თვე: აგვისტო 2024

უკრაინის პრეზიდენტმა, ვოლოდიმირ ზელენსკიმ ქვეყანაში რუსეთთან დაკავშირებული რელიგიური ორგანიზაციების აკრძალვის შესახებ კანონს ხელი მოაწერა. ინფორმაცია ამის შესახებ რადას ვებგვერდზეა გამოქვეყნებული. კანონის მიზანია უკრაინაში აიკრძალოს რუსეთის მართლმადიდებლური ეკლესიისა და მასთან დაკავშირებული რელიგიური ორგანიზაციების საქმიანობა, აიკრძალოს „რუსული სამყაროს“ იდეოლოგიის პროპაგანდა. ამასთან, უკრაინის პრეზიდენტმა ხელი მოაწერა რადას მიერ მხარდაჭერილ კანონს სისხლის სამართლის საერთაშორისო სასამართლოს რომის სტატუტის რატიფიცირების შესახებ. რომის სტატუტის რატიფიცირების შესახებ კანონპროექტების პაკეტი ზელენსკიმ რადას 15 აგვისტოს წარუდგინა, რაც ნიშნავს უკრაინის სისხლის სამართლის საერთაშორისო სასამართლოში სრულ გაწევრიანებას.

მეტი...

„როიტერის“ ინფორმაციით,პაკისტანში აფეთქების შედეგად დაღუპულია ორი და დაშავებულია 16 ადამიანი.  მედიის ცნობით, აფეთქება პაკისტანის სამხრეთ-დასავლეთ ნაწილში მდებარე პოლიციის შენობასთან მოხდა, დაშავებულებს შორის 7 პოლიციელია. დაღუპულია ორი ბავშვი, რომლებიც აფეთქების დროს პოლიციის შენობასთან გადაადგილდებოდნენ. პოლიციის თანამშრომლები ამბობენ, რომ  ასაფეთქებელი მოწყობილობა პოლიციის შენობასთან მდგარ მოტოციკლეტზე იყო მიმაგრებული.

მეტი...

„დამნაშავე სწრაფად უნდა დაიჭირონ“ – ამის შესახებ გერმანიის კანცლერმა, ოლაფ შოლცმა განაცხადა. გერმანიის კანცლერმა თავდასხმის შედეგად დაღუპულებისა ოჯახებს თანაგრძნობა გამოუცხადა და დაშავებულებს სწრაფი გამოჯანმრთელება უსურვა. „ზოლინგენში მომხდარი თავდასხმა საშინელი მოვლენაა, რომელმაც შოკში ჩამაგდო. თავდამსხმელმა რამდენიმე ადამიანი სასტიკად მოკლა. დამნაშავე სწრაფად უნდა დაიჭირონ “- განაცხადა ოლაფ შოლცმა. ბოლო მონაცემებით, ქალაქ ზოლინგენში, ფესტივალზე დანით შეიარაღებული პირის თავდასხმის შედეგად, 3 ადამიანი დაიღუპა და 8 დაშავდა. პოლიცია თავდამსხმელს ამ დრომდე ეძებს.

მეტი...

„მათ ვისაც ჩვენი მიწების ბუფერულ ზონად გადაქცევა სურდათ, უნდა იფიქრონ იმაზე, რომ მათი ქვეყანა ბუფერულ ფედერაციად არ იქცეს“ – აცხადებს უკრაინის პრეზიდეტი ქვეყნის დამოუკიდებლობის დღისამდი გავრცელებულ მიმართვაში. „დღეს, ჩვენ 33-ე უკრაინის დამოუკიდებლობის დღეს აღვნიშნავთ.  ის, რაც მტერმა ჩვენს მიწაზე მოიტანა, ახლა თავის სახლში დაბრუნდა. მათ ვისაც ჩვენი მიწების ბუფერულ ზონად გადაქცევა სურდათ, უნდა იფიქრონ იმაზე, რომ მათი ქვეყანა ბუფერულ ფედერაციად არ იქცეს… 33 წლის წინ უკრაინა მსოფლიოს რუკებზე ხელახლა დაიბადა და დღეს, უკრაინა მსოფლიოს გულებს იპყრობს. გამბედაობას შთააგონებს და მაგალითია იმისა, თუ როგორ არ უნდა შეგეშინდეთ პუტინის. ის მსოფლიოს საკუთარი…

მეტი...

საქართველოს პრეზიდენტი უკრაინის პრეზიდენტს მიმართავს. სალომე ზურაბიშვილი პრეზიდენტ ზელენსკის და უკრაინელებს ქართველი ხალხის სახელით დამოუკიდებობას ულოცავს. „ძვირფასო უკრაინელო მეგობრებო, მთელი გულით და ქართველი ხალხის სახელით მინდა მოგილოცოთ დამოუკიდებლობის დღე! მინდა გისურვოთ თქვენი მიზნისაკენ წინსვლა, რაც ასევე ჩვენი საერთო მიზანია – თქვენი ქვეყნის ოკუპაციისგან გათავისუფლება, მშვიდობის აღდგენა, თქვენი ქვეყნის სრული სუვერენიტეტი და ტერიტორიული მთლიანობა. ესაა ჩემი სურვილი თქვენი ქვეყნისათვის, ესაა ჩემი სურვილი ჩემი ქვეყნისათვის და ესაა ჩემი სურვილი ორივე ქვეყნის ევროპული მომავლისათვის!“ – აღნიშნავს საქართველოს პრეზიდენტი.  

მეტი...

ინდოეთის პრემიერ-მინისტრმა ნარენდრა მოდიმ უკრაინის პრეზიდენტი ვოლოდიმირ ზელენსკი ინდოეთში მიიწვია. ამის შესახებ მოდის კიევში ვიზიტის შედეგად უკრაინისა და ინდოეთის ერთობლივ განცხადებაშია ნათქვამი. “სავსებით ბუნებრივია, რომ ასეთ შემთხვევებში ის [ნარენდრა მოდი] აგზავნის მოწვევას, რაც მან გააკეთა კიდევაც ამ შემთხვევაში. ასე რომ, ჩვენ ველით, იმ მომენტში, როდესაც მისთვის მოსახერხებელი იქნება, პრეზიდენტი ზელენსკი ინდოეთს ეწვევა” – განაცხადა ინდოეთის საგარეო საქმეთა მინისტრმა, სუბრამანიამ ჯაიშანკარმა კიევში გამართულ პრესკონფერენციაზე. 23 აგვისტოს ინდოეთის პრემიერ-მინისტრი ნარენდრა მოდი კიევში უკრაინის პრეზიდენტ, ვოლოდიმირ ზელენსკის შეხვდა.    

მეტი...

“სათნოების გავრცელებისა და მანკიერების აღკვეთის სამინისტროს” მიერ გამოცემული კანონის თანახმად, ავღანეთში ქალის ხმა, რომელიც მღერის ან კითხულობს, საჯარო ადგილებში არ უნდა ისმოდეს, რადგან ის ინტიმურად ითვლება. გარდა ამისა, ქალებს ეკრძალებათ შეხედონ მამაკაცებს, რომლებთანაც სისხლით ან ქორწინებით არ არიან დაკავშირებული.

მეტი...

ამერიკული მედიის ინფორმაციით, ეროვნული უსაფრთხოების საკითხებში აშშ-ის პრეზიდენტის მრჩეველი ჯეიკ სალივანი 27-29 აგვისტოს ჩინეთში ჩავა. სალივანი პეკინში ვიზიტისას ჩინეთის საგარეო საქმეთა მინისტრს, ვან ის შეხვდება. თეთრი სახლის ინფორმაციით, შეხვედრაზე სალივანი უკრაინაში მიმდინარე ომის თემაზე, ასევე ტაივანის სრუტეში არსებულ ვითარებასა და ახლო აღმოსავლეთის საკითხზე გაამახვილებს ყურადღებას. როგორც ამერიკული მედია წერს, ჯეიკ სალივანი და ჩინეთის საგარეო საქმეთა მინისტრი ასევე ისაუბრებენ ჯო ბაიდენისა და ჩინეთის ლიდერ, სი ძინპინის პოტენციურ შეხვედრაზე, რომელიც წლის ბოლომდე უნდა გაიმართოს.  

მეტი...

რუსული მედიის ცნობით, სამართალდამცავების შტურმის შედეგად ვოლგოგრადის ერთ-ერთ კოლონიაში პატიმრების მიერ მძევლად აყვანილი ყველა პირი გათავისუფლებულია. რუსული მედია წერს, რომ შტურმის დროს ოთხივე პატიმარი მოკლულია. მათივე ინფორმაციით, პატიმრების განეიტრალება სნაიპერებმა მოახერხეს. მანამდე ცნობილი გახდა, რომ სამართალდამცავებმა კოლონიის შტურმი დაიწყეს. ოთხმა პატიმარმა მძევლად აიყვანა სასჯელაღსრულების დაწესებულების თანამშრომლები. შტურმი ნახევარ საათს გაგრძელდა. მანამდე პატიმრებმა, რომლებმაც კოლონიაში მძევლები აიყვანეს, განაცხადეს, რომ „დაკავშირებულები არიან ტერორისტულ დაჯგუფება „ისლამურ სახელმწიფოსთან“ და აპირებენ, შური იძიონ მუსლიმი ძმების გამო, რომლებიც „კროკუს სითი ჰოლში“ ტერაქტის საქმის ფარგლებში დააკავეს“.  

მეტი...

უნგრეთის პრემიერ-მინისტრის ადმინისტრაციის ხელმძღვანელმა, გერგელი გულიაშმა განაცხადა, რომ უნგრეთის მთავრობა მზად არის, მიგრანტები და თავშესაფრის მაძიებლები, რომლებსაც ევროკავშირის ტერიტორიაზე შესვლა სურთ, ბრიუსელამდე უფასო ცალმხრივი ბილეთებით უზრუნველყოს. გერგელი გულიაშმა გააკრიტიკა ევროპის მართლმსაჯულების სასამართლოს გადაწყვეტილება, რომლის თანახმად, უნგრეთს თავშესაფრის წესების მუდმივი დარღვევისთვის 200 მილიონი ევროს ჯარიმის გადახდა დაეკისრა. „ბრიუსელს სურს, ნებისმიერ ფასად გვაიძულოს, რომ მიგრანტები მივიღოთ. თუ ბრიუსელს სურს მიგრანტები, შეუძლია ჰყავდეს“, – აღნიშნა უნგრეთის პრემიერ-მინისტრის ადმინისტრაციის ხელმძღვანელმა.

მეტი...

ინდოეთის პრემიერ-მინისტრმა, ნარენდრა მოდიმ კიევში გამგზავრებამდე განაცხადა, რომ ვერცერთი კონფლიქტი ვერ გადაწყდება ბრძოლის ველზე. როგორც გამოცემა Le Monde აღნიშნავს, ინდოეთის მთავრობა თავს იკავებს უკრაინაში რუსეთის შეჭრის მკაფიოდ დაგმობისგან და ნაცვლად, ორივე მხარეს მოუწოდებს, გადაწყვიტონ უთანხმოება დიალოგის გზით. „ჩვენ მხარს ვუჭერთ დიალოგსა და დიპლომატიას მშვიდობისა და სტაბილურობის რაც შეიძლება მალე აღსადგენად. ამისთვის ინდოეთი მზად არის, თავისი წვლილი შეიტანოს მეგობარ ქვეყნებთან ერთად“, – აღნიშნა ინდოეთის მთავრობის მეთაურმა.

მეტი...