,,ასეთი უხვი ნალექი როდის იყო ბოლოს დედაქალაქში, მე ნამდვილად არ მახსოვს”- ამის შესახებ თბილისის მერმა, კახა კალაძემ ფეისბუქლაივის დროს განაცხადა.
მისივე თქმით, სანიაღვრე სისტემა გადავსებული იყო ნაგვით.
,,სანიაღვრე სისტემა გადავსებული იყო ნაგვით, არ ვიცი საიდან ამდენი ნაგავი. იყო კონკრეტული სანიაღვრე არხები, რომლებიც ჩვეულებრივად ატარებდა. ძალიან დიდი ნალექი იყო ცოტა დროის განმავლობაში, რამდენიმე საათის განმავლობაში. ასეთი უხვი ნალექი როდის იყო ბოლოს დედაქალაქში, მე ნამდვილად არ მახსოვს. პრობლემები შეიქმნა გარკვეულ უბნებში და არა მთელი თბილისის მასშტაბით,”- განაცხადა კახა კალაძემ.
