სირიის პრეზიდენტი ბაშარ ასადი ოკუპირებული აფხაზეთის ე.წ. საგარეო საქმეთა მინისტრს, ინალ არძინბას შეხვდა.
ასადი არძინბას ჰპირდება, რომ ძალისხმევას მიმართავს არაბული ქვეყნების მიერ აფხაზეთის აღიარებისთვის.
საოკუპაციო რეჟიმმა ბაშარ ალ-ასადი მომავალ წელს ოკუპირებულ აფხაზეთში მიიწვია. ოკუპირებული აფხაზეთის მედიის ცნობით, ინალ არძინბამ და ბაშარ ასადმა სირიასა და ოკუპირებულ აფხაზეთს შორის ორმხრივი ურთიერთობების განვითარებაზე ისაუბრეს.
,,პრეზიდენტმა ბაშარ ალ-ასადმა განაცხადა, რომ ყველა ღონეს გამოიყენებს არაბული სამყაროს ქვეყნების მიერ აფხაზეთის რესპუბლიკის სახელმწიფო სუვერენიტეტის აღიარების გაფართოებისთვის”, – ნათქვამია გავრცელებულ განცხადებაში.
