ეგზიტპოლის თანახმად, ყაზახეთში ჩატარებულ ვადამდელ საპრეზიდენტო არჩევნებში ქვეყნის მოქმედი პრეზიდენტი, ყასიმ-ჟომართ თოყაევი იმარჯვებს.
ყაზახური მედიის ინფორმაციით, „ღია საზოგადოება რეგიონული კვლევების საერთაშორისო ინსტიტუტის“ ეგზიტპოლის თანახმად, ყაზახეთის მოქმედ პრეზიდენტს ამომრჩევლების 82,45 პროცენტმა დაუჭირა მხარი.
ამომრჩეველთა აქტივობა 68 პროცენტი იყო.
გამარჯვების შემთხვევაში, ყასიმ-ჟომართ თოყაევი ყაზახეთის პრეზიდენტის თანამდებობას მომდევნო შვიდი წლით დაიკავებს.