სამი წელია, პარლამენტის შენობაში ვარ და ჯერ არ მახსოვს, 09:00 საათზე რამე შეხვედრა ყოფილიყო. იმედია, რამე საინტერესოს მაინც გვეტყვიან, არ გამოვა ისე, რომ 07:00 საათზე ტყუილად გამოგვაქციეს პარლამენტში და არაფერი გვითხრეს, – ამის შესახებ „გირჩის“ წევრმა, იაგო ხვიჩიამ განაცხადა.
„სინამდვილეში, ჩვენ ახლაც იგივეს ვთავაზობთ პოლიტიკურ სპექტრს, რასაც 12 პუნქტის შესრულების დროს ვთავაზობდით. უბრალოდ, ახლა საინტერესოა, რაზე აკეთებენ აქცენტს „ქართული ოცნების“ წარმომადგენლები, რამე შეცვალა თუ არა ბატონი ბიძინა ივანიშვილის პოლიტიკაში დაბრუნებამ, თუ ზუსტად ისევე გავაგრძელებთ მუშაობას, როგორც წინა შემთხვევის დროს იყო, მაინც და მაინც წარმატებულად არ ჩაგვითვალეს 12 პუნქტი“, – განაცხადა იაგო ხვიჩიამ.
ცნობისთვის, დღეს პარლამენტში ევროკავშირის 9 რეკომენდაციასთან დაკავშირებით სამუშაო შეხვედრა იმართება.
