17 წლის ბიჭის ბებია, რომელიც პოლიციელის მიერ სროლის შედეგად დაიჭუპა პარიზის გარეუბანში, დემონსტრანტებს მოუწოდებს შეწყვიტონ ძალადობა.
დაზარალებული ნაჰელ მერზუკის ბებიამ კვირას აქციის მონაწილეებს მიმართა და განუცხადა: ”მათ არ უნდა დააზიანონ სკოლები, არ დაამტვრიონ ავტობუსები, დედები იყვნენ, ვინც ავტობუსებს მიჰყავდათ”.
“დავიღალე”, – განაცხადა ბებიამ და აღნიშნა, რომ პროტესტის მონაწილეები ნაჰელის სიკვდილს, როგორც ნგრევის გამოწვევისთვის საბაბს იყენებდნენ, ხოლო ოჯახს სიმშვიდე სურს.
,,ვეუბნები აჯანყებულებს, რომ შეწყვიტონ. დავიღალე… ნაჰელი მოკვდა,ნაჰელის დედას ცხოვრება აღარ აქვს”, – განაცხადა დაღუპულის ბებიამ.
ცნობისთვის, საფრანგეთში არეულობა პოლიციის მხრიდან 17 წლის მოზარდის მკვლელობას მოჰყვა. მოზარდი 27 ივნისს პარიზის გარეუბანში მოკლეს. ახალგაზრდა პოლიციელებმა საგზაო წესების დარღვევისთვის გააჩერა. გავრცელებულ ვიდეომასალაში ჩანს, რომ ერთ-ერთ პოლიციელს მისთვის იარაღი აქვს დამიზნებული. გასროლის შედეგად მოზარდი ადგილზე დაიღუპა.
