გერმანიაში მატარებლების მემანქანეები გაიფიცნენ. გაფიცვა 10 იანვარს დაიწყო და პარასკევს საღამოს დასრულდება.
გაფიცულები რკინიგზის ეროვნული ოპერატორი კომპანია Deutsche Bahn-სგან სამუშაო პირობების გაუმჯობესებას ითხოვენ.
პროფკავშირი მემანქანეებისთვის ყოველკვირეული სამუშაო საათების 38-დან 35-მდე შემცირებას, ყოველთვიური ხელფასის 555 ევროთი გაზრდას და ინფლაციის გათვალისწინებით დასაქმებულებისთვის სამი ათასამდე ევროს ერთჯერადად გადახდას ითხოვს.
Deutsche Bahn-ის განცხადებით, მზად არიან, ხელფასი 11%-ით გაზარდონ.