გუშინ, ვაკეში, „მზიურის“ პარკთან მამაკაცის დაჭრის ფაქტზე ერთი ადამიანი დააკავეს. ცეცხლსასროლი იარაღით დაჭრილი 40 წლამდე ბიზნესმენი, რომელიც ერთ-ერთი სამშენებლო კომპანიის მეწილეა კლინიკაში გადაიყვანეს. მის სიცოცხლეს საფრთხე არ ემუქრება.
გამოძიება სისხლის სამართლის კოდექსის 117 და 236 მუხლებით დაიწყო, რაც ჯანმრთელობის განზრახ მძიმე დაზიანებასა და იარაღის უკანონო ტარებას გულისხმობს.