დღე: სექტემბერი 24, 2024

თურქეთის პრეზიდენტი რეჯეფ თაიფ ერდოღანი აცხადებს, რომ ანკარასა და ვაშინგტონს შორის ურთიერთობები არ შეიცვლება იმის მიუხედავად, თუ ვინ გაიმარჯვებს აშშ-ის საპრეზიდენტო არჩევნებში. მისი თქმით, თურქეთი ყურადღებით აკვირდება რბოლას დემოკრატიული პარტიის კანდიდატ, ვიცე-პრეზიდენტ კამალა ჰარისსა და რესპუბლიკური პარტიის კანდიდატ დონალდ ტრამპს შორის. „იმის მიუხედავად, თუ ვინ გახდება პრეზიდენტი, ჩვენი ხედვა ამერიკის მიმართ და ჩვენი მაღალი დონის დიალოგი ურთიერთობებში არ შეიცვლება“, – განაცხადა ერდოღანმა. ამასთან, თურქეთის პრეზიდენტმა აღნიშნა, რომ მიესალმება ბოლოდროინდელ იმპულსს აშშ-სთან ორმხრივ ურთიერთობებში და განაცხადა, რომ ანკარაში „კმაყოფილები არიან ბოლო დროს თურქეთ-ამერიკის ურთიერთობებში არსებული პოზიტიური ატმოსფეროთი“.

აშშ-ის პრეზიდენტობის კანდიდატმა „რესპუბლიკური“ პარტიიდან დონალდ ტრამპმა წინასაარჩევნო მიტინგზე პენსილვანიაში განაცხადა, რომ უკრაინის პრეზიდენტს ვოლოდიმირ ზელენსკის ამერიკის საპრეზიდენტო არჩევნებში „დემოკრატების“ გამარჯვება სურს. „მგონია, რომ ზელენსკი ისტორიაში საუკეთესო გამყიდველია. აქ ყოველი ჩამოსვლის დროს ის უკან 60 მილიარდი დოლარით ბრუნდება. მას ისე ძლიერ სურს, რომ „დემოკრატებმა“ გაიმარჯვონ, მაგრამ მე სხვაგვარად მოვიქცევი. მე მშვიდობის მიღწევაზე ვიმუშავებ“, – განაცხადა ტრამპმა. ზელენსკის ადმინისტრაციას და „დემოკრატიული“ პარტიის წარმომადგენლებს ტრამპის ამ განცხადებაზე კომენტარი ჯერ არ გაუკეთებიათ, ხოლო თავად ტრამპმა კიდევ ერთხელ განაცხადა, რომ 5 ნოემბერს დაგეგმილ საპრეზიდენტო არჩევნებში გამარჯვების შემთხვევაში ის ზელენსკის და რუსეთის პრეზიდენტს ვლადიმერ პუტინს…

,,დასავლეთის ქვეყნებმა უკრაინის დახმარება უნდა გაზარდონ, რადგან რუსეთის მიზანია ზამთარში ქვეყანა ჩააბნელოს და გაყინოს”, – განაცხადა საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა ჟოზეფ ბორელმა. „გასაგებია, რომ რუსეთს უკრაინის ჩაბნელება და გაყინვა სურს. მოდის ზამთარი, ხოლო ენერგეტიკულ ობიექტებზე რუსეთის თავდასხმების შემდეგ უკრაინაში ენერგიის წარმოების სიმძლავრეები 2/3 შემცირდა“, – თქვა ბორელმა. ევროკომისარმა ასევე აღნიშნა, რომ უკრაინას უნდა გადაეცეს არა მხოლოდ სამხედრო დახმარება, არამედ ქვეყანას ელექტროენერგიის წარმოების გაზრდაც სჭირდება. წინააღმდეგ შემთხვევაში უკრაინა ზამთარში სავალალო მდგომარეობაში აღმოჩნდება. მას შემდეგ, რაც რუსეთი 2022 წელს უკრაინაში შეიჭრა, მის ერთ-ერთ სამიზნედ ქვეყნის ენერგეტიკული ინფრასტრუქტურა წარმოადგენს.…

რუსეთი აპირებს სისხლისსამართლებრივი პასუხისმგებლობა დააკისროს ყველას ვინც, საზღვარგარეთ ,,რუსოფობიას” გაავრცელებს. ,,რუსოფობიაში” კანონმდებლები უცხოეთის ოფიციალური პირების მხრიდან რუსეთის მოქალაქეების დისკრიმინაციას ან ამგვარი ნაბიჯებისკენ საჯარო მოწოდებებს გულისხმობენ. პროექტში ნათქვამია, რომ მსგავსი მუხლებით პირების გასამართლებას რუსეთის სასამართლოები შეძლებენ დაუსწრებლად, განსასჯელთა ადგილზე ყოფნის გარეშე. პროექტით, უცხოელ პირებს, რომლებსაც დამნაშავედ ცნობენ, აეკრძალებათ რუსეთში ,,გარკვეული თანამდებობის დაკავება ან გარკვეული საქმიანობის წარმოება”.

ლიბანში ისრაელის თავდასხმის შედეგად დაღუპულთა რიცხვი 356-მდე გაიზარდა, დაშავებულია 1 246 ადამიანი. ინფორმაციას ლიბანის ჯანდაცვის სამინისტრო ავრცელებს. მათივე ცნობით, დაღუპულთა შორის 24 ბავშვი და 42 ქალია, დაშავებულია 1 246 ადამიანი. საჰაერო იერიშები ისრაელსა და ლიბანს შორის გრძელდება. როგორც ისრაელში აცხადებენ, ლიბანში ,,ჰეზბოლას” 300-ზე მეტ სამიზნეს დაარტყეს.

უკრაინის პრეზიდენტი ვოლოდიმირ ზელენსკი გერმანიის კანცლერ ოლაფ შოლცს შეხვდა. ინფორმაციას უკრაინული მედია ავრცელებს და წერს, რომ შეხვედრისას შოლცმა კიდევ ერთხელ დაუდასტურა უკრაინას ბერლინის უარი, გამოიყენოს გერმანული იარაღი რუსეთის შიგნით სამიზნეებზე დასარტყმელად. „გერმანია არ გააუქმებს რაიმე შეზღუდვას, ეს არ არის დამოკიდებული ჩემს პირად დამოკიდებულებაზე. ჩვენ ამას არ გავაკეთებთ და ამის კარგი მიზეზები გვაქვს”, – აცხადებს შოლცი.

,,საქართველოს მთავრობის მხრიდან აშშ-დან ელჩის გამოხმობა ,,ჭკვიანური ნაბიჯი” არ იქნება”, – ამის შესახებ აშშ-ის სახელმწიფო მდივნის ყოფილმა თანაშემწემ დევიდ კრამერიმ განაცხადა. ,,ელჩის გამოხმობა ვაშინგტონიდან, აუცილებლად გააუარესებს საქართველოს მთავრობასა და აშშ-ის შორის ურთიერთობას. ამასთან, ფაქტია, რომ ქართველი ხალხი ინარჩუნებს პროდასავლურ, პროევროკავშირის და პროამერიკულ მიდგომას, იმის პარალელურად, რომ არიან რუსეთის წინააღმდეგ განწყობილნი, ამიტომ, ეს არ იქნება ჭკვიანური ნაბიჯი საქართველოს მთავრობის მხრიდან”, – თქვა კრამერმა.

,,ვფიქრობ, რომ ჩვენ უფრო ახლოს ვართ მშვიდობასთან, ვიდრე ვფიქრობთ. ახლოს ვართ ომის დასასრულთან”, – ამბობს უკრაინის პრეზიდენტი ABC News-თან ინტერვიუში. ,,გამარჯვების გეგმა ეს უკრაინის გაძლიერებაა. სწორედ ამიტომ ვთხოვთ ჩვენს მეგობრებს, ჩვენს მოკავშირეებს, რომ გაგვაძლიერონ. ეს ძალიან მნიშვნელოვანია. ვფიქრობ, რომ ჩვენ უფრო ახლოს ვართ მშვიდობასთან, ვიდრე ვფიქრობთ. ახლოს ვართ ომის დასასრულთან”, – განაცხადა ზელენსკიმ. როგორც ზელენსკიმ ჟურნალისტს უთხრა, პუტინს კურსკის ოპერაციის ,,ეშინია”. ,,ეს სიმართლეა. მას ძალიან ეშინია. რატომ? იმიტომ, რომ მისმა ხალხმა დაინახა, რომ მას არ შეუძლია მთელი თავისი ტერიტორიის დაცვა”, – ამბობს უკრაინის პრეზიდენტი. მისივე თქმით, მხოლოდ ,,ძლიერი პოზიციიდან“ შეუძლია…

ევროპული საბჭოს პრეზიდენტი შარლ მიშელი ნიუ-იორკში ირანის პრეზიდენტს, მასუდ ფეზეშკიანს შეხვდა. ამის შესახებ მიშელმა X-ზე დაწერა. მისი თქმით, მან ირანის პრეზიდენტთან შეშფოთება გამოთქვა რამდენიმე საკითხზე, რომელთა შორისაც არის რუსეთისთვის იარაღის მიწოდება. მიშელი წერს, რომ საუბარი ასევე შეეხო რეგიონში დესტაბილიზაციის მცდელობას, ევროკავშირის დაკავებულ მოქალაქეებს, ბირთვულ პროგრამასა და ადამიანის უფლებათა მდგომარეობას. ფეზეშკიანმა უარყო რუსეთისთვის რაკეტების გადაცემა და ბირთვული იარაღის შექმნა. ირანის პრეზიდენტმა რეგიონში ესკალაციის მცდელობაში ისრაელი დაადანაშაულა. ევროპული საბჭოს პრეზიდენტმა გამოთქვა მზადყოფნა, ხელახლა ჩაერთონ ბირთვულ დიპლომატიაში ირანთან.