თვე: ივნისი 2024

უხვმა ნალექმა, რუსთავში პრობლემები შექმნა. ძლიერი წვიმის შედეგად ქუჩები დაიტბორა. გზაზე გადაადგილების პრობლემაა. ამინდის გაუარესების შესახებ დღეს გარემოს ეროვნული სააგენტო მოსახლეობას აქტიურად აფრთხილებდა.   სოფელ ტუშურებში სეტყვამ ჟოლოს ბაღები გაანადგურა

უამინდობამ პრობლემები შექმნა თიანეთის მუნიციპალიტეტში. ძლიერმა სეტყვამ სოფელ ტუშურებში ჟოლოს ბაღები გაანადგურა. უამინდობაა მთელს საქართველოში. ძლიერი წვიმის შედეგად დაიტბორა რუსთავის ქუჩები.   ძლიერი წვიმის შედეგად რუსთავში ქუჩები დაიტბორა

,,ტელეფონი მთელი დღე ფიქსირდებოდა ვაკეში… იქნებ ეგ ადგილები ვნახოთ”, – დაკარგული პროფესორის, გიორგი გახელაძის ოჯახის წევრი სოციალურ ქსელში წერს და მოსახლეობას დახმარებისკენ მოუწოდებს. ,,ხალხო, ტელეფონი მთელი დღე ფიქსირდებოდა ვაკეში, უნივერსიტეტის მიმდებარედ. პოლიციაც მაგ ტერიტორიაზე ეძებს. იქნებ ეგ ადგილები ვნახოთ. აღარ ვიცი უკვე. საუბარია საპატრიარქოს უნივერსიტეტზე, ბაგებში”, – წერს ირმა მალაციძე. ცნობილია, რომ კაცს ღია ცისფერი ფერის პერანგი და მუქი შარვალი აცვია, თან აქვს ზურგჩანთა. ინფორმაციის არსებობის შემთხვევაში შეგიძლიათ დარეკოთ – 599311090

მწერალი ირმა მალაციძე სოციალურ ქსელში, მეუღლის, გიორგი გახელაძის დაკარგვის შესახებ ახალ ინფორმაციას ავრცელებს: ,,უცნობმა ქალმა დამირეკა და მითხრა, რომ კიკვიძის პარკის გადასწვრივ დაინახა ძალიან მსგავსი გარეგნობის კაცი. დაბნეულად გამოიყურებოდაო. ახლა მივდივართ, იქნებ კამერები ვნახოთ. ვინმეს, მანდ ახლოს ვინც ხართ, ხომ არ შეგიმჩნევიათ. კინო საქართველოსთან გადავიდაო”, – წერს მალაციძე.

GWP-ს ცნობით, მაგისტრალურ მილსადენზე არსებული დაზიანების აღმოსაფხვრელად საჭირო სამუშაოები გეგმის მიხედვით გრძელდება და პრობლემა 5 დღეში სრულად აღმოიფხვრება. კომპანიის წარმომადგენლების თქმით, ინჟინრები უკვე ჩავიდნენ დაზიანებულ მილსადენამდე, პარალელურად გრძელდება ჩამოწოლილი გრუნტის მასის მოცილება. ,,ამ წუთის მდგომარეობით, მილსადენამდე დასული ვართ, რაც იმას ნიშნავს, რომ ხდება მილის გათავისუფლება ზედმეტი გრუნტის ნაყარისგან. მოხდება დაზიანებული მონაკვეთის ჩაჭრა. ჩვენ ასევე დაგეგმილი გვაქვს დაზიანებული მონაკვეთის, როგორც მარჯვენა, ასევე მარცხენა მხარეს მილსადენის დათვალიერება შიგნიდან და სპეციალური აღჭურვილობით სკანერის გაკეთება, რათა დადგინდეს ცალკეულ ნაკერში მილსადენს ხომ არ აქვს რაიმე პრობლემა”, – ამბობს კომპანიის წარმომადგენელი. ცნობისთვის, წყლის მაგისტრალური მილის დაზიანების…

იურიდიულმა კომიტეტმა უზენაესი სასამართლოს მოსამართლეობის სამივე კანდიდატს მხარი დაუჭირა. გიზო უბილავას, ბადრი შონიასა და გოჩა ჯეირანაშვილს სავარაუდოდ მომდევნო კვირაში, პლენარულ სესიაზე დაამტკიცებენ. დღეს, იურიდიულ საკითხთა კომიტეტზე უმრავლესობის დეპუტატებმა შეაფასეს უზენაესის კანდიდატების კვალიფიკაცია, რადგან სხდომას ბოიკოტის ნიშნად ოპოზიცია არ ესწრებოდა. სხდომაზე გაირკვა, რომ მოსამართლეობის კანდიდატებს სასამართლო სისტემაზე ანალოგიური მოსაზრებები აქვთ, რაც ხელისუფლებას და ამტკიცებდნენ, რომ არანაირი კლანი არ არსებობს და ,,ოცნების” ხელისუფლების პირობებში სასამართლო დამოუკიდებელი და მიუკერძოებელია.

შემოსავლების სამსახურის ინფორმაციით, სარფის საბაჟო გამშვებ პუნქტზე ნარკოტიკული საშუალებების უკანონოდ შემოტანის ფაქტები აღკვეთეს. კერძოდ, უცხო ქვეყნის მოქალაქეების ეჭვის საფუძველზე, ბარგის დათვალიერების შედეგად, სპორტულ ფეხსაცმელებში, მალულად განთავსებული (ფეხსაცმელების ლანჩის ქვეშ), პოლიეთილენის შეფუთვებში დაფასოებული 238 გრამი ნარკოტიკული ნივთიერება (კრისტალური ფხვნილის სახით მეტადონის მარილი) აღმოაჩინეს. ასევე, სარფის საბაჟო გამშვებ პუნქტზე აღიკვეთა დიდი ოდენობით (საერთო წონა 500 გრამი) ნარკოტიკული საშუალება “კოკაინის” შემოტანის მცდელობა, რომელიც უცხო ქვეყნის მოქალაქეს წებოვანი ლენტით, სხეულზე მალულად ჰქონდა განთავსებული. ასევე, უწყების ცნობით, სარფის საბაჟო გამშვები პუნქტის კონტროლის ზონაში შემოვიდა უცხო ქვეყნის მოქალაქე, რომლის ბარგისა და სხეულის, ეჭვის საფუძველზე დათვალიერების შედეგად,…

სპეციალურმა საგამოძიებო სამსახურმა, პირადი ცხოვრების საიდუმლოს ხელყოფის ფაქტზე 5 პირი ამხილა, მათ შორის 2 მამაკაცი და 3 ქალი. ,,სპეციალური საგამოძიებო სამსახურის თანამშრომლების მიერ, პირადი მიმოწერის უკანონოდ მოპოვების და პირადი ცხოვრების საიდუმლოს გავრცელების ფაქტებზე, მხილებულია 30 წლის ქალი. გამოძიებით დადგინდა, რომ 2022 წლის ნოემბრიდან, ბრალდებული ქალი ქორწინებაში იმყოფებოდა ნ.ბ-სთან, რომელსაც ინტიმური ურთიერთობა ჰქონდა სხვა ქალთან და ისინი კომუნიკაციას სხვადასხვა ინტერნეტ აპლიკაციების მეშვეობით ახორციელებდნენ. 2023 წლის 28 იანვარს, ბრალდებული ქალი მობილურ ტელეფონში აპლიკაცია „Viber“-ში თავისი მეუღლის სასიყვარულო შინაარსის მიმოწერას გაეცნო. მან მიმოწერის ე.წ. სქრინები გადაიღო და შემდგომში ისინი მეუღლის ნათესავებთან და მეგობრებთან…

ხაიში-მესტიის გზაზე, ნაკრას მონაკვეთთან, სოფელ ჭუბერისა და ნაკრას მოსახლეობამ გზა გადაკეტა. ისინი გზის რეაბილიტაციას ითხოვენ. ადგილობრივები ამბობენ, რომ ამ მონაკვეთზე გზა ჩამოშლილი და ჩარეცხილია. ისინი სწორედ ამას უკავშირებენ მაისის თვეში მომხდარ ავტოსაგზაო შემთხვევას, რა დროსაც ახალგაზრდები მანქანით მდინარეში გადავარდნენ. შემთხვევის შედეგად ორი მე-12 კლასის მოსწავლე და ერთი მე-11 კლასელი დაიღუპა. ადგილზე მობილიზებულია პოლიცია. ცნობილია, რომ მოსახლეობასთან შეხვედრას აპირებს გამგეობის წარმომადგენელი.

რუსთავში, მეგობრობის გამზირზე მომხდარი ავტოსაგზაო შემთხვევის დროს დაშავებული გოგონას ჯანმრთელობის მდგომარეობა მცირედით გაუმჯობესდა. გთავაზობთ, არასრულწლოვანის დედის ემოციურ პოსტს: „მეორედ დაბადების თუ გჯერათ? კი ჩვენ მეორედ დავიბადეთ! მადლობა სამყაროს შენთვის, შენი სიცოცხლისთვის და ჩვენი ძველებურად სუნთქვისათვის. ანამარიააა, საოცარი ხარ, დედიკო,“ – წერს გოგონას დედა. ცნობისთვის, რუსთავის ცენტრალურ გამზირზე ავარია 14 ივნისს მოხდა, მსუბუქი ავტომობილი ზებრაზე ქვეითად მოსიარულე მამა-შვილს დაეჯახა.

უზენაესი სასამართლოს მოსამართლეობის კანდიდატის, ბადრი შონიას განცხადებით, სასამართლოს ნომერი პირველი პრობლემა დღეს, სასამართლო ხელისუფლების წინააღმდეგ მიმდინარე პროპაგანდასთან გამკლავებაა. როგორც მოსამართლემ იურიდიულ საკითხთა კომიტეტის სხდომაზე გასაუბრებისას აღნიშნა, სასამართლოს გამოწვევა, თუ მანამდე იყო საქმეთა გაზრდილი მიმართვიანობა და მოსამართლეები საქმეებს დროულად ვერ იხილავდნენ, დღეის მდგომარეობით, გამოწვევა არის ხელოვნური დისკრედიტაცია. ,,უკვე წლებია, მიზანმიმართული დისკრედიტაცია, პროპაგანდა მიმდინარეობს, რამაც ჩემი აზრით, ყველაფერი მეორე პლანზე გადასწია, ის პრობლემაც, რომ სასამართლოში არის გაჭიანურებული განხილვები, ადამიანური რესურსის ნაკლებობა, როგორც მოსამართლეთა, ასევე აპარატის ნაკლებობა და ამ დროს, მომართვიანობა არის მომატებული. როგორ უნდა ახსნა ადამიანმა, როდესაც მიდის პირდაპირ ნარატივი, პროპაგანდა, რომ…

,,არავის მხრიდან ჩემს მიმართ არ ყოფილა არანაირი კომუნიკაცია, თუნდაც ზეწოლა, ზედმეტად იმის კითხვა, რას ვაპირებდი აღნიშნულ კონკრეტულ საქმესთან დაკავშირებით”, – ასე უპასუხა უზენაესი სასამართლოს მოსამართლეობის კანდიდატმა გიზო უბილავამ იურიდიულ საკითხთა საპარლამენტო კომიტეტის თავმჯდომარე ანრი ოხანაშვილს. ოხანაშვილი დაინტერესდა მის სამოსამართლო საქმიანობაში ვინმეს მხრიდან ხომ არ განხორციელებულა რაიმე ტიპის ზემოქმედება. როგორც კომიტეტის თავმჯდომარემ აღნიშნა, ამ შემთხვევაში იგი ხელისუფლების წარმომადგენლებს გულისხმობს. „არანაირი კომუნიკაცია, ზეწოლაზეც ზედმეტია საუბარი, არ ყოფილა ჩემი ამ ოთხ წლიანი მოსამართლეობის განწესების შემდეგ. აღნიშნულის კუთხითაც, კანონით მოწესრიგებულია. ვინც არ უნდა ყოფილიყო, ხელისუფლება, სხვა პირი, მხარე, მოცემულ შემთხვევაში მოხსენებითი ბარათით დაუყოვნებლივ მივმართავდი…

გარემოს ეროვნული სააგენტოს ინფორმაციით, 20 ივნისიდან 22 ივნისამდე საქართველოში მოსალოდნელია ხანმოკლე წვიმა ელჭექით, ზოგან ძლიერი, სეტყვა და ქარის გაძლიერება. უწება მოქალაქეებს აფრთხილებს, რომ მოსალოდნელმა ნალექებმა საქართველოს მდინარეებზე შესაძლებელია წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.

მეოთხე დღეა სიღნაღის მუნიციპალიტეტის სოფელ ზემო მაღაროში 67 წლის თამარ ჯებირაშვილს ეძებენ. ოჯახის ახლობლების ინფორმაციით, ქალი 17 ივნისს გავიდა სახლიდან და მის შემდეგ კონტაქტზე არავისთან გასულა. მომხდართან დაკავშირებით ინფორმირებულია პოლიცია.