დღე: მაისი 9, 2024

გასულ ღამეს მომხდარ თავდასხმებს სახალხო დამცველი ეხმაურება და წერს, რომ კრიტიკული აზრის მქონე მოქალაქეების, მათი ოჯახის წევრებისა და შვილების დევნა, დაშინება, ფიზიკური ანგარიშსწორება დანაშაულია და სამართალდამცველების მხრიდან მყისიერ რეაგირებას მოითხოვს: ,,საქართველოს სახალხო დამცველი ეხმიანება 2024 წლის 8 მაისის საღამოს საათებში ცალკეული მოქალაქეების მიმართ განხორციელებულ თავდასხმებს და კიდევ ერთხელ მიუთითებს იმ საფრთხეებზე რაზეც 8 მაისს ჩვენს მიერ გავრცელებულ შეფასებაშია აღნიშნული. სახალხო დამცველი ხაზგასმით შეახსენებს ყველას, რომ რაც არ უნდა მიუღებელი იყოს განსხვავებული და კრიტიკული აზრი, ადამიანების დევნა, მათი ოჯახის წევრების, არასრულწლოვანი შვილების დაშინება, მოქალაქეებთან ფიზიკური ანგარიშსწორება წარმოადგენს დანაშაულებრივ ქმედებას, რაც შესაბამისი…

მეტი...

დღეს, შსს-ში განაცხადეს, რომ სამართალდამცველების მხრიდან, საგამოძიებო ორგანოში მოხდება რუსული კანონის საწინააღმდეგო აქციის ორგანიზატორების, პოლიტიკური ლიდერებისა და ყველა იმ პირის გამოკითხვა, რომლებსაც შესაძლოა რაიმე სახის კავშირი ჰქონდეთ სისხლის სამართლის საქმესთან. ამასთან დაკავშირებით, ,,სამოქალაქო საზოგადოების ფონდის” იურისტი, საბა ბრაჭველი აქვეყნებს რჩევებს, თუ როგორ უნდა მოიქცეთ იმ შემთხვევაში, თუ პოლიციაში გამოკითხვაზე დაგიბარებენ. ,,თუ გამოკითხვაზე დასაბარებლად დაგირეკეს, იცოდეთ, როგორ მოიქცეთ: უარს ამბობთ განყოფილებაში გამოკითხვაზე; თანხმდებით მხოლოდ მოსამართლის წინაშე ინფორმაციის მიცემას და ელოდებით შესაბამის ორდერს; თუ ორდერი გამოგიგზავნეს, მიდიხართ სასამართლოში აუცილებლად ადვოკატთან ერთად. არ აქვთ უფლება, ქუჩაში გაგაჩერონ და განყოფილებაში წასვლა გაიძულონ არ აქვთ…

მეტი...

საქართველოს პრემიერ-მინისტრმა ირაკლი კობახიძემ ფაშიზმზე გამარჯვების 79-ე წლისთავთან დაკავშირებით, ვეტერანთა კულტურისა და დასვენების პარკში მელიტონ ქანთარიას ბიუსტი ყვავილებით შეამკო და მეორე მსოფლიო ომში დაღუპულთა ხსოვნას პატივი მიაგო. მთავრობის მეთაური ვეტერანთა კულტურისა და დასვენების პარკში პარლამენტის თავმჯდომარე შალვა პაპუაშვილთან, თბილისის მერ კახა კალაძესთან, აღმასრულებელი და საკანონმდებლო ხელისუფლების წევრებთან ერთად იმყოფებოდა. ირაკლი კობახიძემ პარკში შეკრებილ მეორე მსოფლიო ომის ვეტერანებს ფაშიზმზე გამარჯვების 79-ე წლისთავი მიულოცა. საქართველოს მთავრობის განკარგულებით, ფაშიზმზე გამარჯვების 79-ე წლისთავთან დაკავშირებით, მეორე მსოფლიო ომის მონაწილეები ერთჯერადი ფულადი სოციალური დახმარების სახით – 2000 ლარს, ხოლო მეორე მსოფლიო ომში დაღუპულთა ოჯახის წევრები 1000…

მეტი...

თბილისის მერმა კახა კალაძემ ფაშიზმზე გამარჯვების დღე მეორე მსოფლიო ომის ვეტერანებს მიულოცა და დიდხანს სიცოცხლე უსურვა. როგორც მან მედიასთან აღნიშნა, ქართველებს დღესაც უწევთ ფაშიზმის წინააღმდეგ ბრძოლა, მაგრამ საბოლოოდ სიკეთე გაიმარჯვებს. „ვულოცავ ამ დღეს ყველას, ვისთვისაც ჩაგვრა, გენოციდი, ოჯახების გაუბედურება, ადამიანების მკვლელობა უდიდესი ბოროტებაა. ფაშიზმმა მსოფლიოს დამანგრეველი შედეგები მოუტანა, ასევე, ბევრი ჩვენი თანამემამულე დაიღუპა. მადლობა ჩვენს გმირ ვეტერანებს, ვუსურვებ მათ ჯანმრთელობასა და დიდხანს სიცოცხლეს. სამწუხაროდ, დღესაც გვიწევს ბრძოლა ფაშიზმის წინააღმდეგ, მაგრამ ბოროტებასა და რადიკალიზმზე სიკეთე ყოველთვის გაიმარჯვებს“, – განაცხადა კახა კალაძემ.

მეტი...

შინაგან საქმეთა სამინისტროს ცნობით, რუსთაველის გამზირზე მიმდინარე ანტირუსული აქციების დროს პოლიციაზე თავდასხმისა და ნივთის დაზიანების ბრალდებით 6 პირი დააკავეს. აღნიშნული პირები 8-9 მაისს დააკავეს, მათ წინააღმდეგ გამოძიება სისხლის სამართლის კოდექსის 353-ე პრიმა და 187-ე მუხლის პირველი ნაწილით მიმდინარეობს. განცხადება თბილისის პოლიციის დეპარტამენტის დირექტორმა, სულხან თამაზაშვილმა გააკეთა. მას არ უსაუბრია გუშინ სამ ადამიანზე თავდასხმაზე, რომელთაგან ორი კლინიკაში რჩება. თამაზაშვილმა ბრიფინგის შემდეგ მედიის კითხვებს არ უპასუხა. ,,აქციის მონაწილეები სხვადასხვა მძიმე საგანს, მათ შორის ბოთლებს, ქვებს, მხუთავ და ცრემლსადენ ნივთიერებას და რკინის ნაჭრებს ისროდნენ სახელმწიფო დაცვის სპეციალური სამსახურის ეზოში, სადაც იმყოფებოდნენ შსს-ს თანამშრომლები…

მეტი...

გუშინ გვიან ღამით ამ დროისთვის დაუდგენელი პირები სახლში მიუვარდნენ ოპოზიციონერ პოლიტიკოსს, გიორგი ონიანს. მისი თქმით, ამ დროს სახლში მისი არასრულწლოვანი, 14 წლის შვილი იმყოფებოდა. თავდამსხმელები აჟღერებდნენ შეურაცხყოფებს და მუქარის შემცველ ტექსტებს, აკაკუნებდნენ კარზე. ონიანი ამბობს, რომ ამ დროს თვითონ და მისი ცოლი ნაცემი დიმიტრი ჩიქოვანის მოსანახულებლად საავადმყოფოში იმყოფებოდნენ. პოლიციის გამოძახების შემდეგ მოძალადეები ტერიტორიიდან მიიმალნენ. ,,გავიგე, რომ დიმა ჩიქოვანი სცემეს, წავედი საავადმყოფოში, ეს რა თქმა უნდა, იცოდა ერთადერთი სუს-მა, იმიტომ, ტელეფონზე ვისაუბრე. ანუ იცოდა, რომ არც მე და არც ჩემი მეუღლე სახლში არ ვიყავით, და იყო 14 წლის შვილი. დააორგანიზეს ასე…

მეტი...

ზარის შემდეგ ზუსტად იქ მოვიდნენ, სადაც ვიდექით, ფაქტია, ჩვენი პირადი ინფორმაცია საჯარო უწყებებიდანაა გაჟონილი, – ამბობს ანტირუსული აქციების მონაწილე ბაიკერი ლაშა ღვინიანიძე, რომელსაც გუშინ თავს დაესხნენ და სცემეს. ,,შემომივიდა ზარი იმ ქართული ნომრიდან დღეს, ყველასთან რომ რეკავენ, ვუპასუხე და სიჩუმე იყო, ზუსტად იმ ლოკაციაზე სადაც ვიდექით მოვიდნენ, ოღონდ ჯერ აგვიარეს, შეგვათვალიერეს, პირბადეები ეკეთათ, რომ აგვცდნენ მერე მობრუნდნენ, გამარჯობაო და დაიწყო ამბავი. ფაქტია, რომ ჩვენი პირადი ინფორმაციები საჯარო უწყებებიდან არის გაჟონილი, ფაქტია ის, რომ კონკრეტულად გუშინდელს აქეთ ვისაც ასე თუ ისე აქტიური სამოქალაქო პოზიცია გაგვაჩნია იმ ხარს ურეკავდნენ, იმ ხალხს ემუქრებოდნენ”, –…

მეტი...

გუშინ ღამით დააკავეს ანტირუსული აქციების მონაწილე, გიორგი შანიძე. ის წინასწარი მოთავსების იზოლატორშია გადაყვანილი. დაკავებისას მას ფიზიკურად გაუსწორდნენ. შანიძეს, სავარაუდოდ, საპროტესტო აქციაზე სათვალთვალო კამერის დაზიანებას ედავებიან. რამდენიმე საათის განმავლობაში პოლიცია მის საცხოვრებელ სახლში ჩხრეკას ატარებდა, ოჯახის წევრების ინფორმაციით, სამართალდამცველებს მათთვის ჩხრეკისთვის აუცილებელი სპეციალური ორდერი არ წარუდგენიათ. ,,გვითხრეს, რომ შინაგან საქმეთა სამინისტროს თანამშრომლები არიან, გვითხრეს, რომ ატარებენ ჩხრეკას, დაურეკეს სადღაც პირველი საათისთვის დედას და მამას. ესწრებიან ამ ჩხრეკას მუნიციპალიტეტის თანამშრომლები თუ მერიის თანამშრომლები ვერ გავიგეთ და შეიკეტნენ, რომ ვთხოვეთ, წარმოედგინათ ჩხრეკის ორდერი, გვითხრეს, რომ მიმდინარეობს საგამოძიებო მოქმედებები რომ დამთავრდება ეს ყველაფერი, მერე…

მეტი...