ჩრდილოეთ ღაზაში ბავშვები შიმშილით იღუპებიან, – ამის შესახებ ჯანდაცვის მსოფლიო ორგანიზაციის დირექტორმა, ტედროს ადჰანომ გებრეიესუსმა განაცხადა.
მისი თქმით, ორგანიზაციის წარმომადგენლები ოქტომბრის შემდეგ პირველად ეწვიენ ალ-ავდასა და ქამალ-ადვანის საავადმყოფოებს.
ღაზაში “ჰამასის” მიერ მართულმა ჯანდაცვის სამინისტრომ განაცხადა, რომ ქამალ-ადვანის საავადმყოფოში, სულ მცირე, 15 ბავშვი გარდაიცვალა არასრულფასოვანი კვებისა და გაუწყლოების შედეგად.
,,საკვების ნაკლებობის შედეგად 10 ბავშვი დაიღუპა”, – აღნიშნა ჯანდაცვის მსოფლიო ორგანიზაციის დირექტორმა.