კიევში 16-სართულიან საცხოვრებელ კორპუსში აფეთქება მოხდა. აფეთქება და ხანძარი, სავარაუდოდ, გაზის გაჟონვამ გამოიწვია.
უკრაინული მედიის ინფორმაციით, მე-6, მე-7 და მე-8 სართულებზე მდებარე 5 ბინა განადგურდა.
კიევის მერის, ვიტალი კლიჩკოს ინფორმაციით, ნანგრევების ქვეშ მაშველებმა ერთი ადამიანის ცხედარი იპოვეს. მისივე ცნობით, მაშველებმა 18 ადამიანის გადარჩენა შეძლეს, მათგან 2 კლინიკაშია გადაყვანილი.
