რუსეთში, სამარას რეგიონში, სოფელ ბორსკოეში ცოფის გავრცელების გამო კარანტინი გამოცხადდა. რუსული მედიის ინფორმაციით, ცოფი, სავარაუდოდ, მელიისა და ძაღლისგან გავრცელდა.
დაავადების აფეთქების წერტილიდან 3 კილომეტრის რადიუსში, ცოფისთვის საშიშ ბუფერულ ზონებში ცხოველების ვაქცინაცია ჩატარდება.
კარანტინის პერიოდში იკრძალება ძაღლების ქუჩაში გაყვანა. ასევე, განხორციელდება ცოფიანი და დაავადებაზე საეჭვო ცხოველების სადგომებისა და საგნების დეზინფექცია.
