თბილისის პარალელურად დიდი ბრიტანეთის დედაქალაქში საქართველოს მოქალაქეებმა საპროტესტო აქცია გამართეს. ლონდონში მცხოვრები ქართველები ,,ქართული ოცნების” ხელისუფლების მიერ რუსული კანონის ხელმეორედ ინიცირებას ეწინააღმდეგებიან და პარლამენტში შეტანილი კანონპროექტის უკან გაწვევას ითხოვენ.
ლონდონში საქართველოს საელჩოსთან შეკრებილებმა, განაცხადეს, რომ რუსული კანონი საფრთხეს უქმნის საქართველოს დემოკრატიულ განვითარებასა და ევროინტეგრაციის პროცესს.
