დღე: სექტემბერი 24, 2024

თურქეთის პრეზიდენტმა, რეჯეფ თაიფ ერდოღანმა გაერო-ს გენერალურ ასამბლეაზე სიტყვით გამოსვლისას გააკრიტიკა პარიზის ზაფხულის ოლიმპიადის გახსნის ცერემონია და მას სირცხვილი უწოდა. პრეზიდენტი ამბობს, რომ ცერემონიაზე ნაჩვენებმა სცენებმა გამოავლინა „დეგენდერიზაციის“ საფრთხის მასშტაბი. „საზოგადოების ფუნდმენტურ საყრდენზე – ოჯახის ინსტიტუტზე თავდასხმა სულ უფრო ინტენსიური ხდება. 2024 წლის ოლიმპიური თამაშების გახსნაზე დადგმულმა სირცხვილმა გამოავლინა საფრთხის მასშტაბები, რომლის წინაშე კაცობრიობა დგას. სპორტული ღონისძიება, რომელსაც უდანაშაულო ბავშვები და ყველა ასაკისა და რწმენის ასობით მილიონობით ადამიანი უყურებდა, გამოყენებული იყო ყველაზე მახინჯი გზით დეგენდერიზაციის პროპაგანდისთვის. ამ უზნეო სცენებმა ღრმა ჭრილობა მიაყენა არა მხოლოდ კათოლიკურ და ქრისტიანულ მსოფლიოს, არამედ ასევე…

ისრაელი განაგრძობს „ჰეზბოლაზე“ დარტყმას.  ამის შესახებ ისრაელის პრემიერ-მინისტრმა, ბენიამინ ნეთანიაჰუმ ისრაელის თავდაცვის ძალების სადაზვერვო ბაზაზე განაცხადა. ისრაელის მთავრობის ხელმძღვანელი ამბობს, რომ ომი მიმართულია არა ლიბანელი ხალხის, არამედ „ჰეზბოლას“ წინააღმდეგ. „ნასრალას უფსკრულის პირთან მიჰყავხართ. გუშინ გითხარით, რომ სახლები დააცარიელეთ, სადაც მან რაკეტა ჩადო მისაღებში და ავტოფარეხში. ვისაც რაკეტა აქვს მისაღებში და თავის ავტოფარეხში, სახლი არ ექნება. გათავისუფლდით ნასრალას ხელიდან, თქვენ სასიკეთოდ“ – განაცხადა ბენიამინ ნეთანიაჰუმ.  

“ნეთანიაჰუ და მისი მკვლელობის ქსელი, ჰიტლერის მსგავსად, კაცობრიობის ალიანსმა უნდა შეაჩეროს” – ამის შესახებ თურქეთის პრეზიდენტმა, რეჯეფ თაიფ ერდოღანმა გაერო-ს გენერალურ ასამბლეაზე სიტყვით გამოსვლისას განაცხადა. თურქეთის პრეზიდენტი ამბობს, რომ  ისრაელის დამოკიდებულებამ კიდევ ერთხელ აჩვენა, რომ საერთაშორისო თანამეგობრობისათვის აუცილებელია პალესტინელი მშვიდობიანი მოსახლეობის დაცვის მექანიზმის შემუშავება. „ისრაელის თავდასხმის შედეგად ღაზა გახდა ბავშვებისა და ქალების მსოფლიოში ყველაზე დიდი სასაფლაო. 17 000-ზე მეტი ბავშვი იყო ისრაელის ტყვიებისა და ბომბების სამიზნე. საერთაშორისო პრესის ორგანიზაციებო, ის ჟურნალისტები, რომლებიც ისრაელმა დახოცა და მათი ოფისები დაარბია, თქვენი კოლეგები არ არიან? გაერო-ს უსაფრთხოების საბჭო, რას ელოდებით, რომ თავიდან აიცილოთ ღაზის…

“პუტინის მთავარი მიზანი ჩავარდა, უკრაინა ისევ თავისუფალი და ნატო უფრო დიდი და ძლიერია”– ამის შესახებ გაერო-ს გენერალურ ასამბლეაზე სიტყვით გამოსვლისას აშშ-ის პრეზიდენტმა, ჯო ბაიდენმა განაცხადა. ჯო ბაიდენმა აშშ-ის მიერ უკრაინისთვის გაწეულ უსაფრთხოების, ეკონომიკურ და ჰუმანიტარულ დახმარებაზე ისაუბრა. „კარგი ამბავი არის ის, რომ ჩავარდა პუტინის ომი, ისევე როგორც მისი მთავარი მიზანი. ის გეგმავდა უკრაინის განადგურებას, თუმცა უკრაინა ისევ თავისუფალია. ის გეგმავდა ნატო-ს შესუსტებას, თუმცა ნატო არის უფრო დიდი, უფრო ძლიერი და უფრო ერთიანი, ვიდრე ოდესმე, ორი ახალი წევრით – ფინეთითა და შვედეთით. ჩვენ ვერ დავიხევთ უკან. მსოფლიოს ახლა გასაკეთებელი აქვს სხვა არჩევანი…

“უკრაინის მხარდაჭერას არ შევასუსტებთ, ვიდრე უკრაინა სამართლიან და გრძელვადიან მშვიდობას არ მიიღებს. ამის შესახებ აშშ-ის პრეზიდენტმა ჯო ბაიდენმა გაეროს გენერალურ ასამბლეაზე სიტყვით გამოსვლისას განაცხადა. “კარგი ამბავი იმაში მდგომარეობს, რომ პუტინის ომმა წარუმატებლობა განიცადა თავის მთავარ მიზანში. ის უკრაინის განადგურებას გეგმავდა, მაგრამ უკრაინა ჯერაც თავისუფალია. მას ნატოს შესუსტება სურდა, მაგრამ ნატო უფრო დიდია, უფრო ძლიერია, უფრო ერთიანია, ვიდრე ოდესმე აქამდე” – განაცხადა ბაიდენმა.    

ბელარუსის პრეზიდენტის ალექსანდრე ლუკაშენკოს განცხადებით, ქვეყანა ომისთვის უნდა მოემზადოს. „ჩვენ უნდა მოვემზადოთ ომისთვის. ღმერთმა ქნას, რომ ეს ომი არ მოხდეს. რაც არ უნდა დაძაბული ვითარება იყოს ბელარუსის გარშემო, ჩვენ ჯერ ვერ ვხედავთ ჩვენს წინააღმდეგ ომის გაჩაღების ტენდენციას“, – თქვა ლუკაშენკომ. ამის ფონზე ბელარუსის ლიდერმა ქვეყნის შეიარაღებული ძალების მოდერნიზაციის აუცილებლობაზე ისაუბრა. მისი თქმით, ჯარის რეფორმირება უკრაინაში ომითა და უკანასკნელ წლებში მომხდარი სამხედრო კონფლიქტებით არის ნაკარნახევი.

„ისრაელის არმია გაფრთხილებთ, მოერიდეთ საფრთხეს. მოგიწოდებთ, ამას სერიოზულად მიუდექით“, – განაცხადა ისრაელის პრემიერ-მინისტრმა, ბენიამინ ნეთანიაჰუმ და ლიბანის მოსახლეობას ევაკუაციისკენ მოუწოდა. ,,ლიბანის მოსახლეობისთვის გზავნილი მაქვს. ისრაელი თქვენ არ გებრძვით, ისრაელი ,,ჰეზბოლასთან” ომობს. საკმაოდ ხანგრძლივი დროის განმავლობაში, ,,ჰეზბოლა” გიყენებდათ, როგორც ,,ცოცხალ ფარს.” რაკეტები თქვენს სასტუმროებსა და ავტომობილების სადგომებში განათავსეს. ეს რაკეტები ჩვენი ქალაქებისკენ და მოქალაქეებისკენაა მიმართული. იმისთვის, რომ ჩვენი მოქალაქეები დავიცვათ, ეს შეიარაღება უნდა გავანადგუროთ. დღეს დილიდან, ისრაელის არმია გაფრთხილებთ, მოერიდეთ საფრთხეს. მოგიწოდებთ, ამას სერიოზულად მიუდექით. არ მისცეთ საშუალება ,,ჰეზბოლას”, თქვენი და თქვენი ახლობლების სიცოცხლე საფრთხის წინ დააყენოს,” – განაცხადა ბენიამინ ნეთანიაჰუმ.…

,,უკრაინაში „სპეციალური სამხედრო ოპერაცია“ დასრულდება, როგორც კი რუსეთის მიზნები მიღწეული იქნება”, – ასე გამოეხმაურა კრემლის პრესმდივანი დიმიტრი პესკოვი ვოლოდიმირ ზელენსკის განცხადებას, რომ „მშვიდობა იმაზე ახლოსაა, ვიდრე გვგონია“. „თქვენ იცით, რომ ნებისმიერი ომი ასე თუ ისე მშვიდობით სრულდება. თუმცა, ჩვენთვის აბსოლუტურად უალტერნატივოა ჩვენი დასახული მიზნების მიღწევა. როგორც კი ეს მიზნები მიღწეული იქნება ამა თუ იმ გზით, სპეციალური სამხედრო ოპერაცია დასრულდება“, – განუცხადა პესკოვმა ჟურნალისტებს. ნიუ-იორკში ვიზიტით მყოფმა უკრაინის პრეზიდენტმა ვოლოდიმირ ზელენსკიმ „ეიბისი ნიუსთან“ ინტერვიუში განაცხადა: „ვფიქრობ, ჩვენ იმაზე ახლოს ვართ მშვიდობასთან, ვიდრე გვგონია. ჩვენ უფრო ახლოს ვართ ომის დასრულებასთან“.

,,რუსეთი გმობს ისრაელის მიერ ლიბანზე განხორციელებულ ფართომასშტაბიან სამხედრო თავდასხმებს”, – განაცხადა რუსეთის საგარეო საქმეთა სამინისტროს წარმომადგენელმა, მარია ზახაროვამ. რუსეთს საგარეო უწყების პრესსპიკერის თქმით, დაუშვებელია განურჩეველი თავდასხმები, რომელთა მსხვერპლი მშვიდობიანი მოსახლეობა ხდება. აუცილებელია ძალადობის სპირალის შეჩერება ვიდრე სიტუაცია მთლიანად არ გამოვა კონტროლიდან. „ყველაფერი უნდა გაკეთდეს, რომ ახლო აღმოსავლეთი არ ჩავარდეს სრულმასშტაბიან შეიარაღებულ კონფლიქტში, რომლის დამანგრეველი შედეგები აუცილებლად იმოქმედებს ყველაზე – როგორც რეგიონში, ასევე მის ფარგლებს გარეთ. ჩვენ მზად ვართ ვითანამშრომლოთ საერთაშორისო და რეგიონულ პარტნიორებთან, რათა თავიდან ავიცილოთ მსგავსი კატასტროფული სცენარი. ჩვენ გამოვდივართ იქიდან, რომ რეგიონში არცერთი სახელმწიფოს უსაფრთხოება არ უნდა იყოს უზრუნველყოფილი…

სომხეთის საგარეო საქმეთა მინისტრმა არარატ მირზოაინმა მის იტალიელ კოლეგასთან ანტონიო ტაიანისთან შეხვედრის დროს განაცხადა, რომ ერევანი მზადაა ბაქოსთან სამშვიდობო ხელშეკრულებას ხელი მოაწეროს. „მინისტრმა მირზოიანმა ხაზი გაუსვა, რომ სომხეთს ნათელი პოზიცია და პოლიტიკური ნება აქვს, რათა მოკლე ვადებში აზერბაიჯანთან სამშვიდობო ხელშეკრულებას მოაწეროს ხელი“, – აღნიშნულია სომხეთის საგარეო უწყების მიერ გავრცელებულ ინფორმაციაში. სომხეთის პირველმა დიპლომატმა აგრეთვე ხაზი გაუსვა იმ გარემოებას, რომ სომხეთის ხედვა რეგიონში სტაბილურობის უზრუნველსაყოფად ტერიტორიული მთლიანობის, საზღვრების ურღვეობის პრინციპებისა და ეკონომიკური ურთიერთ დაკავშირებადობის ინიციატივების უპირობო პატივისცემას ითვალისწინებს.

,,ისრაელის ხელში ლიბანი ღაზად არ უნდა იქცეს”, – განაცხადა ირანის პრეზიდენტმა, მასუდ ფეზეშქიანი „სიენენთან“ ინტერვიუში. მისი თქმით, ლიბანზე ფართომასშტაბიანი თავდასხმა არის ადამიანური და ჰუმანიტარული კრიზისი, რომელიც რეგიონში უფრო ფართო კონფლიქტის საფრთხეს აჩენს. „არსებობს საფრთხე, რომ იერიში ლიბანიდან მთელ რეგიონზე გავრცელდება“, – აღნიშნა ფეზეშქიანმა ჟურნალისტის კითხვაზე, ურჩევს თუ არა ირანი „ჰეზბოლას“, თავი შეიკავოს საპასუხო მოქმედებებისგან, ფეზეშქიანმა უპასუხა, რომ „ჰეზბოლას“ წინაშე დგას კბილებამდე შეიარაღებული ქვეყანა და წვდომა აქვს იარაღის სისტემებზე, რომლებიც ბევრად აღემატება ნებისმიერ სხვას. „ჰეზბოლა“ ამას მარტო ვერ შეძლებს. „ჰეზბოლა“ ვერ გაუმკლავდება მარტო ქვეყანას, რომელსაც იცავენ, მხარს უჭერენ და ამარაგებენ დასავლეთი,…

ნიდერლანდები უკრაინის კრიტიკული ინფრასტრუქტურის აღდგენისთვის 209,5 მილიონ ევროს გამოყოფს. ინფორმაციას ნიდერლანდების საგარეო საქმეთა მინისტრი, კასპარ ველდკამპი X-ზე ავრცელებს. ,,ნიდერლანდებმა გამოაცხადა 209,5 მილიონი ევროს ღირებულების ახალი მხარდაჭერის პაკეტი, რომელიც მიზნად ისახავს კრიტიკული ინფრასტრუქტურის აღდგენას, მათ შორის EBRD-ის მეშვეობით და ჰუმანიტარული დახმარების გაწევას”, – ნათქვამია მინისტრის განცხადებაში. მისივე თქმით, ნიდერლანდები უკრაინის ენერგეტიკის მხარდაჭერის ფონდში 45 მილიონ ევროს შეიტანს.