერ არაფერი ვიცით. იპოვიან ალბათ, ვინ დაურეკა, ვინ მიწერა. ეს გოგონა აეროპორტთან ახლოს რაღაც დაწესებულებაში მუშაობდა“, – აცხადებს ახლობელი.