გაეროს ადამიანის უფლებათა უფროსმა ვოლკერ ტურკმა რუსეთი “დამოუკიდებელი ხმების” ჩახშობისთვის გააკრიტიკა და ოპოზიციის ლიდერის ალექსეი ნავალნის “დევნის” გამო შეშფოთება გამოთქვა.
15-17 მარტს რუსეთის საპრეზიდენტო არჩევნების წინ, ტურკმა თქვა, რომ რუსეთის ხელისუფლებამ “კიდევ უფრო გააძლიერა დამოუკიდებელი ხმების რეპრესია” და აღნიშნა, რომ ზოგიერთ კანდიდატს “ხელს უშლიდნენ მონაწილეობაზე სავარაუდო ადმინისტრაციული დარღვევების გამო”.
მან მოითხოვა ყველა იმ შემთხვევის სწრაფი და ყოვლისმომცველი გადახედვა, როდესაც რუსეთში ადამიანები ფუნდამენტური თავისუფლებების განხორციელებისთვის დააკავეს და ასევე, მან ადამიანის უფლებების საბჭოზე გამოსვლისას ითხოვა, “დაუყოვნებლივ შეწყდეს დამოუკიდებელი ხმებისა და იურიდიული პროფესიონალების რეპრესიები, რომლებიც მათ წარმოადგენენ”.
მისივე თქმით, ნავალნის სიკვდილი რუსეთის ციხეში “სერიოზულ შეშფოთებას მატებს მის დევნასთან დაკავშირებით” და აღნიშნა, თუ როგორ წაუყენეს ათასობით პოლიტიკოსს, ჟურნალისტს, უფლებადამცველს, ადვოკატს და სხვებს სისხლისსამართლებრივი ან ადმინისტრაციული ბრალდებები იმის გამო, რომ “უბრალოდ თავიანთი აზრი გამოთქვეს სოციალურ მედიაში.”
