ღაზის სექტორში “ჰამასის” მიერ მძევლად აყვანილი პირების ოჯახის წევრები ისრაელის პარლამენტში შეხვედრაზე შეიჭრნენ.
მძევლების ოჯახის წევრები ქნესეტის საფინანსო კომიტეტის სხდომაზე შეიჭრნენ.
,,აქ არ დასხდებით, სანამ ისინი იქ კვდებიან!”;”გაათავისუფლეთ ახლავე!”,- სკანდირებდნენ მომიტინგეები.
მათ თან ჰქონდათ მათი ოჯახის წევრების ფოტოები.
ცნობისთვის, “ჰამასის” ტყვეობაში დაახლოებით 130 ადამიანი რჩება.
